भुवन कार्कीले विस्फोटक शतक प्रहार गर्दा धनगढीको बिशाल जित – आरपीएल टि-२०

Bhuwan Karki


  • विकेटनेपाल, असोज – १५ 

रौतहटमा आइतबार देखि सुरु भएको रौतहट प्रिमियर लिग अन्तर्गत सोमबार सम्पन्न २ वटा खेलमा धनगढी क्रिकेट एकेडेमी र ओएसीस क्रिकेट एकेडेमीले जित दर्ता गरेका छन्।धनगढीले ओमेगा कलेजलाई तथा ओएसीसले मलपोखरी क्रिकेट एकेडेमीलाई पराजित गर्यो।

प्रतियोगिता अन्तर्गत आइतबार सम्पन्न खेलहरुमा मलपोखरी क्रिकेट एकेडेमी र धनगढी क्रिकेट एकेडेमीले जित दर्ता गरेका थिए।

भुवन कार्कीको विस्फोटक ब्याटिंगमा धनगढीको बिशाल जित 

रौतहट क्रिकेट मैदानमा सम्पन्न पहिलो खेलमा धनगढी क्रिकेट एकेडेमीले ओएसीस कलेजलाई १३० रनको बिशाल अन्तरले पराजित गर्यो।

टस जितेर ओमेगाले धनगढीलाई ब्याटिंगको निम्तो दिएको थियो जसपछि पहिले ब्याटिंग गर्दै धनगढीले निर्धारित २० ओभरमा ५ विकेट गुमाएर २६० रनको बिशाल योगफल तयार गर्यो।

धनगढीको लागि राष्ट्रिय क्रिकेटर समेत रहेका भुवन कार्कीले विस्फोटक इनिंग खेल्ने क्रममा मात्र ४० बलमा अविजित ११८ रन प्रहार गरे। कार्कीले १५ छक्का र ४ चौका मदतले उक्त रन बनाएका थिए। यस्तै दिपेन्द्र थापाले अविजित ७३ रन ( ६ चौका र २ चौका ) योगदान दिए। ओमेगा बलर मणि रत्न साह र हरि शंकरले २/२ विकेट लिए।

Bhuwan Karki
Bhuwan Karki ( File Photo )

२६१ रनको लक्ष्य पछ्याउने क्रममा ओमेगाले २० ओभरमा ९ विकेट गुमाएर १३० रन मात्रै बनाउन सक्यो।बलिङ्गमा पनि भुवन कार्कीले ४ विकेट ( ४-०-२०-४ ) हात पार्दै जितमा अहम योगदान दिए , यस्तै नारायण जोशीले २ विकेट लिए।

ओएसीसको सहज जित 

सोमबारकै दोश्रो खेलमा ओएसीस क्रिकेट एकेडेमीले मलपोखरी क्रिकेट एकेडेमीलाई ६ विकेटले पराजित गर्यो।

टस जितेर पहिले ब्याटिंग गरेको मलपोखरीले १९.३ ओभरमा सबै विकेट गुमाएर ९२ रन मात्रै बनाउन सक्यो। ९३ रनको लक्ष्य ओएसीसले १३.१ ओभरमा ४ विकेट गुमाएर पुरा गर्यो।

ओएसीसको जितमा ब्याटिंगतर्फ कीर्तिमानी राष्ट्रिय क्रिकेटर मेहबुब आलमले सर्वाधिक २६ र पुष्प थापाले २४ रन योगदान दिए भने बलिङ्गतर्फ अवनदेब काफ्ले र नितेश थापाले समान ३/३ विकेट लिएका थिए।

 





थप समाचार

देव खनाल र अनिल खरेल चम्कदा लुम्बिनीद्वारा गण्डकी सहजै पराजित

अनिल खरेल र देव खनाल चम्कदा जारि प्रधानमन्त्री टि-ट्वान्टी राष्ट्रिय प्रतियोगितामा लुम्बिनी प्रदेशले गण्डकी प्रदेशलाई ५ विकेटले हराउँदै प्रतियोगितामा सुखद […]

राजुको अर्धशतकमा सुदूरपश्चिम विजयी, सेमिफाइनल समिकरण पुरा

ओपनर राजु रिजालले अर्धशतकी पारि खेल्दा जारि प्रधानमन्त्री कप टि-ट्वान्टी राष्ट्रिय प्रतियोगितामा सुदूरपश्चिमले प्रदेश १ माथि ७ विकेटको जित निकालेको […]

भारतीय टेस्ट कप्तानबाट कोहलीको राजिनामा

भारतीय क्रिकेटर बिराट कोहलीले भारतको टेस्ट क्रिकेटको कप्तानी तुरन्त लागु हुने गरि छाड्ने घोषणा गरेका छन्। सन् २०१४ मा पहिलो […]

गण्डकीलाई ४० रनले हराउँदै बागमती सेमिफाइनलमा

गण्डकी प्रदेशलाई ४० रनले हराउँदै बागमती प्रदेश जारि प्रधानमन्त्री टि-ट्वान्टी राष्ट्रिय प्रतियोगिताको सेमिफाइनल प्रवेश गरेको छ। यस अघि नै नेपाल […]

बिपिन र प्रतिषको आक्रामक पारि, बागमतीको सामन्य योगफल

प्रधामन्त्री कप टि-ट्वान्टी राष्ट्रिय प्रतियोगिता अन्तर्गत हाल कीर्तिपुरस्थित टियु क्रिकेट मैदानमा बागमती प्रदेश र गण्डकी प्रदेश खेलिरहेका छन् । खेलमा […]

U19WC : पहिलो दिन अस्ट्रेलिया र श्रीलंका विजयी

स्टइन्डिजमा सुरु भएको आईसीसी अन्डर-१९ विश्वकप प्रतियोगिताको पहिलो दिन सम्पन्न दुईवटा खेलमा अस्ट्रेलिया र श्रीलंका विजयी भएका छन्। गय राति […]