T20WC : भारतसंग खेल अघि पाकिस्तान कप्तान बाबर आजमको आत्मविश्वास



क्रिकेट विश्वकप इतिहासमा पाकिस्तानले भारत बिरुद्ध हालसम्म जित दर्ता गर्न सकेको छैन। टि-२० विश्वकपको इतिहास कोट्याउने हो भने पनि ५ पटक दुई देश बीच भएको प्रतिस्पर्धामा सबैपटक भारतले नतिजा पक्षमा पारेको छ। इतिहास पाकिस्तान बिरुद्ध भएता पनि टि-२० विश्वकपको सातौं संस्करणको पहिलो खेलमा भारतको सामना गर्नु अघि पाकिस्तान कप्तान शान्त रहन चाहन्छन्।

ठूलो खेल अघि मिडियासंग कुराकानीको क्रममा आजमले आफू वर्तमानको बारेमा मात्र सोचीरहेको बताएका छन्- “इमान्दार भएर भन्छु हामि बिगततर्फ फर्कन चाहदैनौ। हामि यो विश्वकपलाई मात्र हेर्दैछौँ। हामि हाम्रो मजबुत पक्षमा ध्यान दिएर त्यसलाई खेलमा लागु गर्ने प्रयास गर्नेछौँ।कुराहरुलाई सामान्य राख्नु र प्रक्रियामा विश्वास गर्नु महत्वपूर्ण छ। हामि राम्रो क्रिकेट खेल्ने प्रयास गर्नेछौँ र राम्रो नतिजा ल्याउने पनि।” आजमले थपे।

भारत र पाकिस्तान बीचको राजनितिक द्वन्दका कारण दुई देशले द्विपक्षीय सिरिज खेल्ने गरेका छैनन्। अन्तिम पटक सन् २०१९ को इंग्ल्यान्डमा आयोजित एकदिवसीय विश्वकपमा दुई देश आमने सामने भएका थिए।

“हामीले धेरै प्रतियोगिताहरुमा एकअर्कासंग प्रतिस्पर्धा गरेका छौँ र च्याम्पियन्स ट्रफीमा राम्रो नतिजा पनि ल्याएका थियौं। त्यसैले जति सहज हुन सकिन्छ त्यति राम्रो नतिजा आउनेछ। हामीले तयारीमा शतप्रतिशत दिएका छौँ र खेलको दिन राम्रो खेल्नेमा विश्वास छ।”

“पहिलो खेल सधैं महत्वपूर्ण हुन्छ र आशा छ राम्रो सुरुवात सहित लय पाउनेछौँ। मलाई हाम्रो टिमको समीकरणमा पुरा विश्वास छ। एक पटकमा एउटा खेललाई मात्र सोचेर अघि बढ्नेछौँ।” आजमले थपे।

पाकिस्तान टिमको बलियो पक्ष बारे बोल्दै आजमले बताए – “सबै टिमसंग बलियो र कमजोर पक्ष हुन्छ। हाम्रो टिममा बलिंग पक्ष बलियो छ। बलरहरुले खेल जिताएर दिएका छन् र राम्रो पक्षमा पनि छन्। तर यो पटक हाम्रो बलियो पक्ष ब्याटिंग हो। जसरि हाम्रो ब्याट्सम्यानहरुले पछिल्लो केहि महिना प्रदर्शन गरिरहेका छन् मलाई आत्मविश्वास छ कि उनीहरुले भारत बिरुद्ध प्रदर्शन गर्नेछन्।”

भारतसंगको पहिलो खेलको लागि पाकिस्तानले १२ सदस्यीय टिमको घोषणा गरिसकेको छ।

भारतसंगको खेल अघि पाकिस्तानले घोषणा गरेको १२ सदस्यीय टोलि : बाबर आजम ( कप्तान ) , आसिफ अलि, फखर जमान, हैदर अलि, मोहम्मद रिजवान ( विकेटकिपर ) , इमाद वासिम, मोहम्मद हफिज, शदाब खान, शोयब मलिक, हरिश रौफ, हसन अलि, शाहिन अफ्रिदी





थप समाचार

राष्ट्रिय क्रिकेट टिमको प्रशिक्षकमा पुबुदु फर्कने

नेपाली राष्ट्रिय क्रिकेट टिमको मूख्य प्रशिक्षकमा पुबुदु दासानायके फर्कने निश्चित भएको छ। यो वर्ष अगस्टमा डेभ व्हाटमोरले व्यक्तिगत कारण देखाउदै […]

BIG BASH : सन्दिपले लिए ड्यानियल क्रिस्चियनको विकेट, कमेन्टेटरद्वारा तारिफ

एघारौं सिजनको बिग ब्यास लिग अन्तर्गत पहिलो खेल खेल्ने क्रममा नेपाली लेग स्पिनर सन्दिप लामिछानेले राम्रो सुरुवात गरेका छन्। सिड्नी […]

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]