पन्जाबमाथि बैंगलोरको ठुलो जित, प्लेअफ पुग्ने सम्भावना कायम नै



  • विकेटनेपाल, बैशाख ३१ – सोमबार

इण्डियन प्रिमियर लिग आइपिएल अन्तर्गत सोमबार सम्पन्न एक मात्र खेलमा रोयल च्यालेंजर्स बैंगलोरले ठुलो जित हात पारेको छ । होलकर मैदान इन्दौरमा भएको खेलमा बैंगलोरले किंग्स एलेभेन पन्जाबलाई १० विकेटले पराजित गर्यो ।

यो बैंगलोरको आइपिएल इतिहासमा तेस्रो १० विकेटको जित हो । यसअघि सन् २०१० मा राजस्थान रोयल्स र सन् २०१५ मा दिल्ली डेयरडेभिल्सलाई बैंगलोरले १० विकेटले हराएको थियो ।

टस हारेर पहिले ब्याटिंगको निम्तो पाएको पन्जाबले खराब प्रदर्शन गर्दै मात्र ८८ रन जोड्न सकेको थियो । लोकेश राहुल र क्रिस गेलले पहिलो विकेटका लागि ३६ रनको साझेदारी गरेपनि अन्य ब्याट्सम्यान चल्न नसक्दा पन्जाब यो सिजनकै कम् स्कोरमा समेटिन पुग्यो । उसको इनिंगम एरन फिन्चले २६, लोकेश राहुलले २१ तथा क्रिस गेलले १८ रन जोड्न बाहेक अन्य ब्याट्सम्यानले दोहोरो अंकमा रन जोड्न सकेका थिएनन् । पन्जाबका ३ ब्याट्सम्यान रन आउट को शिकार बनेका थिए ।

बैंगलोरको बलिंगमा म्यान अफ द म्याच उमेश यादवले सर्वाधिक ३ विकेट हात पारेका थिए । ४ ओभरको स्पेलमा २३ रन खर्चंदा यादवले राहुल, गेल र एन्ड्रीउ टाईको विकेट चट्काएका थिए । यस्तै मोहम्मद सिराज, कोलिन डी ग्रयाण्डहोम, युजभेंद्र चहल र मोइन अलिले समान १-१ विकेट लिएका थिए ।

जवाफमा ८९ रनको झिनो लक्ष्य बैंगलोरले मात्र ८.१ ओभरमा पुरा गर्यो । उसको चेजमा कप्तान विराट कोहली अविजित ४८ तथा पार्थिव पटेल ४० रनमा अविजित रहे । कोहलीले २८ बलमा ६ चौका र २ चौका तथा पटेलले २२ बलमा ७ चौका प्रहार गरे ।

यससंगै बिराट कोहली सर्वाधिक पटक आइपिएल क्रिकेटको एकै सिजनमा ५०० रन प्रहार गर्ने ब्याट्सम्यान बनेका छन् । कोहलीले ५ पटक एकै सिजन ५०० रन प्राहार गरिसकेका छन् । यस्तै कोहली पछि डेभिड वार्नरले ४ सिजन ५०० रन बनाएका थिए ।

जितसंगै बैंगलोरको १२ खेमा १० अंक भएको छ र उसको अन्तिम ४ मा पुग्ने सम्भावना जीवित नै रहेको छ । यस्तै पराजित बनेको टोलि पन्जाबले भने अब प्लेअफमा पुग्न बाँकी सबै (२) खेल जित्न पर्ने छ । पन्जाबको १२ खेलबाट १२ अंक रहेको छ ।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]