बिग ब्यास : रेनिगेड्सलाई हराउँदै हिट अंकतालिकाको पाचौं स्थानमा



जोए बर्न्सले विस्फोटक ब्याटिंग गर्दा अष्ट्रेलियामा जारि १० औं संस्करणको बिग ब्यास लिग अन्तर्गत बिहिबार सम्पन्न ३९ औं खेलमा क्रिस लिन कप्तानीको ब्रिसबेन हिटले एरोन फिंच कप्तानीको मेलबर्न रेनिगेड्सलाई ५ विकेटले पराजित गरेको छ।

जितसंगै १० खेलमा समान ५ जित र ५ हारपछि हिट अंकतालिकाको पाचौं स्थानमा उक्लिएको छ भने १० खेलमा मात्र २ जित निकालेको रेनिगेड्स अंकतालिकाको पुछारमा रहेको छ।

क्यानवेरा स्थित मानुका ओभल मैदानमा सम्पन्न खेलमा १५० रनको मध्यम लक्ष्य पछ्याएको हिटले १८.४ ओभरमा ५ विकेट गुमाएर लक्ष्य पुरा गर्यो। उसको लागि कप्तान क्रिस लिनले ४० बलमा ४ चौका र १ छक्काको मद्धतमा ५० रनको अर्धशतकीय पारि खेले भने जोए बर्न्सले विस्फोटक ब्याटिंग गर्ने क्रममा अविजित ३४ रन बनाए। १४ बलको सामना गरेका उनले ४ चौका र १ छक्का हिर्काए।

जितका लागि अन्तिम ४ ओभरमा ३४ रनको आवश्यकता रहँदा बर्न्सले पिटर हत्जोग्लूलेको १७ औं ओभरमा २ चौका हिर्काउदै १२ रन बटुलपछि अन्तिम ३ ओभरमा हिटलाई जितका लागि २२ रनको खाँचो रहेको थियो। बर्न्सले नुर अहमदको १८ औं ओभरमा १ छक्का प्रहार गर्दै १२ रननै बटुले भने केन रिचार्डसनको १९ औं ओभरमा २ चौका हिर्काउदै टिमलाई जित दिलाएका थिए।

यसअघि लिनले म्याक्स ब्रायन्टसँग पहिलो विकेटको लागि ४६ रनको साझेदारी गरे। ब्रायन्ट आउट भएपछि लिनले दोस्रो विकेटको लागि जोए डेन्लीसँग ५९ रनको अर्धशतकीय साझेदारी गरे। त्यसपछि हिटले १२ रनको अन्तरालमा ४ विकेट गुमाएता पनि बर्न्सले ३४ रनको अविजित पारि खेल्दै टिमलाई जितसम्म डोर्याएका थिए।

रेनिगेड्सको बलिंगतर्फ पिटर हत्जोग्लूले (४-०-२८-२) सर्वाधिक २ विकेट लिए भने इमाद वासिम, केन रिचार्डसन र जॅक प्रेस्टविजले समान १ विकेट हात पारे।

यसअघि ब्याट फिलिप हारेर ब्याटिंगको निम्तो पाएको हिटले निर्धारित २० ओभरमा ६ विकेट गुमाएर १४९ रन बनाएको थियो। उसको लागि बिउ वेब्स्टरले ४० बलमा ३ चौका र २ छक्काको मद्धतमा ५० रनको अर्धशतकीय पारि खेले भने जेक फ्रेसर-मॅकगर्कले ३३ बलमा ४० रनको योगदान दिए जुनक्रममा ४ चौका र १ छक्का हिर्काए।

हिटको बलिंगतर्फ मार्क स्टेकेटीले (४-०-२४-२) सर्वाधिक २ विकेट लिए भने जावियर बार्लेट, ज्याक वाइल्डर्मथ, मॅथ्यू कुहनेमानर मोर्ने मोर्केलले समान १ विकेट हात पारे।





थप समाचार

BBL : दबाबमा सन्दिपको राम्रो बलिंग, मेलबर्न बिरुद्ध लिए २ विकेट

दबाबमा सन्दिप लामिछानेले राम्रो बलिंग गर्दा मेलबर्न रेनेगेड्सलाई ६ रनले पराजित गर्दै होबार्ट हरिकेन्सले सातौँ जित दर्ता गरेको छ। मेलबर्नको […]

आर्मीलाई ४७ रनले हराउँदै एपीएफ फाइनलमा

त्रिभुवन आर्मी क्लबलाई ४७ रनले हराउँदै नेपाल एपीएफ क्लब जारि प्रधानमन्त्री कप राष्ट्रिय टि-ट्वान्टी प्रतियोगिताको फाइनलमा प्रवेश गरेको छ । […]

लोकेशको कीर्तिमानी अर्धशतक

नेपाल एपीएफ क्लबका आक्रामक युवा ब्याटर लोकेश बमले जारि प्रधानमन्त्री टि-ट्वान्टी राष्ट्रिय प्रतियोगिता अन्तर्गत त्रिभुवन आर्मी क्लबविरुद्धको दोस्रो सेमिफानल खेलमा […]

दिपेन्द्रको घातक बलिंग, पुलिस फाइनलमा

पहिलो सेमिफाइनलमा बागमती प्रदेशलाई ५० रनको फराकिलो अन्तरले पराजित गर्दै जारि प्रधानमन्त्री कप टि-ट्वान्टी राष्ट्रिय प्रतियोगितामा विभागीय टोलि नेपाल पुलिस […]

देव खनाल र अनिल खरेल चम्कदा लुम्बिनीद्वारा गण्डकी सहजै पराजित

अनिल खरेल र देव खनाल चम्कदा जारि प्रधानमन्त्री टि-ट्वान्टी राष्ट्रिय प्रतियोगितामा लुम्बिनी प्रदेशले गण्डकी प्रदेशलाई ५ विकेटले हराउँदै प्रतियोगितामा सुखद […]

राजुको अर्धशतकमा सुदूरपश्चिम विजयी, सेमिफाइनल समिकरण पुरा

ओपनर राजु रिजालले अर्धशतकी पारि खेल्दा जारि प्रधानमन्त्री कप टि-ट्वान्टी राष्ट्रिय प्रतियोगितामा सुदूरपश्चिमले प्रदेश १ माथि ७ विकेटको जित निकालेको […]