प्रदिप ऐरीको अर्ध-शतकमा नेपालले जोड्यो १५० रन

Pradeep Airee


  • विकेटनेपाल – २३ असोज

मलेसियामा जारि आईसीसी ट्वान्टी-२० विश्वकप छनौट एसिया (पूर्वी) प्रतियोगिता अन्तर्गत नेपालले चौथो खेल भुटानसंग खेल्दैछ।

पहिलो इनिंगको समाप्तिमा नेपालले ४ विकेट गुमाएर १५० रनको योगफल तयार गरेको छ। नेपालको इनिंगमा प्रदिप ऐरीले अर्धशतक जोड्ने क्रममा सर्वाधिक ७५ रनको योगदान गरे।

राष्ट्रिय टोलीमा कम्ब्याक गरेका प्रदिपले म्यान्मार बिरुद्ध पहिलो खेलमा खास प्रदर्शन गर्न नसकेपनि भुटान बिरुद्ध भने अविजित अर्ध-शतकीय पारि खेले। ६८ बलको सामना गरेका प्रदिपले ६ चौका र २ छक्का सहित ७५ रन जोड्दा अविजित रहे।

युकेएम मैदानमा टस हारेर ब्याटिंगको निम्तो पाएको नेपालको सुरुवात राम्रो रहन सकेको थिएन। पहिलो ओभरको तेस्रो बलमा बिनोद भण्डारी खाता नखोल्दै पभेलियन फर्किंदा नेपालको स्कोर ६ रन मात्र रहेको थियो।

त्यसपश्चात भने दोस्रो विकेटका लागि अनिल कुमार साह र प्रदिप ऐरीले ६६ रनको साझेदारी गर्दै नेपालको स्कोरलाई अगाडी बढाए। दुवै किनारबाट मुस्किलले मात्र रन बनिरहेको अवस्थामा ठूलो सट प्रहार गर्ने चक्करमा अनिल व्यक्तिगत २७ रनको स्कोरमा आउट भए। २१ बलको सामना गरेका अनिलले २ चौका र १ छक्का प्रहार गरे।

यस्तै आरिफ शेख र दिपेन्द्र सिंह ऐरी व्यक्तिगत १३ र १५ रनको स्कोरमा पभेलियन फर्किंदा नेपालको स्कोर १२७/४ रहेको थियो। इनिंगको अन्त्य तर्फ ब्याटिंग गर्न आएका करन केसीले ५ बलमा १ छक्का सहित अविजित ११ रन जोडे।

भुटानका बलरहरुको अनुशासित बलिंग र नेपाली ब्याट्सम्यानहरुको खराब सट चयनले नेपालले सोचे अनुरुप ठूलो स्कोर बनाउनबाट चुकेको थियो।

भुटानको बलिंगमा थिन्ले जम्त्शो, सन्जिब गुरुङ, जिंग्मे सिंगे र रमेश लिम्बुले समान १-१ विकेट लिएका थिए।

|| लाईभ अपडेट || || स्कोरकार्ड ||

नेपालको अन्तिम ११ :- प्रदिप ऐरि, बिनोद भण्डारी,शरद भेसावकर, दिपेन्द्र ऐरि आरिफ शेख, पारस खड्का, बसन्त रेग्मी, करन केसी, अनिल साह, सन्दिप लामिछाने, ललित राजबंशी





थप समाचार

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]