बसन्त रेग्मी ग्यालेक्सी पेन्ट्सको ब्रान्ड एम्बेसडर

Basant Regmi


  • विकेटनेपाल ,असोज ४ , भैरहवा।

नेपाली राष्ट्रिय क्रिकेट टिमका नियमित सदस्य, चर्चित क्रिकेटर बसन्त रेग्मीलाई स्थानिय ग्यालेक्सि पेन्टसले ब्राण्ड एम्बेसडर बनाएको छ।

बुधबार भैरहवामा आयोजित कार्यक्रममा कम्पनिले स्थानिय बासिन्दा समेत रहेका रेग्मीलाई आफनो कम्पनिबाट उत्पादित बिभिन्न प्रकारका पेन्टसहरुको प्रबद्र्धनका लागी ब्राण्ड एम्बेसडर बनाएको घोषण गर्दै दुबै पक्षले एक अर्कालाई सहयोग गर्ने संझौतापत्रमा हस्ताक्षर गरेका छन्।

रुपन्देहीको ओमसतिया गाउँपालिका-४ बसन्तपुरमा ग्यालेक्सी पेन्टसको उद्योग रहेको छ । करिब १५ बर्ष देखि क्रिकेट खेल्दै आएका रेग्मी भैरहवाका स्थायी बासिन्दा समेत हुन्। उनले नेपाली राष्ट्रिय टिमबाट सहभागी भई नियमित रुपमा थुप्रै अन्तर्राष्ट्रिय क्रिकेट प्रतियोगिता खेलीसकेका छन्।

रेग्मीलाई एक वर्षसम्मका लागि एम्बेष्डर बनाइएको उद्योगका प्रबन्ध निर्देशक सन्तोष कुमार चौधरीले बताए। ब्राण्ड एम्बेसडर बने बापत उद्योगले रेग्मीलाई एक बर्ष सम्म क्रिकेट खेल्नका लागी भौतिक सामग्री तथा आर्थिक रुपमा पनि सहयोग गर्ने कम्पनिका संचालक त्रिबिक्रम रावलले बताए। रेग्मीले ग्यालेक्सीबाट उत्पादन हुने बस्तुहरुको बिभिन्न माध्यमबाट प्रबद्र्धन गर्नेछन् भने उत्पादित बस्तुहरुको बिज्ञापन सामग्रीमा समेत उद्योगले बसन्त रेग्मीको तस्बिर प्रयोग गर्नसक्नेछन् भने बिद्युतिय संचार माध्यममा पनि प्रयोग गर्न सक्ने संझौतापत्रमा रहेको छ।

Basant Regmi
Basant Regmi

ग्यालेक्सीसंग संझौता पछि रेग्मीले एक वर्षसम्म अन्य कुनै पेन्ट्सको बिज्ञापन लगायत प्रबद्र्धनात्मक कार्य भने गर्न पाउने छैनन्। संझौतापत्रमा उद्योगकातर्फबाट चौधरी र रेग्मीले हस्ताक्षर समेत गरेका छन्।

संझौतापत्रमा हस्ताक्षर पछि रेग्मीले नेपाली उत्पादनलाई प्रोत्साहन गर्न आफू ग्यालेक्सीको एम्बेष्डर भएको बताए – ‘यही क्षेत्रमा उद्योग छ, म पनि यहीको स्थानिय भएको र स्थानिय उत्पादनलाई प्रोमोशन गर्नु सबैको दायित्व हो, उनले भने।

२०७१ सालमा स्थापना भएको उद्योगले अहिले बिभिन्न थरिका पेन्टसहरुको उत्पादन गरी बिक्री गर्दै आएको छ । उद्योगले विर्तामोड, काठमाडौं, पोखरा, अर्घाखााची, दाङ्सहित स्थानमा १३० भन्दा बढी डिलर मार्फत बिक्री प्रबद्र्धन गर्दै आएको र भबिश्यमा थप १२० डिलर चयन गरी बिक्री गर्ने योजना रहेको जनाए। अघिल्लो आर्थिक वर्षमा १० करोडको कारोबार गरेको उद्योगले चालु बर्षमा १५ करोडको आर्थिक कारोबारको लक्ष्य लिएको छ।





थप समाचार

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]

को बन्लान् नेपालको मुख्य प्रशिक्षक ? यी हुन् दावेदार

नेपाल क्रिकेट संघ ( क्यान ) ले राष्ट्रिय क्रिकेट टिमको मुख्य प्रशिक्षकको लागि आवेदन दिएका ६० जना आवेदकहरु मध्ये बिहिबार […]