भैरहवा दोश्रो हुदै प्ले-अफमा, पहिलो क्वालिफायरमा बिराटनगरसँग भिड्ने



  • विकेटनेपाल, पौष ११ – मंगलबार

किर्तिपुर मैदानमा लिगचरणका अन्तिम खेलहरु चलिरहेको दिन भैरहवा ग्लाडीएटर्सले चितवन टाइगर्सलाई ४ विकेटले पराजित गर्दै अंकतालिकामा दोश्रो स्थानमा रहदै प्ले-अफ सम्मको यात्रा गरेको छ । अर्कोतर्फ चितवन टाइगर्सले भने एकखेलमा मात्र जित हात पार्दै अन्तिम स्थानमा रहदै प्रतियोगिताको अन्त्य गरेको छ ।

|| स्कोरकार्ड ||

चितवन टाइगर्सले दिएको ८८ रनको लक्ष्य पछ्याउने क्रममा खराब सुरुवात गरेको भैरहवाले कुनै समय १ रनको योगफलमा २ विकेट गुमाइसकेको थियो । प्रथम सालुंखेले ठुलो सट खेल्ने चक्करमा ३ बलमा शुन्य रनको स्कोरमा स्टम्प आउट भएका थिए भने प्रदीप ऐरीले पनि सोहि चक्करमा १ रनमा आउट भएका थिए ।

त्यसपछि भुपेन्द्र थापा र रोहित कुमार पौडेलले पारि सम्हाल्ने प्रयास गरे र केहि हदसम्म सफल पनि भए । भुपेन्द्र थापाले १३ रन बनाए भने रोहित पौडेलले पनि धैर्यता पुर्वक १९ रनको पारि खेले । पुनित मेहराले ३१ रन बनाउन २९ बलमा ३ चौका प्रहार गरे । अन्त्यमा खेलमा म्यान अफ द म्याच घोषित शरद भेसावाकरले बिजयी रन हान्ने चक्करमा ८ रनमा आउट हुन पुगे । कृष्ण कार्कीले ९ रन बनाएर अविजित रहे ।

अन्त्यमा कमल सिंह ऐरीले लगातार दुईवटा बाउन्सर फालेपछि जितको लागि १ रन आबश्यक रहेको अवस्थामा अम्पाएरले नो-बल दिएपछि भैरहवाले खेल १८.३ ओभरमा जितेको थियो ।

बलिंगतर्फ शाहब आलमले २ विकेट लिन ४ ओभरमा १२ रन खर्चिए, दिपेन्द्र ऐरीले २, प्रवीण गुप्ता र कमल सिंह ऐरीले समान १/१ विकेट लिए ।

यसअघि टस हारेर पहिले ब्याटिंग गरेको चितवनले खराब ब्याटिंग गर्दै २० ओभरको समाप्तीमा ९ विकेट गुमाएर ८७ रनको योगफल तयार पारेको छ ।

टस हारेर ब्याटिंगमा उत्रेको चितवनका लागि कुनै समय पनि राम्रो लयमा देख्न सकिएन । उसका लागि दिपेन्द्र सिंह ऐरीले १५ रन बनाउन १४ बल खर्चे, त्यस्तै योगेन्द्र सिंह कार्कीले पनि १५ रन बनाउन समान १४ बल नै खर्चे । आकाश थापाले ११ रन बनाउदा ललित सिंह भण्डारीले अविजित ८ रन बनाउने क्रममा १९ औं ओभरमा छक्का प्रहार गर्दै टिमको स्कोर लाई केहि हदसम्म उकासे । अन्य ब्याट्सम्यानहरु ले दोहोरो अंक छुन सकेनन् ।

बलिंगतर्फ शरद भेसावकरले सर्बाधिक ३ विकेट हात पार्न ४ ओभरमा १२ रन खर्चे, हरिशंकर शाह र भुवन कार्कीले २ विकेट लिदा कृष्ण कार्की र पुनित मेहराको नाममा १/१ विकेट रह्यो ।

यो सँगै प्रतियोगिता अन्तर्गत पहिलो क्वालिफायर खेल्ने दुई टोलीको टुंगो लागिसकेको छ, भोलि बिहान ९ बजे बिराटनगर र भैरहवा भिड्ने छन् ।

 





थप समाचार

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]