बिग ब्यास : सन्दिपले लिए म्याक्सवेलको विकेट, यस्तो रह्यो बलिंग प्रदर्शन



अस्ट्रेलियामा जारि बिग ब्यास लिग अन्तर्गत २७ औं खेलमा मेलबर्न स्टार्स र होबार्ट हरिकेन्स प्रतिस्पर्धा गरिरहेका छन्। खेलमा नेपाली लेग स्पिनर सन्दिप लामिछाने सिजनको दोश्रो खेल खेलीरहेका छन्।

खेलमा टस हारेर ब्याटिंग गरेको मेलबर्नले २० ओभरमा ६ विकेट गुमाएर १८३ रन बनाउदै होबार्टलाई १८४ रनको लक्ष्य प्रस्तुत गरेको छ।

मेलबर्नको लागि ओपनर मार्कस स्टोइनिसले सर्वाधिक ९७ रन बनाए जुन क्रममा मात्र ५५ बलमा ७ चौका र ७ छक्कानै हिर्काए। हिल्टन कार्टराइटले ३६, निकोलस पुरनले २६ रन बनाए। होबार्टको बलिंगमा नाथन इलिसले सर्वाधिक ३ विकेट लिए भने राइली मेरेडीथले २ तथा सन्दिप लामिछानेले १ विकेट लिए।

पहिलो ओभर : ३ रन ( १ , ० , ० , १ , ० )

छैठौं ओभरमा पहिलो ओभर बलिंग गर्न आएका सन्दिपले पहिलो ओभरमा ग्लेन म्याक्सवेल र मार्कस स्टोइनिसलाई रन दिन कन्जुसी गरे। ओभरमा ३ वटा डट बल गर्दै उनले मात्र ३ रन दिए।

दोश्रो ओभर : २ रन दिएर १ विकेट ( १ , विकेट , ० , १ , ० , ० )

पहिलो स्पेल निरन्तरता दिने क्रममा सन्दिप आठौँ ओभरमा बलिंग गर्न आए। ओभरको दोश्रो बलमा अघिल्लो खेलमा उत्कृस्ट ब्याटिंग गरेका ग्लेन म्याक्सवेललाई उनले एलबिडब्लु आउट गरे। सन्दिपले गरेको गुगलीलाई रिभर्स स्विप गर्ने क्रममा प्याडमा बलले लागेपछि सन्दिपको अपिललाई अम्पायरले स्वीकार गर्दै आउट दिए। अघिल्लो खेलमा सन्दिप बिरुद्ध आक्रामक ब्याटिंग गरेका म्याक्सवेलको विकेटपछि सन्दिप निकै खुसि देखिएका थिए। ओभरमा सन्दिपले त्यसपछि निकोलस पुरन र स्टोइनिसले सन्दिपलाई रक्षात्मक तरिकाले खेले। ओभरमा २ वटा सिंगल दिएका सन्दिपले अन्य बल डट गर्दै मात्र २ रन खर्चिए।

तेश्रो ओभर : १२ रन ( २ , ६ , १ , १ , १ , १ )

दोश्रो स्पेल डेथ ओभरमा १६ औं ओभरमा बलिंग गर्न आएका सन्दिपलाई क्रिजमा जमीसकेका मार्कस स्टोइनिसले दोश्रो बलमा छक्का हिर्काए। सन्दिपले गुगली गरेता पनि सर्ट बल हुँदा स्टोइनिसले पुल गर्दै डिप ब्याकवार्ड लेगमा छक्का हिर्काए। ओभरको तेश्रो देखि छैठौं बलमा सम्म स्टोइनिस र हिल्टन कार्टराइटले १/१ रन लिए। ओभरमा सन्दिपले कुल १२ रन खर्चिए।

चौथो ओभर : १९ रन ( ६ , १ , ४ , १ , ६, १ )

१८ औं ओभर बलिंग गरेका सन्दिपको पहिलो बलमा कार्टराइटले लंग-अफमा छक्का हिर्काए। त्यसपछि तेश्रो बलमा स्टिनिसले चौका हिर्काए। पाँचौ बलमा कार्टराइटले सन्दिपले माथि खेलड़एको बललाई स्लग गर्दै छक्का हिर्काए। सिजनकै सबैभन्दा महँगो ओभर गर्ने क्रममा सन्दिपले १९ रन खर्चिए।

स्पेलमा सन्दिपले ४ ओभरमा ३६ रन खर्चेर १ विकेट लिए।

अघिल्लो खेलमा सन्दिपले स्टार्स बिरुद्ध ३८ रन खर्चेर २ विकेट लिएका थिए।





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]