महिला एसिया कपको उपाधि बंगलादेशलाई, फेरी हार्यो भारत

Bangladesh


  • विकेटनेपाल – २७ जेठ, आइतवार

मलेसियामा सम्पन्न महिला एसिया कप टि-२० क्रिकेटको उपाधि बंगलादेशको महिला टोलीले हात पारेको छ। आइतवार सम्पन्न फाइनल खेलमा बंगलादेशले भारतलाई ३ विकेटले पराजित गर्यो।

बंगलादेशले महिला एसिया कपको उपाधि पहिलो पटक हात पारेको हो। उता भारतभने एसिया कप इतिहासमा दोस्रो पटक पराजित हुनपुगेको छ। यसअघि केहि दिनअघि मात्र भारतले बंगलादेशसंग नै हार बेहोरेको थियो।

टस हारेर ब्याटिंग ब्याटिंगको निम्तो पाएको भारतले खराव ब्याटिंग प्रदर्शन गर्दै निर्धारित २० ओभरमा ९ विकेट गुमाएर ११२ रन मात्र जोडेको थियो। कप्तान हर्मनप्रित कौरले ५६ रन बनाउन बाहेक अन्य खेलाडीले राम्रो प्रदर्शन गर्न सकेका थिएनन्। अर्ध-शतकीय पारि खेल्ने क्रममा कौरले ४२ बलमा ७ चौका प्रहार गरेकी थिइन्। यस्तै मिथाली राज र बेदा कृष्णमुर्तिले समान ११-११ रन बनाएका थिए। बंगलादेशको बलिंगमा रुमना अहमद र खडिजा तुल कुब्राले समान २-२ विकेट लिएका थिए।

Harmanpreet Kaur

जवाफमा ११३ रनको बिजय लक्ष्य लिएर मैदान उत्रिएको बंगलादेशले अन्तिम बलमा ७ विकेट गुमाएर लक्ष्य भेट्टाउन सफल भयो। उसको जितमा निगर सुल्तनाले २७ तथा र रुमन्ना अहमदले २३ रनको पारि खेले।

यस्तो थियो रोमान्चक अन्तिम ओभर :

अन्तिम ओभरमा जितका लागि ९ रनको आवश्यकता हुँदा बंगलादेशले ५ विकेट गुमाएको थियो। उसका रुमन्ना अहमद र संजिदा इस्लाम स्ट्राइकमा रहेका थिए। भारतका लागि अन्तिम ओभर गर्ने जिम्मा हर्मनप्रित कौर आफैंले लिईन्।

पहिलो बलमा संजिदा इस्लामले पहिलो १ रन लिंदै रुमन्नालाई स्ट्राइकमा ल्याइन। दोस्रो बलमा रुमन्नाले चौका प्राहार गर्दै बंगलादेशको चेजलाई सहयोग पुर्याइन। तेस्रो बलमाभने रुमन्नाले १ रन लिएपछि संजिदा इस्लामले स्ट्राइक पाइन्। चौथो बलमा ठुलो शट प्रहार गर्ने दाउमा संजिदा बाउन्ड्रीमा बेदा कृष्णमुर्तिको हातबाट क्याच आउट हुनपुगिन्, त्यससमय बंगलादेशलाई जितका लागि २ बलमा ३ रनको आवश्यकता थियो। पाँचौं बलमा रुमन्ना अहमद दोस्रो रन लिने चक्करमा रन आउट हुन पुगिन। अब बंगलादेशलाई अन्तिम बलमा जित जित प्राप्त गर्न २ रन को आवश्यकता थियो र नयाँ ब्याट्सम्यान जहानरा आलमले २ रन लिंदै बंगलादेशलाई ऐतिहासिक जित दिलाउन सफल भईन्।

भारतको बलिंगमा पुनम यादवले ४ तथा हर्मनप्रित कौरले २ विकेट लिएपनि त्यो जितका लागि पर्याप्त भएन। प्रतियोगिताको उत्कृस्ट खेलाडीको उपाधि भारतीय कप्तान हर्मनप्रित कौरले प्राप्त गरिन भने फाइनल खेलको म्यान अफ डी म्याच रुमन्ना अहमद घोषित भईन्।

Photo : (@ACC)





थप समाचार

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]