टि-२० विश्वकप बारे अन्तिम निर्णय दिन भारतीय बोर्डलाई आईसीसीले तोक्यो समय सिमा



भारतीय क्रिकेट कन्ट्रोल बोर्ड ( बिसीसीआई ) ले यो वर्ष आईसीसी टि-ट्वान्टी विश्वकप आयोजना गर्ने जिम्मेवारी पाएता पनि देशमा कोरोना महामारी फैलिएको कारण अझसम्म पनि बिसीसीआईले प्रतियोगिता आयोजना स्वदेशमै गर्ने या बाहिर गर्ने निर्णय गर्न सकेको छैन। मे २९ तारिखमा बसेको बिसीसीआईको विशेष साधारण सभाले पनि यो बारे निर्णय गर्न सकेन। यो वर्ष अक्टोबर/नोभेम्बरमा टि-ट्वान्टी विश्वकप आयोजना हुने पूर्वनिर्धारित तालिका रहेको छ।

अन्तर्राष्ट्रिय क्रिकेट परिषद आईसीसीको जुन १ तारिखमा बसेको बोर्ड बैठकले भारतलाई टि-ट्वान्टी विश्वकप आयोजना भारतमा गर्ने बारे अन्तिम निर्णय दिन जुन २८ तारिखसम्मको समय सिमानै तोकेको छ।

मंगलबार दुबईमा बसेको आईसीसीको बोर्ड बैठकमा टि-ट्वान्टी विश्वकप बारे चर्चा भएको थियो। भारतीय बोर्डले पनि साधारण सभापछि टि-ट्वान्टी विश्वकप बारे महिनाको अन्त्यसम्म निर्णय दिने बताएको थियो।

भारतमा कोरोना महामारीको बीचमा सुरु गरिएको इण्डियन प्रिमियर लिगको १४ औं सिजन २९ वटा खेल खेलिएपछि अनिश्चितकालको लागि स्थगित गर्नु परेको थियो। प्रतियोगितामा सहभागी खेलाडीहरुलाई कोरोना संक्रमण देखिएपछि प्रतियोगिता स्थगित गर्ने निर्णय लिईएको थियो। अब आईपीएल सेप्टेम्बर-अक्टोबरमा युएईमा आयोजना गरिनेछ।

अन्तिम पटक सन् २०१६ मा भारतमा टि-२० विश्वकप आयोजना भएको थियो

भारतीय क्रिकेट बोर्ड टि-ट्वान्टी विश्वकप भारतमै आयोजना गर्ने पक्षमा छ त्यसैले अझै निर्णय लिन केहि समय चाहन्छ। यदी भारतमा जुनको अन्तिम सम्म कोरोना महामारीको अवस्था सुधार भएन भने प्रतियोगिता युएईमा आयोजना हुन सक्नेछ।

बिसीसीआईका अध्यक्ष सौरभ गांगुलीले कोभीड-१९ ले निम्त्याएको वर्तमान परिस्थिति सुधार नभएको अवस्थामा युएईलाई ब्याकअप आयोजना स्थलको रुपमा राखिएको बताएका छन्-

“बिसीसीआईले कोभीड-१९ को परिस्थिति कस्तो हुनेछ हेर्न समय दिईएको हो। यदी परिस्थिति सुधार नभएको खण्डमा हामीले युएईलाई ब्याक-अप आयोजनास्थलको रुपमा राखेका छौँ।”

टि-ट्वान्टी विश्वकपको आयोजना पछिल्लो पटक सन् २०१६ मा आयोजना भारतमा आयोजना भएको थियो जुन वेस्टइन्डिजले जितेको थियो। त्यसपछि सन् २०२० अक्टोबर-नोभेम्बरमा अस्ट्रेलियामा आयोजना हुनुपर्ने विश्वकप कोरोना महामारीका कारण प्रतियोगिता स्थगित भएको थियो। सन् २००७ देखि २०१६ सम्म टि-ट्वान्टी विश्वकपको ६ वटा संस्करण आयोजना भैसकेको छ।

धेरैले पढेको 

आईसीसीको ठूलो निर्णय : टि-२० र वानडे विश्वकपमा टिम संख्या बढ्यो

विश्वकप सुपर लिगमा नेदरल्याण्ड डेब्यु गर्दै, १५ सदस्यीय टोलिको घोषणा

करन केसीको ९ उत्कृस्ट बलिंग प्रदर्शन

नेपालले दुई बलमै जितेको खेल

कठिन बन्दै सन्दिपको इंग्ल्यान्ड यात्रा, ट्वीटरमा पोखे निराशा





थप समाचार

पाकिस्तानसंग मिल्नेलाई खेलाउन नदिएपछि आईसीसी प्रति न्युजिल्यान्ड प्रशिक्षकको आक्रोश

“निराश” अन्तर्राष्ट्रिय क्रिकेट परिषद ( आईसीसी ) ले घाइते खेलाडी लकी फर्गुसनको स्थानमा एडम मिल्नेलाई मान्यता नदिएपछि न्युजिल्यान्डका मुख्य प्रशिक्षक […]

T20WC : अस्ट्रेलिया बिरुद्ध कायम रहला श्रीलंकाको जित यात्रा, दुवै टिमको सम्भावित-११

युएईमा जारि टि-ट्वान्टी विश्वकप अन्तर्गत सुपर-१२ चरण अन्तर्गत समुह ‘१’ को खेलमा अस्ट्रेलिया र श्रीलंका प्रतिस्पर्धा गर्दैछन्। खेल दुबई अन्तर्राष्ट्रिय […]

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]