भुटानलाई ऐतिहासिक उपाधि



  • विकेटनेपाल  , फागुन १४

एसीसी टि-२० कप पूर्वी क्षेत्र अन्तर्गतको पुरुष क्रिकेट प्रतियोगिताको उपाधि भुटानले जितेको छ। आइतबार थाईल्याण्डको टेर्ड थाई क्रिकेट मैदानमा सम्पन्न रोमान्चक खेलमा आयोजक थाईल्याण्ड माथि रोमान्चक जित निकाल्दै भुटान च्याम्पीयन भएको हो।

अन्तिम ६ बलमा १० रन चाहिएको अवस्थामा थिन्ले जाम्त्शोले उत्कृस्ट बलिंग गर्दै टोलिलाई ३ रनको जित दिलाएका थिए। भुटानले  कुनै पनि अन्तर्राष्ट्रिय स्तरमा जितेको यो पहिलो ट्रफी हो।

टस जितेर  ब्याटिङ गरेको भुटानले निर्धारित २० ओभरमा ९ विकेटको क्षेतिमा १०१ रन  मात्र बनाएको थियो। एक समय ३३ रन जोड्दा ५ विकेट गुमाएको अवस्थामा छैठौ विकेटका लागि थिन्ले जाम्त्शो ३१ रन (२१ बल ,१ चौका,२ छक्का) र कप्तान जिग्मे सिंगे २७ (४० बल ,१ चौका) ले ४६ रनको  महत्वपूर्ण सम्झेदारी गरेका थिए। त्यसैगरी सुप्रित प्रधानले ११ रन बनाउदा अन्य कुनै पनि ब्याटसम्यानहरु क्रिज़मा जम्न सकेनन्। थाईल्याण्डका लागि बलिंगतर्फ रोबेर्ट रैनाले मात्र २ ओवरमा १४ रन खर्चेर ३ विकेट हात पारे।

 १०२ रनको सामान्य लक्ष पछ्याउन उत्रिएको थाईल्याण्डले उत्कृस्ट सुरुवात गर्दै पहिलो ३ ओवरमा ३३ रन बनाएको थियो। त्यसपछि भने लगातार विकेट गुमाउदै जाँदा थाईल्याण्डले २० ओभरमा ९ विकेट गुमाएर ९८ रनमात्र बनाउन सक्यो र ३ रनको झिनो अन्तरले पराजय भोग्यो । कप्तान डेनियल जाकोब्सले संघर्षपूर्ण ४८ रनको शानदार पारी खेलेपनि जितका लागि पर्याप्त हुन सकेन। जाकोब्सले आफ्नो इंनिंगमा  ३ चौका  र १ छक्का प्रहार गरेका थिए। त्यसैगरी १० औ क्रममा व्याटिङ गर्न आएका सर्बजोत सिंह सुखिजाले १७ रन को योगदान गरे भने अन्य कुनै पनि ब्याटसम्यानहरुले दोहोरो अङ्क छुन सकेनन्।

बलिंगमा भुटानका सुप्रित प्रधानले ३ विकेट आफ्नो नाममा पारे भने कुमार सुब्बा र जिग्मे सिंगेले २-२ विकेट चट्काए। प्रतियोगिताका म्यान अफ द सिरिज भुटानका कप्तान जिग्मे सिंगे तथा उत्कृस्ट बलर पनि भुटानकै सुप्रित प्रधान भएका छन्।

( फोटोहरु – एसिएन क्रिकेट काउन्सिल )

 





थप समाचार

रोहित चम्किंदा दोश्रो अभ्यास खेलमा नेपालको जित

नेपाली राष्ट्रिय क्रिकेट टिमको क्यानडा भ्रमण अन्तर्गत खेलिएको दोश्रो अभ्यास खेलमा नेपालले एमएलसीसी-११ ओन्टारियोलाई पराजित गरेको छ। नेपालले दिएको २१० […]

महेन्द्र नारायण निधि प्रदेशस्तरिय क्रिकेट : सप्तरी, पर्सा र बारा सेमीफाइनलमा

राजबिराजमा संचालित महेन्द्र नारायण निधि प्रदेश स्तरिय क्रिकेट प्रतियाेगिता सेमिफाईनलमा सप्तरी तथा पर्सा र बारा प्रवेश गरेका छन। आइतबार लिग […]

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]