भैरहवालाई ललितपुरको १४२ रनको लक्ष्य

  • विकेटनेपाल, पौष ६ – बिहिबार

एभरेस्ट प्रिमियर लिग क्रिकेट अन्तर्गत दिनको पहिलो खेलमा टस हारेर ब्याटिंग गरेको ललितपुर प्याट्रीयट्सले २० ओभरमा ९ विकेट गुमाएर १४१ रन बनाएको छ ।

|| स्कोरकार्ड || लाइभ अपडेट ||

ललितपुरका लागि भारतीय खेलाडी योगेश नागरले सर्बाधिक ५४ रन बनाए । ३३ बल खेलेका उनले ७ चौका र १ छक्का प्रहार गरे । त्यस्तै कप्तान ज्ञानेन्द्र मल्लले २९ बलमा ३ चौका र २ छक्का सहित ४२ रन बनाए ।

खातामा स्कोर १ रनमात्र हुदा पवन सर्राफलाई गुमाएको ललितपुरले कोल्सावालालाई पनि व्यक्तिगत १४ रनमा गुमाएको थियो । राजबिर सिंह ८ रन, मेहबूब आलम २रन, कुशल भुर्तेल ४ रन, सुबोध भाटी २ रन, सन्दिप लामिछाने शुन्य रनमा आउट भए भने सोनु तामांग ३ बलमा १ चौका सहित ५ रनमा अविजित रहे ।

बलिंग तर्फ भैरहवाका दिपेश श्रेष्ठले ३ विकेट लिन २४ रन खर्चे, आरिफ शेख र पुनित मेहराले २/२ तथा शरद भेसावाकरको नाममा १ विकेट रह्यो ।

भैरहवा केहि समयपछी लक्ष्य पछ्याउदै लागातार दोश्रो जित निकाल्ने धाउन्नेमा हुनेछ भने ललितपुर अघिल्ल्लो हार भुलाउने लक्ष्य सहित उत्रिने छ ।