भारतको टेस्ट क्रिकेट इतिहासकै लज्जास्पद ब्याटिंग



भारतको अस्ट्रेलिया भ्रमण अन्तर्गत ४ वटा टेस्टको सिरिज अन्तर्गत पहिलो टेस्टको दोश्रो इनिंगमा भारत ३६ रनमै समेटिन पुगेको छ। अस्ट्रेलियाले टेस्ट जित्न अब ९० रनको लक्ष्य पाएको छ।

पहिलो इनिंगमा ५३ रनको अग्रता पाएपछि दोश्रो दिन ब्याटिंग सुरु गरेको भारतले दोश्रो दिनको समाप्तिमा ९ रन बनाएर १ विकेट गुमाएको थियो।

तेश्रो दिन ब्याटिंग सुरु गरेको भारतले थप २७ रन योगफलमा जोड्दा ९ विकेट गुमाउन पुग्यो। मोहम्मद शामी रिटायर्ड आउट भए पछि भारत टेस्ट क्रिकेट इतिहासमै कम योगफलमा समेटिन पुग्यो।

भारतले यस अघि टेस्ट क्रिकेट इतिहासमा सन् १९७४ मा बनाएको ४२ रन सबैभन्दा कम योगफल थियो। अस्ट्रेलिया बिरुद्ध १९४७ मा बनाएको ५८ रन सबैभन्दा कम योगफल थियो। यस्तै यो शताब्दीमा कुनै पनि टिमले टेस्ट क्रिकेटमा बनाएको यो सबैभन्दा कम योगफल हो।

भारतको कुनै पनि ब्याट्सम्यानले दोहोरो अंकमा रन बनाउन सकेनन्। मायाँक अग्रवालले ९, हनुमा विहारीले ८, बिराट कोहली, पृथ्वी श, रिद्धिमान साहा र उमेश यादवले समान ४ रन बनाए। जस्प्रित बुम्राहले २, मोहम्मद शामीले १ रन बनाए भने चेतेश्वर पुजारा, अजिंके रहाने, रभीचन्द्रन आश्विनले खाता खोल्न सकेनन्।

टेस्ट क्रिकेट इतिहासमा ११ जना ब्याट्सम्यानले दोहोरो अंकमा रन बनाउन नसकेको यो मात्र दोश्रो पटक हो।

तेश्रो दिन आठौँ ओभरमा जस्प्रित बुम्राहलाई प्याट कमिन्सले आफैद्वारा क्याच गर्दै विकेट पतनको सुरुवात गरेका थिए। कमिन्सले त्यसपछि पुजारा र कोहलीको समेत विकेट लिए। यस्तै हेजलवुडले मायाँक अग्रवाल सहित रहाने, हनुमा विहारी, रिद्दिमान साहा र आश्विनको विकेट लिए। हेजलवुडले १३ औं ओभरमा अग्रवाल र रहानेको तथा १९ औं ओभरमा साहा र आश्विनको विकेट लिएका थिए।

हेजलवुडले ५ विकेट लिने क्रममा ५ ओभरमा ३ मेडन ओभर गर्दै मात्र ८ रन खर्चिए। यस्तै कमिन्सले १०.२ ओभरमा ४ मेडन ओभर गर्दै २१ रन खर्चेर ४ विकेट लिए।

टेस्टमा टस जितेर ब्याटिंग गरेको भारतले पहिलो इनिंगमा २४४ रन बनाएपछि अस्ट्रेलियाले पहिलो इनिंगमा १९१ रनमा सबै विकेट गुमाएको थियो।





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]