अस्ट्रेलियालाई हारको खतरा, शाकिबको सनसनी



  • विकेटनेपाल, १२ भदौ

शकिब अल हसनले ५ विकेट हात पारेपछि अस्ट्रेलियालाई बंगलादेशले २१७ रनमै सिमित गर्दै पहिलो टेस्टमा बलियो स्थितिमा पुगेको छ l

२ टेस्टको शृंखला अन्तर्गत पहिलो टेस्टमा टस जितेर ब्याटिंग गरेको बंगलादेशले पहिलो इनिंगमा २६० रन बनाएको थियो l जसपछि आफ्नो पहिलो इनिंग ब्याटिंग गरेको अस्ट्रेलियाले बंगलादेश भन्दा कमजोर ब्याटिंग गर्दै ७४.५ ओभरमा सबै विकेट गुमाएको हो l

ढाकामा जारि टेस्टको दोश्रो दिनको खेल सकिंदा बंगलादेशले ८८ रनको अग्रता लिने क्रममा  ४५ रनमा १ विकेट गुमाएको स्थितिमा रहेको छ l तमिम इकबाल ३० रन तथा तैजुल इस्लाम ० रनमा अविजित रहेका छन् l सौम्य सरकार १५ रन बनाएर आउट भए l

अस्ट्रेलियालाई सस्तोमा समेट्न शाकिब अल हसनले १६ औ पटक टेस्ट क्रिकेटमा ५ विकेटको ( २५.५-७-६८-५ )  प्रदर्शन गरे l अस्ट्रेलियासंग ५ विकेट पुरा गर्ने बितिकै शाकिब ९ वटा टेस्ट रास्ट्र बिरुद्ध ५ विकेट लिने चौथो बलर बनेका छन् l शाकिबसंगै रंगना हेराथ, डेल स्टेन, मुथैया मुरलीधरनले ९ टेस्ट रास्ट्र बिरुद्ध ५ विकेटको प्रदर्शन गर्न सकेका छन् l आफ्नो ५० औं टेस्टमा नै यो उपलब्धि हाँसिल गरेका उनि यो रेकर्ड बनाउने सबैभन्दा छिटो खेलाडी बनेका छन् l मुरलीधारनले ६६ टेस्टमा यो उपलब्धि आफ्नो नाम गरेका हुन् जसले जिम्बाबेसंग ३ पटक ५ विकेट लिएका छन् l

ब्याटिंग तर्फ पनि शाकिब अल हसनले सर्बाधिक ८४ रन बनाए l फोटो – आईसीसी

अस्ट्रेलियाको लागि ओपनिंग ब्याट्सम्यान म्याट रेन्शले सर्बाधिक ४५ रन तथा एस्टन एगरले अविजित ४१ रनको योगदान दिएका थिए l अर्का बंगलादेशी बलर मेहिदी हसनले ३ विकेट हात पारेका थिए l

यस अघि बंगलादेशको लागि ब्याटिंग तर्फ पनि शाकिब अल हसनले सर्बाधिक ८४ रन तथा ओपनर तमिम इकबालले ७१ रन योगदान दिएका थिए l प्याट कमिन्स, नाथन लायन र एस्टन एगरले अस्ट्रेलियाको लागि समान ३ विकेट हात पारेका थिए l

भिडियो 

https://youtu.be/nvilqY7BTos

 





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]