BIG BASH : लगातार तेश्रो खेलमा सन्दिप विकेटविहिन, यस्तै रह्यो बलिंग प्रदर्शन



अस्ट्रेलियामा जारि बिग ब्यास लिग अन्तर्गत होबार्ट हरिकेन्सको प्रतिनिधित्व गरिरहेका नेपाली लेग स्पिनर सन्दिप लामिछाने लगातार तेश्रो खेलमा विकेटविहिन भएका छन्।

खेलमा टस जितेर ब्याटिंग गरेको एडीलेडले २० ओभरमा ५ विकेट क्षेतीमा १७५ रन बनाएको छ। एडीलेडको लागि म्याट रेन्सले सर्वाधिक ६३ तथा जेक वेदराल्डले ४१ रन बनाए। होबार्टको बलिंगमा राइली मेरेडीथले ३ तथा थोमस रोजर्स र नाथन इलिसले समान एक विकेट लिए।

होबार्टको घरेलु मैदानमा एडीलेड स्ट्राइकर्स बिरुद्ध नेपाली स्पिनरले ३ ओभर बलिंग गर्दा ३१ रन खर्चिए। स्पेलको पहिलो ओभरमा १४ रन खर्चेका उनले दोश्रो र तेश्रो ओभरमा राम्रो बलिंग गर्दै ८ र ९ रन खर्चिएता पनि विकेट भने प्राप्त गर्न सकेनन्। जारि लिगमा पहिलो पटक सन्दिपले पुरै ४ ओभर बलिंग गरेनन्। यस अघि पर्थ स्करचर्स र मेलबर्न स्टार्ससंग पनि सन्दिप विकेटविहिन भएका थिए।

सन्दिपको पहिलो ओभर : पावरप्लेको छैठौं ओभरमा बलिंग गर्न आएका सन्दिप पहिलो ओभरमा मनागो सावित भए। म्याट रेन्सले उनलाई ओभरको पहिलो दुई बलमा लगातार दुई चौका तथा जेक वेदराल्डले एउटा चौका प्रहार गरे। ओभर समरी ( ४ ४ १ ४ ० १ )

सन्दिपको दोश्रो ओभर : बाह्रौं ओभरमा बलिंगमा आएका सन्दिपको पहिलो बलमा रेन्सले चौका प्रहार गरे। त्यसपछि सन्दिपले कसिलो बलिंग गरे। चौथो बलमा वेदराल्डको सटमा टप एज लागेता पनि डिप स्क्वायर लीग फिल्डर भन्दा थोरै अगाडी खसे पछि सन्दिप विकेट लिन चुके। ओभरमा सन्दिपले ८ रन खर्चिए। ओभर समरी ( ४ ० १ १ १ १ )

सन्दिपको तेश्रो ओभर : डेथ ओभरमा सत्रौं ओभर बलिंग गरेका सन्दिपले ओभरमा ९ रन खर्चिए। चौंथो बलमा जोनाथन वेल्सले कट गर्दै चौका प्रहार गरे भने अन्य बलमा सन्दिपले कसिलो बलिंग गरे। ओभर समरी ( ० १ २ ४ १ १ )

लिगमा हालसम्म ६ खेल खेलेका सन्दिपले मात्र दुई विकेट लिन सकेका छन् भने प्रति ओभर ७.९१ रन खर्चेका छन्।





थप समाचार

एलपीएलको अटोमोबाईल पार्टनर बिशेष मोटोकर्प धनगढी

धनगढीमा आयोजना हुन गइरहेको विद्यालय स्तरको यु–१९ क्रिकेट प्रतियोगिता लिटल फ्लावर प्रिमियर लिग–६ (एलपीएल–६)को अटोमोबाईल पार्टनर बिशेष मोटोकर्प प्रा.लि.धनगढी रहने […]

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]