रोहित पौडेलको विस्फोटक पारि, भैरहवाको दोश्रो जित



  • विकेटनेपाल, पौष ६ – बिहिबार

रोहित पौडेलको विस्फोटक पारीको मद्दतले भैरहवा ग्लाडीएटर्सले ललितपुर प्याट्रीयट्सलाई रोमान्चक खेलमा ४ विकेटले पराजित गरेको छ ।

|| स्कोरकार्ड || अंकतालिका ||

किर्तिपुर मैदानमा भएको दिनको पहिलो खेलमा १४२ रनको लक्ष्य पाएको भैरहवाले खेललाई अन्तिम बलसम्म्म पुर्याउदै जित आत्मसाथ गर्यो ।

रोहित पौडेलले ३१ रनको विस्फोटक पारि खेल्ने क्रममा ११ बलमा ५ चौका र १ छक्का प्रहार गरे । त्यस्तै म्यान अफ द म्याच समेत घोषित पुनित बिस्टले ३८ बलमा २ छक्का र ५ चौकाको मद्दतले ५० रनको पारि खेले । आरिफ शेखले २२ बलमा अविजित २७ रन बनाउदा रोहित पौडेल अन्तिम ओभरको पाचौ बलमा रन आउट भएपछी आएका कृष्ण कार्कीले अन्तिम बलमा चौका प्रहार गर्दै खेल जिताए ।

यसअघि टस हारेर ब्याटिंग गरेको ललितपुरका लागि भारतीय खेलाडी योगेश नागरले सर्बाधिक ५४ रन बनाए । ३३ बल खेलेका उनले ७ चौका र १ छक्का प्रहार गरे । त्यस्तै कप्तान ज्ञानेन्द्र मल्लले २९ बलमा ३ चौका र २ छक्का सहित ४२ रन बनाए ।

खातामा स्कोर १ रनमात्र हुदा पवन सर्राफलाई गुमाएको ललितपुरले कोल्सावालालाई पनि व्यक्तिगत १४ रनमा गुमाएको थियो । राजबिर सिंह ८ रन, मेहबूब आलम २रन, कुशल भुर्तेल ४ रन, सुबोध भाटी २ रन, सन्दिप लामिछाने शुन्य रनमा आउट भए भने सोनु तामांग ३ बलमा १ चौका सहित ५ रनमा अविजित रहे ।

Rohit Paudel
रोहित पौडेल (फाइल फोटो)

बलिंग तर्फ भैरहवाका दिपेश श्रेष्ठले ३ विकेट लिन २४ रन खर्चे, आरिफ शेख र पुनित मेहराले २/२ तथा शरद भेसावाकरको नाममा १ विकेट रह्यो ।

भैरहवाबाट खेलिरहेका रोहित पौडेल यस्तै विस्फोटक पारीको लागि चिनिने गर्दछन । उनले सन् २०१६ मा भारत बिरुद्द भएको युथ एसिया कप क्रिकेटमा अन्तिम ओभरमा २४ रन प्रहार गरेका थिए ।

लगातार दोश्रो जितसँगै भैरहवा ४ अंक सहित अंक तालिकाको शिर्ष स्थानमा उक्लेको छ भने ललितपुर तेस्रो खेलमा दोश्रो हारसँगै चौथो स्थानमा झरेको छ ।

भिडियो





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]