११ बुंदे माग राख्दै बंगलादेशी राष्ट्रिय क्रिकेटरहरु अनिश्चितकालिन बिरोधमा , भारत भ्रमण अन्योलमा



बंगलादेश राष्ट्रिय क्रिकेटरहरुले देशमा क्रिकेट सुधार गर्न बिभिन्न माग राख्दै कुनै पनि क्रिकेट गतिविधिमा अनिश्चितकालको लागि सहभागिता नजनाउने घोषणा गरेका छन्।

यसको तुरुन्त असर राष्ट्रिय क्रिकेट लिग प्रथम श्रेणी क्रिकेट प्रतियोगितामा परेको छ जुन अहिले जारि रहेको छ। यस्तै आगामी महिना हुने भारत टुरको लागि प्रशिक्षण र टुर समेत प्रभावित हुने भएको छ।

खेलाडीहरुले ११ बुंदे माग राखेका छन् जसमा बंगलादेश क्रिकेट बोर्डले गत महिना गरेको बंगलादेश प्रिमियर लिगको मोडल परिवर्तनको माग समेत रहेको छ।

राष्ट्रिय क्रिकेट एकेडेमीमा भएको पत्रकार सम्मेलनमा शाकिब अल हसन र महमदुल्लाह लगायत खेलाडीहरुले माग बारे बताएका थिए।

“हाम्रो मागहरु पुरा भए पछि मात्र पुनः पहिले जस्तै सेवा सुरु गर्नेछौ। हामिले चाहेको क्रिकेटको सुधार हो। हामि मध्ये कोहि अझ १० वर्ष क्रिकेट खेल्ने छौँ, कोहि ४-५ वर्ष। हामि खेलाडीहरुको लागि राम्रो वातावरण चाहन्छौं” शाकिबले बताए।

बंगलादेश क्रिकेट बोर्डका सीइओ निजामुद्दिन चौधरीले अधिकारिक रुपमा खेलाडीको माग प्राप्त भएपछि बोर्डले यो विषयमा कदम चाल्ने बताए।

यस्ता छन् ११ बुंदे मागहरु :- 

१. ‘क्रिकेटर्स वेलफेयर एसोसिएसन’को नेतृत्वले तुरुन्त राजीनामा दिनुपर्छ। खेलाडीहरुले अब आगामी कमिटि चयन गर्न भोट हाल्न पाउनुपर्छ।

२. ढाका प्रिमियर लिग पहिलेकै स्वरूपमा फर्किनुपर्नेछ जहाँ खेलाडीहरुले आफुले चाहेको टिमबाट खेल्न पाउनु पर्छ र आफ्नो तलब आफै निर्धारण गर्न सक्नेछन्।

३. बंगलादेश प्रिमियर लिग पहिलेकै फ़्रेन्चाइज् मोडलमा फर्किनु पर्नेछ। लोकल खेलाडीहरुको पनि विदेशी खेलाडी समान बेस प्राइज हुनुपर्नेछ।

४. प्रथम श्रेणी क्रिकेटको तलब नकै कम रहेको छ जुन बढ्नु पर्छ जुन करिब १ हजार २ सय डलर प्रति खेल ( ३०० प्रतिशतले बृद्दि ) हुनुपर्नेछ।

५. जिम, इन्डोर नेट, मैदान सबैको स्तर बृद्दि हुनुपर्छ र टिमहरुसंग वर्षभर प्रशिक्षक र फिजियो उपलब्ध हुनुपर्छ। बलको स्तर तथा खेलाडीले पाउने दैनिक भत्ता वृद्धि हुनुपर्छ। खेलाडी बस्ने होटलको स्तर कम्तिमा टु-स्टार स्तरको हुनु पर्छ जहाँ जिम र स्विमिंग पुल समेत हुनेछ।

६. सेन्ट्रल कन्ट्रयाक्ट भएका खेलाडी संख्या बढाएर ३० पुर्याउनु पर्नेछ।

७. ग्राउन्डस् म्यान, लोकल कोच, अम्पायर, फिजियो , ट्रेनर सबैको स्तर वृद्धि गर्नुपर्छ।

८. दुइ वटा घरेलु प्रथम-श्रेणी प्रतियोगिताहरु रहेका छन् भएन मात्र एउटा एकदिवसीय र टि-२० प्रतियोगिता रहेको छ। एउटा अर्को एकदिवसीय र टि-२० प्रतियोगिता आयोजना गरिनुपर्छ।

९. घरेलु प्रतीयोगीताको लागि नियमित क्यालेन्डर आवस्यक छ।

१०. ढाका प्रिमियर लिगको पाउन बाँकी तलबहरु समयमा वितरण गर्नुपर्छ।

११. राष्ट्रिय टिमबाट खेलाडी खालि हुँदा खेलाडीहरुले विदेशी लिग खेल्न कम्तिमा २ वटा एनओसी दिनुपर्छ।

शाकिब अल हसनले महिला क्रिकेटरहरुलाई अहिले समावेस नगरिएको भएता पनि उनिहरु पनि यस्तै माग सहित आए संगै माग प्रस्तुत गरे बताए।

( श्रोत – इएसपीएन क्रिकइन्फो )





थप समाचार

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]

नेदरल्याण्डसंग नेपालले टस जितेर ब्याटिंग गर्दै, यस्तो छ अन्तिम-११

नेपालमा जारि त्रि-देशीय टि-ट्वान्टी सिरिज अन्तर्गत चौथो खेलमा मंगलबार नेपाल र नेदरल्याण्ड प्रतिस्पर्धा गर्दैछन्। खेलमा नेपालले टस जितेर ब्याटिंग गर्ने […]