भिम शार्कीको अर्धशतकमा बुटवलले बनायो १५० रन

Bhim Sharki

भिम शार्कीले उत्कृस्ट इनिंग खेल्दै ५४ रन प्रहार गरेपछि पोखरा पल्टन बिरुद्धको खेलमा बुटवल ब्लास्टर्सले १५० रन जोडेको छ।

पोखरा रंगशालामा जारि पोखरा प्रिमियर लिगको तेस्रो दिनको दोस्रो खेलमा पहिले ब्याटिंग गर्दै बुटवलले ७ विकेट गुमाएर १५० रनको योगफल तयार गरेको हो।

बुटवलको इनिंगमा भिम शार्कीले सर्वाधिक ५४ रनको योगदान गरे। संयम पारि खेल्ने क्रममा भिमले ४६ बलमा २ चौका र ३ छक्का प्रहार गरे।

Bhim Sharki
Bhim Sharki

ओपनर सागर पुन (२) र चिराग सुरी (५) लाई छिट्टै गुमाएको बुटवलले २० रनमा २ विकेट गुमाएको थियो। त्यसपश्चात भिम शार्की र रोहन मुस्तफाले तेस्रो विकेटका लागि ७३ रनको साझेदारी गर्दै बुटवललाई राम्रो स्कोरतर्फ अगी बढाए।

मुस्तफा व्यक्तिगत ४५ रन जोड्दै शरद भेसवाकरको बलमा एल बि डब्लु धरापमा परेका थिए। ३५ बलको सामना गरेका उनले ३ चौका र २ छक्का प्रहार गरे।

Rohan Mustafa
Rohan Mustafa

इनिंगको अन्त्यतर्फ सोमपाल कामीले २२ (८ बल, २ चौका, १ छक्का) र सिद्धान्त लोहनीले १३ रन (११ बल, १ छक्का) प्रहार गर्दै बुटवलको स्कोरलाई १५० रनसम्म पुर्याए।

पोखराको बलिंगमा मोहम्मद नबिदले सर्वाधिक ३ विकेट (४-०-२०-३) प्राप्त गरे। यस्तै मेहबुब आलम, ललित राजबंशी र शरद भेसवाकरले सामान १-१ विकेट चट्काए।

Mohammad Naveed
Mohammad Naveed
Sharad Vesawakar
Sharad Vesawakar