ललितपुरलाई पराजित गर्दै भैरहवा फाइनलमा, बिराटनगरको सामना गर्ने



  • विकेटनेपाल, पौष १३ – बिहिबार

एभरेस्ट प्रिमियर लिग अन्तर्गत दोश्रो क्वालिफायरमा ललितपुर प्याट्रीयट्सलाई रोमान्चक खेलमा ३ विकेटले पराजित गर्दै भैरहवा ग्लाडीएटर्स फाइनलमा प्रवेश गरेको छ ।  फाइनलमा भैरहवाले बिराटनगर वारियर्सको सामना गर्ने छ ।

|| स्कोरकार्ड ||

किर्तिपुर मैदानमा भएको खेलमा ललितपुरले दिएको १३३ रनको लक्ष्य पछ्याउनेक्रममा भैरहवाले ३ बल अगाबै ७ विकेटको क्षतिमा पुरा गरेको थियो । उसका लागि ओपनर प्रथम सालुंखेले ३२ रन बनाउन २२ बलमा ३ चौका र ३ छक्का प्रहार गरे। त्यस्तै भुपेन्द्र थापाले १९ रन बनाउन २९ बलमा १ छक्का प्रहार गरे । पुनित मेहराले पनि ११ बलमा १६ रन बनाए ।

अन्तिम ओभरमा जितका लागि १३ रन आवश्यक रहेको अवस्थामा म्यान अफ द म्याच समेत घोषित रोहित कुमार पौडेलले पहिलो २ बलमा लगातार २ छक्का प्रहार गर्दै खेल जिताए। उनले अविजित २८ रन बनाउन १७ बलमा २ छक्का र १ चौका प्रहार गरे।

बलिंगतर्फ ललितपुरका ललित राजबंशीले २ विकेट हात पार्न ४ ओभरमा ९ रन मात्र खर्चिए त्यस्तै पवन सर्राफले २५ रनमा २ विकेट लिदा रशिद खानको नाममा १ विकेट रह्यो ।

यसअघि टस हारेर पहिले ब्याटिंग गरेको ललितपुरले २० ओभरमा ७ विकेट गुमाएर १३२ रनको योगफल तयार पारेको थियो । उत्कृस्ट सुरुवात गरेको उसका लागि ओपनर जयकिशन कोल्सावालाले ४२ रन बनाउदै पहिलो विकेटका लागि शंकर रानासँग मिलेर ५१ रनको साझेदारी गरेका थिए । कोल्सावालाले ३७ बलमा २ छक्का र ५ चौका प्रहार गरे भने शंकर रानाले मात्र १२ रन बनाउन सके ।

त्यस्तै ज्ञानेन्द्र   मल्लले २४ बलमा २०, संन्नी पटेलले १८ बलमा अविजित २४, सोनु तामांगले ४ बलमा १० तथा दिपेश भण्डारीले ९ बलमा २ चौका र २ छक्का सहित २२ रन प्रहार गरेका थिए ।

बलिंगतर्फ भैरहवाका पुनित मेहराले २ विकेट लिदा हरिशंकर शाह र भुवन कार्कीको नाममा एकएक विकेट रह्यो ।

फाइनल खेल शनिबार बिहान ११ बजे सुरु हुनेछ ।





थप समाचार

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]