बिग ब्यास फाईनलमा सन्दिपको स्टार्स पराजित



बिग ब्यास लिग क्रिकेटको आठौँ संस्करणको फाइनल खेलमा मेलबर्न रेनेगेड्सले मेलबर्न स्टार्सलाई १३ रनले पराजित गरेको छ।

रेनेगेड्सले दिएको १४६ रनको लक्ष्य लिएर उत्रिएको स्टार्सले निर्धारित २० ओभरमा ७ विकेट गुमाएर १३२ रन मात्र बनाउन सक्यो। टिमको स्कोर ९३ रन रहँदा तेह्रौं ओभरको समाप्तीमा पहिलो विकेट गुमाएको स्टार्सले अठारौं ओभरको पाचौं बलमा सातौँ विकेट गुमाएको थियो। उक्त ब्याटिंग कोल्याप्सपछी जिततर्फ अग्रसर बनेको स्टार्स हार व्यहोर्न बाध्य बन्यो।

यसअघि उसका ओपनरहरु बेन डंक र मार्कस स्टनोइसले पहिलो विकेटको लागि ९३ रनको उत्कृस्ट सुरुवात दिलाएका थिए। डंकले ५७ रन (४५ बल, ४ चौका, १ छक्का) तथा स्टनोइसले ३९ रन (३८ बल, २ चौका, १ छक्का) बनाए। मध्यक्रममा पिटर ह्यान्ड्सकम शुन्य रन, कप्तान म्याक्सवेल १ रन, निक म्याड्डीन्सन ६ रन, सेब गोच २ रन र ड्वाएन ब्राबो ३ रनमा  आउट भए। अन्तिममा एडम जाम्पा र ज्याक्सन बर्डले आठौँ विकेटको लागि अविजित साझेदारी गर्दै क्रमश: अविजित १० रन र ४ रन बनाए।

बलिङ्गतर्फ रेनेगेड्सका लागि क्रिस ट्रेम्यान (४-०-२१-२), क्यामरुन बोयस (४-०-३०-२) र ड्यानियल क्रिस्टियन (४-०-३३-२) ले समान २/२ विकेट लिए।  यस्तै ह्यारी गर्नेले १ विकेट लिए।

रेनेगेड्सको इनिङ्ग

यसअघि टस हारेर पहिले ब्याटिंग गरेको रेनेगेड्सले निर्धारित २० ओभरमा ५ विकेट गुमाएर १४५ रनको योगफल तयार पारेको थियो।

खराब सुरुवात गर्दै सुरुवाती ५ विकेट मात्र ६५ रनको योगफलमा गुमाएको रेनेगेड्सको लागि टम कुपर र ड्यानियल क्रिस्चियनले अविजित ८० रनको साझेदारी गर्दै पारि सम्हालेका थिए। कुपरले अविजित ४३ रन (४५ बल, २ चौका, २ छक्का) तथा क्रिस्चियनले अविजित ३८ रन (३० बल, २ चौका, १ छक्का) प्रहार गरे।

रेनेगेड्सका मार्कस ह्यारिस १२ रन, एरोन फिन्च १३ रन, स्याम हार्पर ६ रन, क्यामरुन व्हाइट १२ रन र म्याकेन्जी हार्वे १४ रनमा आउट भएका थिए।

बलिंगतर्फ ज्याक्सन बर्ड (४-०-२५-२) र एडम जाम्पा (४-०-२१-२) ले समान २/२ विकेट लिएका थिए।

सन्दिप लामिछाने विकेट लिन असफल रहेपनि किफायती बलिंग गरेका थिए। उनले ४ ओभर बलिंग गर्दै मात्र १६ रन खर्चिंदा बाउन्ड्रीको रुपमा एक चौका मात्र। दिएका थिए।

प्लेयर अफ द फाइनल ड्यानियल क्रिस्चियन घोषित भए।





थप समाचार

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]