सोमपालको ब्लास्टर्सले दियो पारसको राइनोजलाई १३६ रनको लक्ष्य

Shankar Rana


  • विकेटनेपाल-१० कार्तिक, शनिवार

पोखरामा जारि पहिलो संस्करणको पोखरा प्रिमियर लिगको दोस्रो दिन दुई खेल संचलान हुँदैछन्। दिनको पहिलो खेलमा पारस खड्काको चितवन राइनोजले सोमपाल कामीको बुटवल ब्लास्टर्सको सामना गर्दैछ।

खेलको पहिलो इनिंगको समाप्तिमा बुटवल ब्लासटर्सले ६ विकेटको नोक्सानीमा १३५ रनको योगफल तयार गरेको छ। ब्लासटर्सका लागि शंकर रानाले सर्वाधिक ४८ रनको तथा सागर पुनले ४६ योगदान गरे।

ओपनर चिराग सुरी र तेस्रो नम्बरका ब्याट्सम्यान रोहन मुस्तफालाई चांडै गुमाएको बुटवलले चौथो नम्बरमा ब्याटिंग गर्न आएका भिम शार्कीलाई समेत छिट्टै गुमाएको थियो।

Shankar Rana
Shankar Rana

त्यसपश्चात भने पाँचौं विकेटका लागि बुटवल ब्लासटर्सका सागर पुन र शंकर रानाले ६८ रनको साझेदारी गर्दै टोलीको इनिंगलाई उकासे। सागर व्यक्तिगत ४८ बलमा ४६ रनको संयम इनिंग खेल्दै शक्ति गौचनको शिकार बने।

सागरको विकेटपछि ब्याटिंगमा उत्रिएका सिदान्त लोहनीले पुन: शंकर रानासंग ५० रनको साझेदारी गरे। इनिंगको अन्तिम ओभरको चौथो बलमा राना ४८ रनको स्कोरमा रन आउट हुनपुगे। त्यसक्रममा उनले ४१ बलमा ५ चौका र १ छक्का प्रहार गर्न सफल रहे।

सिदान्त लोहनीभने १५ बलमा २ चौका सहित १७ रन जोड्दै अविजित रहे।

Karan KC
Karan KC

चितवनको बलिंगतर्फ करन केसीले सर्वाधिक २ विकेट (४-०-२२-२) हात पारे। इनिंगको पहिलो ओभरको अन्तिम दुई बलमा करनले क्रमश चिराग सुरी र रोहन मुस्तफालाई पभेलियनको बाटो देखाएका थिए।

दिनको दोस्रो खेलमा दिउँसो काठमाण्डौ रोयल्स र धनगढी ब्लुज भिड्दै छन्। शुक्रवार सम्पन्न उद्घाटन खेलमाभने पोखरा पल्टनले बिराटनगर टाईटन्सलाई ५८ रनले पराजित गरेको थियो।





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]