बिबिए कप : पब्लिक युथको विजयी सुरुवात



पब्लिक युथ क्याम्पसको आयोजनामा काठमाडौँको मुलपानी क्रिकेट मैदानमा ‘पीवाईसी बिबिए क्रिकेट कप’ टि-२० प्रतियोगिता सुरु भएको छ।

प्रतियोगिताको उद्घाटन खेलमा आयोजक तथा डिफेन्डिङ च्याम्पियन पब्लिक युथ क्याम्पसले विजयी सुरुवात गरेको छ। उसले सैनिक आवासीय महाविद्यालयलाई ७ विकेटले पराजित गर्यो।

सैनिक आवासीयले दिएको ७३ रनको लक्ष्य पब्लिक युथले ८.५ ओभरमा भेटायो। प्लेयर अफ द म्याच समेत चुनिएका सुशान्त सिंहले १९ बलमा ४ चौका र ३ छक्का मद्दतले ४० रन तथा इर्शाद अलिले १९ रन बनाए।

टस जितेर ब्याटिंग गरेको सैनिक आवासीयले १६.४ ओभरमा ७२ रन बनायो। उसको लागि बिबेक न्यौपानेले २६ तथा प्रबि मल्लले १४ रन बनाए। पब्लिक युथका बलर रबिन साउद र सुशान्त सिंहले ३/३ विकेट लिए।

प्रतियोगिता अन्तर्गत बुधबार दुई खेल हुनेछन्। विहान ९ बजे सुरु हुने पहिलो खेलमा बिहान कान्तिपुर कलेज अफ म्यानेजमेन्ट एण्ड इन्फर्मेसन टेक्नोलोजी र पाटन मल्टिपल क्याम्पस बीच तथा दिउँसो १ बजे सुरु हुने दोश्रो खेलमा के एण्ड के कलेज र भक्तपुर मल्टिपल क्याम्पस बीच हुनेछ।

प्रतियोगितामा कुल  १८ टोलि सहभागी छन्।

प्रतियोगिताको विजेताले ८५ हजार रुपैयाँ तथा उपविजेताले ३५ हजार रुपैयाँ प्राप्त गर्ने छन्। यस्तै बिभिन्न विधामा उत्कृस्ट चुनिने खेलाडीहरु तथा प्रत्येक खेलको प्लेयर अफ द म्याचलाई विशेष पुरस्कारको व्यवस्था गरिएको छ।





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]