बंगलादेश प्रिमियर लिगको ड्राफ्टमा सन्दिपको नाम

Sandeep Lamichhane


  • विकेटनेपाल, भदौ ३१ 

नोभेम्बर २ देखि आयोजना हुने बंगलादेश प्रिमियर लिग ( बिपीएल ) प्रतियोगिताको खेलाडीहरुको ड्राफ्टमा सन्दिप लामिछाने समेत परेका छन् ।

बिपीएल खेल्न एजेन्ट मार्फत निबेदन दिनुपर्ने हुन्छ। विकेटनेपाललाई प्राप्त खबर अनुसार वेस्ट इन्डिजका एजेन्ट मार्फत सन्दिपले लिग खेल्न निबेदन दिएका थिए।

सन्दिप सहित बंगलादेश प्रिमियर लिगको बिदेशी खेलाडीहरुको ड्राफ्ट शनिबारनै बंगलादेश क्रिकेट बोर्डले कार्यक्रम माझ घोषणा गर्नेछ।

सन्दिप सहित ड्राफ्टमा २०८ जना बिदेशी खेलाडीहरु रहेका छन् जसमा सबैभन्दा धेरै इंग्ल्याण्डबाट ६२, पाकिस्तानबाट ४६, श्रीलंकाबाट २६ जना रहेका छन् । यस्तै जिम्बाबेबाट ८ जना, दक्षिण अफ्रीका, आयरल्याण्ड, युएईबाट समान ६ जना रहेका छन् भने ३ जना खेलाडी क्यानाडा, २ जना अमेरिका तथा स्कटल्याण्ड, नेदरल्याण्डबाट १-१ जना खेलाडी ड्राफ्टमा रहेका छन् ।

नेपालबाट ड्राफ्टमा रहने सन्दिप मात्रै एक्लो खेलाडी हुन् ।

ड्राफ्टमा रहेका खेलाडीहरुलाई ७ वटा श्रेणीमा बिभाजन गरिएको छ जसमध्ये ‘ए’ श्रेणीमा रहेको खेलाडीले ७० हजार अमेरिकी डलर र सबैभन्दा कम ‘एफ’ श्रेणीमा पर्ने खेलाडीको मूल्य १० हजार अमेरिकी डलर रहेको छ ।

बंगलादेश प्रिमियर लिगको नयाँ नियम अनुसार एउटा टिमले ३ देखि ५ जना बिदेशी खेलाडी अन्तिम ११ मा खेलाउन पाउनेछ ।

ड्राफ्टमा रहेका २०८ बिदेशी खेलाडीहरुबाट एउटा टिमले कम्तिमा पनि २ जना खेलाडीहरु आफ्नो टिमको लागि किन्नुपर्नेछ । तर टिमले कति बिदेशी खेलाडी टिममा राख्ने भने निश्चित गरिएको छैन ।

नेपाली रास्ट्रिय क्रिकेट टिमका खेलाडी समेत रहेका लेग स्पिनर सन्दिपले आफ्नो खेल मार्फत २०१६ यु-१९ बिश्वकपमा बिश्वकप ध्यान आकर्षण गरेका थिए । त्यो प्रतियोगितामा उनले आयरल्याण्डसंग ह्याट-ट्रिक सहित ५ विकेट लिएका थिए भए प्रतियोगिताकै धेरै विकेट लिने सुचीमा दोश्रो स्थानमा थिए ।

नेपाली रास्ट्रिय क्रिकेट टिमबाट लगातार खेलीरहेका सन्दिपले २०१६ मै हंगकंगको घरेलु टि-२० प्रतियोगिता हंगकंग टि-२० ब्लीटज खेलीसकेका थिए जहाँ उनले स्ट्रेलियन पुर्ब कप्तान माईकल क्लार्कसंग काउलुन क्यान्टोन क्लबबाट खेल्ने मौका पाएका थिए ।

त्यस प्रतियोगिता पछि क्लार्ककै निम्तोमा सन्दिपले अस्ट्रेलियामा क्रिकेट खेल्ने र सिक्ने मौका पाएका थिए ।

यु-१९ रास्ट्रिय क्रिकेट टिमको कप्तान रहीसकेका सन्दिप हाल मलेसियामा जारि एसीसी यु-१९ पूर्वी क्षेत्र प्रतियोगितामा खेलीरहेका छन् । यु-१९ एसिया बिश्वकप छनौटमा नेपालले खराब प्रदर्शन गरेपछि उनलाई कप्तानीबाट भने हटाईएको छ । जारि प्रतियोगितामा सन्दिपले पहिलो खेलमा थाईल्याण्डसंग ७ विकेट तथा भुटानसंग ४ विकेट हात पारेका थिए ।

गत महिना सिंगापुरमा सम्पन्न यु-१९ एसिया बिश्वकप छनौटमा कुल २४ विकेट लिएका सन्दिप नेपालको लागि एकै अन्तर्राष्ट्रिय प्रतियोगितामा धेरै विकेट लिने खेलाडी समेत हुन् ।

यसै बर्ष फेब्रुअरीमा बिश्व प्रसिद्ध  बेलायती क्रिकेट म्यागजिन ‘अलआउट क्रिकेट’ ले जारि गरेको बिश्व क्रिकेटमा प्रभाब बनाएका र बनाउन सक्ने खेलाडीको सुचीमा समेत सन्दिप रहेका थिए ।

यो पनि पढ्नुस :- 

 

 





थप समाचार

अमेरिका जाने राष्ट्रिय टिमको विदाई

नेपाल क्रिकेट संघ (क्यान) ले आईसीसी विश्वकप लिग–२ अन्तर्गत आगामी जुन ९ देखि १५ तारिखसम्म अमेरिकामा हुने त्रिदेशीय सिरिज खेल्न […]

यू–१९ विश्वकप एसिया छनोट : यू–१९ महिला राष्ट्रिय टोलीको घोषणा

नेपाल क्रिकेट संघ (क्यान)ले मलेसियामा जेठ २० देखि २५ गतेसम्म आयोजना हुने आर्ईसिसी यू–१९ विश्वकप एसिया क्षेत्रको छनोट खेलका लागि […]

धनगढी सुपर लिगको उपाधि महेन्द्रनगर क्रिकेट एकेडेमीलाई, दीपक सर्वोत्कृष्ट

क्लब स्तरीय टी–२० राष्ट्रिय क्रीकेट प्रतियोगिता धनगढी सुपर लिगको उपाधि महेन्द्रनगर क्रिकेट एकेडेमीले जितेको छ । धनगढीको लिटल फ्लावर क्रिकेट […]

ईपीएल आयोजना गर्न क्यानले स्वीकृति नदिएपछि सर्वोच्चमा रिट दायर

काठमाडौँ । नेपाल क्रिकेट सङ्घ (क्यान)ले एभरेस्ट प्रिमियम लिग (ईपीएल)को आगामी संस्करणका लागि स्वीकृति नदिएपछि आयोजक संस्था ईपीएल प्रालिले सर्वोच्च […]

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]