एडिलेड स्ट्राइकर्सले जित्यो बिग ब्यास



  • विकेटनेपाल, माघ २१ – आइतबार

बिग ब्याश लिग टी-२० क्रिकेटको फाइनल खेलमा होबार्ट हरिकेन्सलाई २५ रनले पराजित गर्दै एडिलेड स्ट्राइकर्सले उपाधी जितेको छ। स्ट्राइकर्सको यो पहिलो बिबिएल उपाधी हो ।

अघिल्लो सिजन प्रतियोगिताको उपाधी पर्थ स्कचर्सले फाइनलमा सिड्नी सिक्सर्सलाई ९ विकेटले पराजित गर्दै जितेको थियो ।

एडिलेड ओभल मैदानमा भएको खेलमा टस जितेर पहिले ब्याटिंग गरेको स्ट्राइकर्सले २० ओभरको समाप्तीमा मात्र २ विकेट गुमाएर २०२ रनको बिशाल योगफल तयार पारेको थियो । उसका लागि ओपनर ज्याक वेदराल्डले शतक प्रहार गरेका थिए । ७० बल खेलेका उनले ११५ रन बनाउन ९ चौका र ८ छक्का प्रहार गरे ।

ज्याक वेदराल्ड (Credit: @BBL)

वेदराल्डले पहिलो विकेटको लागि एलेक्स क्यारीसँग ४१ रन तथा दोश्रो विकेटको लागि कप्तान ट्रेविस हेडसँग १४० रनको साझेदारी गरेका थिए । क्यारी १८ रन बनाएर आउट भए ।

वेदराल्ड आउट भएपछी हेड र कोलिन इन्ग्रामले तेस्रो विकेटको लागि अविजित २१ रनको साझेदारी गरे। हेडले अविजित ४४ रन (२९ बल, २ चौका, १ छक्का) तथा इन्ग्रामले अविजित १४ रन (६ बल, १ चौका, १ छक्का) बनाए।

जवाफमा उत्रिएको होबार्ट हरिकेन्सले २० ओभरमा ५ विकेट गुमाउदै १७७ रनमात्र बनाउन सक्यो । उसका लागि डार्सी शर्ट र जर्ज बेलीले दोश्रो विकेटको लागि ८१ रनको साझेदारी गरे । कप्तान बेली ४६ रन बनाउन ३३ बलमा २ चौका र २ छक्का प्रहार गर्दै आउट भए ।

पिटर सिड्डेल (Credit: @BBL)

त्यस्तै डार्सी शर्टले ६८ रन बनाउन ४४ बलमा ६ चौका र ४ छक्का तथा डानियल क्रिस्चियनले अविजित २९ रन (१९ बल, ३ चौका, १ छक्का) बनाएपनि अन्य खेलाडीहरु सस्तैमा आउट भएका थिए ।

स्ट्राइकर्सका लागि पिटर सिड्डेलले १७ रन खर्चिएर ३ विकेट हात पारे भने ट्रेविस हेडले पनि एक विकेट लिए ।

खेलमा शतक प्रहार गरेका ज्याक वेदराल्ड म्यान अफ द म्याच तथा होबार्ट हरिकेन्स डार्सी शर्ट म्यान अफ द सिरिज घोषित भए ।





थप समाचार

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]

IPL : दिल्ली बिरुद्ध हैदरावादले पहिले ब्याटिंग गर्दै, यस्तो छ दुवै टिमको अन्तिम-११

युएईमा जारी दोश्रो फेजको आईपीएल अन्तर्गत लिगको ३३ औं खेलमा दिल्ली क्यापिटल्स र सनराइजर्स हैदरावाद प्रतिस्पर्धा गर्दैछन्। खेल नेपाली समय […]

EPL : नेपाल आइपुगे गत सिजनका सबैभन्दा आक्रामक ब्याट्सम्यान लेभी

सेप्टेम्बर २५ तारिख देखि सुरु हुने एभरेस्ट प्रिमियर लिग टि-ट्वान्टी ( ईपीएल ) को चौंथो संस्करणमा सहभागी हुन दक्षिण अफ्रिकी […]