ब्याटिंग फ्लप हुँदा युएईसंग नेपाल पराजित



युएईमा जारि आईसीसी विश्वकप लिग अन्तर्गतको त्रिकोणात्मक एकदिवसीय अन्तर्राष्ट्रिय सिरिजको दोश्रो खेलमा नेपाल घरेलु टोलि युएईसंग ४८ रनले पराजित भएको छ।

दुबई अन्तर्राष्ट्रिय स्टेडियममा युएईले दिएको १६९ रनको लक्ष्य पछ्याएको नेपालले ३५.१ ओभरमा १२० रनमा सम्पूर्ण विकेट गुमाउन पुग्यो।

स्कोरकार्ड, अंकतालिका 

खराब सुरुवात गरेको नेपालले २७ रन बनाउदा पहिलो ३ विकेट गुमायो। कुशल भुर्तेल ११, आसिफ शेख ७ तथा दिपेन्द्र ऐरी ४ रनमा आउट भए। पाँचौ नम्बरमा ब्याटिंग गरेका रोहित पौडेलसंग तेश्रो नम्बरका ज्ञानेन्द्र मल्लले ५५ रनको साझेदारी गरे। ज्ञानेन्द्र २३ औं ओभरमा आउट भए जसले ६२ बलमा २८ रन बनाए। लगत्तै खाता नखोली आरिफ शेख आउट भए। करियरको पाँचौ अर्धशतक नजिक पुगेका रोहित पौडेल ४६ रन बनाएर ३० औं ओभरमा जहुर खानबाट क्याच आउट भए। त्यसपछि पनि विकेट जाने क्रम रोकिएन फलस्वरुप १०७/६ को अवस्थाबाट थप १३ रन जोड्दा नेपालले सम्पूर्ण विकेट गुमायो।

युएई बलर बसिल हमिदले ४ विकेट ( ५-१-१५-४ ), जुनैद सिद्दिकीले ३ विकेट ( ७.१-१-१८-३ ) तथा जहुर खान र रोहन मुस्तफाले समान १ विकेट लिए।

टस जितेर ब्याटिंग गरेको युएईले ४६.३ ओभरमा १६८ रन बनाएको थियो। युएईको ब्याटिंगमा सिपि रिजवान र रोहन मुस्तफाले समान ४० रन बनाए। मुहम्मद वासिमले २१, खासिफ दौडले १८, बसिल एहमदले १४ तथा एहमद रजाले १३ रन बनाए।

सोमपाल कामिले उत्कृस्ट बलिंग गर्दा युएईको सुरुवात खराब रह्यो। सोमपालले चिराग सुरी, भृत्य अरविन्द र मुहम्मद वासिमको विकेट लिए। करन केसीले आसिफ खानको विकेट लिंदा युएई ३५/४ को अवस्थामा पुग्यो।

पाँचौ विकेटको लागि सिपि रिजवानले रोहन मुस्तफासंग ७७ रनको साझेदारी गरे। कप्तान सन्दिप लामिछानेले ३४ औं ओभरमा रिजवानलाई स्टम्प आउट गर्दै साझेदारी तोडे। ३९ औं ओभरमा मुस्तफालाई दिपेन्द्र ऐरीले बोल्ड गरे। लगत्तै बसिल एहमदलाई सागर ढकालले पहिलो एकदिवसीय अन्तर्राष्ट्रिय विकेटको रुपमा क्याच आउट पारे। त्यसपछि युएईको तल्लो क्रम ब्याट्सम्यानले उल्लेख्य योगदान दिन सकेनन्।

नेपालको बलिंगमा सोमपाल कामिले ४ विकेट ( ९-०-३९-४ ), करन केसीले ३ विकेट ( ७.३-१-१६-३ ) लिए। सन्दिप लामिछाने ( १०-१-३०-१ ), दिपेन्द्र ऐरी ( १०-०-४२-१ ) र सागर ढकालले ( ४-०-१३-१ ) समान १ विकेट लिए।

पहिलो खेलमा नेपालले पपुवा न्यु गिनीलाई २ विकेटले पराजित गरेको थियो। सिरिज अन्तर्गत नेपालले तेश्रो खेल युएईसंग मार्च २१ तारिख ( सोमबार ) खेल्नेछ। यस्तै चौंथो खेल पपुवा न्यु गिनीसंग मार्च २२ तारिखमा खेल्नेछ।





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]