महेन्द्रनगर युनाइटेडलाई हराउन धनगढीका ललित बने नायक

Team Chauraha Dhangadi


विकेटनेपाल – २० चैत्र, मंगलवार | धनगढी प्रिमियर लिग अन्तर्गत मंगलवार सम्पन्न एक मात्र खेलमा टिम चौराहा धनगढीले जित दर्ता गरेको छ । प्रतियोगितामा दोस्रो जित हात पार्ने क्रममा धनगढीले महेन्द्रनगर युनाइटेडलाई ८ विकेटले पराजित गर्यो ।

स्कोरकार्ड

अंकतालिका

टस हारेर पहिले ब्याटिंग गर्ने निम्तो पाएपछि ब्याटिंगमा उत्रिएको महेन्द्रनगरले खराब सुरुवात गरेको थियो । निर्धारित २० ओभरको खेलमा युनाइटेडले ८ विकेट गुमाएर १३१ रन मात्र जोड्न सकेको थियो । सुरुवाती विकेट सस्तैमा गुमाएको महेन्द्रनगरको इनिंगमा पुनित मेहेराले ४० रन प्रहार गर्न बाहेक अन्य ब्याट्सम्यानहरुले खासै रार्मो प्रदर्शन गर्न सकेका थिएनन् । मात्र २२ बल खेलेका मेहेराले २ छक्का र ४ चौका प्रहार गरेका थिए ।

महेन्द्रनगरका ब्याट्सम्यान आउट भएर पभेलियन फर्कंदै

ललित भण्डारीको उत्कृस्ट बलिंगको सामु महेन्द्रनगरका सुरुवाती क्रमका ब्याट्सम्यानहरु जवाफबिहिन देखिएका थिए । महेन्द्रनगर युनाइटेडले आफ्नो पहिलो ५ विकेटमात्र ४७ रन जोड्दा गुमाएको थियो । टोलिका मुख्य ब्याट्सम्यानहरु बिनोद भण्डारी (११), आशिफ शेख (८), आरिफ शेख (०) . हरिशंकर साह (०). रोहित पौडेल (३) चल्न नसक्दा महेन्द्रनगर ठुलो स्कोर बनाउनबाट चुकेको थियो ।

महेन्द्रनगरको ब्याटिंगक्रमलाई ध्वस्त गर्न टिम चौराहा धनगढीका ललित भण्डारी एक्लैले ४ विकेट चट्काए थिए । आफ्नो ४ ओभरको स्पेलमा ललितले ३७ रन खर्चिएका थिए । यस्तै सोमपाल कामीले समेत १ विकेट हात पारेका थिए ।

टिम चौराहा धनगढीलाइ जित दिलाउन रोहन मुस्तफा र सुनिल धमलाले राम्रो ब्याटिंग गरे

जवाफमा १३२ रनको सामान्य विजय लक्ष्य लिएर मैदान उत्रिएको टिम चौराहा धनगढीले १८ ओभरमा मात्र २ विकेट गुमाएर लक्ष्य भेट्टायो । धनगढीलाई जित दिलाउन सुनिल धमलाले अविजित ४६ रन जोडे । उनले ४७ बलमा २ छक्का र ३ चौका प्रहार गरे । यस्तै रोहन मुस्तफाले समेत ३९ रनको योगदान गरे । महेन्द्रनगरको बलिंगमा अभिनास कर्ण र पुनित मेहेराले १-१ विकेट लिएपनि जित दिलाउन सकेनन्।





थप समाचार

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]

आईपीएल अक्सनमा १५ नेपाली खेलाडी, बिक्लान सन्दिप ?

इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ […]