बिबेकको अल-राउण्ड योगदानमा वारियर्सको लगातार तेश्रो जित



  • विकेटनेपाल, ३२ असार

सप्तरीमा जारि मेयर कप सप्तरी प्रिमियर लिग अन्तर्गत पाँचौ दिनको खेलमा बजाज खडक वारियर्सले बोदे बर्साइन थन्डर्सलाई ६ विकेटले पराजित गरेको छ।  स्कोरकार्ड , अंकतालिका 

प.बि. स्कुल मैदानमा सम्पन्न लिगको पाँचौ खेलमा टस जितेर ब्याटिंग गरेको बोदे बर्साइनले निर्धारित २० ओभरमा ८ विकेट गुमाएर ९३ रन मात्रै बनाउन सक्यो। उसको लागि बिक्रम भुसालले सर्वाधिक २६ रन, अंकित सुबेदीले १५ तथा सन्दिप ढुंगानाले १० रन योगदान दिए। खडक वरियर्सका बलर उपेन्द्र रोय र बिबेक यादबले समान २/२ विकेट लिए।

९४ रनको लक्ष्य वारियर्सले १८.१ ओभरमा भेटायो। १५.५ ओभरमा ६७ रनको  स्कोरमा महत्वपूर्ण माथिल्लो ४ जना ब्याट्सम्यानहरु गुमाएको अवस्थामा कप्तान बिबेक यादब र फिर्दोश अन्सारीले पाँचौ विकेटको लागि २७ रनको साझेदारी गर्दै टिमलाई सहज जित दिलाएका थिए।

अनुभवि ब्याट्सम्यानहरु हरिशंकर साह ७, हसिम अन्सारी ७ तथा पुस्प थापा ११ रन मात्र बनाएर आउट भए जसपछि म्यान अफ द  म्याच समेत चुनिएका बिबेकले अविजित  १९ रन बनाउन २ चौका  तथा फिर्दोशले १७ रन बनाउन १ छक्का र १ चौका प्रहार गरे। यस अघि ओपनिङ्ग ब्याटिंग गरेका प्रशान्त राईले ३१ रन बनाएका थिए जुन क्रममा १ छक्का र २ चौका प्रहार गरेका थिए। बोदेका बलर नन्दन झाले सर्वाधिक २ विकेट लिए।

३ टिम सहभागी प्रतियोगितामा यो बजाज खडक वारियर्सको तेश्रो खेलमा लगातार तेश्रो जित हो। लिगको मंगलबार अन्तिम खेल तिलाठी कोइलाडीसंग खेल्न बाँकी रहँदै शिर्ष स्थान खडक वारियर्सले ओगट्ने पक्का भएको छ। ४ खेल खेल्दा २ जित र २ हार बेहोरेको बोदे बर्साइनले मंगलबार वारियर्ससंगको फाईनल खेल पक्का गरिसकेको छ। वारियर्ससंग मंगलबार हुने खेल अघिनै लगातार तेश्रो हार बेहोर्दै मेहबुब आलमको टिम तिलाठी कोइलाडी फाईनल रेसबाट बाहिर भइसकेको छ।





थप समाचार

काठमाडौँ मेयर कप : दुई सोनुलाई मौका दिंदै बागमती प्रदेश टिमको घोषणा

फाल्गुन २२ गते शनिवार देखि काठमाडौँमा सुरु हुने पहिलो संस्करणको ‘काठमाडौँ मेयर कप’ राष्ट्रिय प्रतियोगिताको लागि बागमती प्रादेशिक क्रिकेट संघले […]

रुपन्देही सुपर लिग : अनिल खरेलले ५ विकेट लिंदा वेष्टर्न विजयी, देवदह घटुवा

प्रकाश न्यौपाने, भैरहवा, फागुन २० रुपन्देहीको भैरहवामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बिहीबार डिभिजन ‘ए’को खेलमा […]

काठमाडौँ मेयर कपको प्रत्यक्ष प्रशारणको लागि क्यान र डीश मिडिया विच सम्झौता

यही फाल्गुन २२ गते देखि काठमाडौँमा सुरु हुने काठमाडौँ मेयर कप एकदिवसीय राष्ट्रिय प्रतियोगिताको प्रशारणको लागि नेपाल क्रिकेट संघ र […]

स्पिनर बिरुद्ध कमजोर इंग्ल्यान्ड २०५ मै सिमित

इंग्ल्यान्डको भारत भ्रमण अन्तर्गत चौथो तथा अन्तिम टेस्ट नरेन्द्र मोदी स्टेडियम अहमदावादमा सुरु भएको छ। सिरिजमा भारत २-१ ले अघि […]

पीएसएल रोकियो, खेल नखेली फर्कने भए सन्दिप लामिछाने

पछिलो केहि दिन देखि कोभीड-१९ को बढ्दो पोजेटिभ केसहरुका कारण पाकिस्तानको कराचीमा जारी पाकिस्तान सुपर लिग २०२१ तत्काल लागु हुने […]

एकै खेलमा ह्याट्रिक विकेट र ६ बलमा ६ छक्का, पोलार्डले रचे इतिहास

वेस्टइन्डिजका ब्याट्सम्यान काईरन पोलार्डले घरेलु मैदानमा श्रीलंका बिरुद्ध सम्पन्न पहिलो टि-२० अन्तर्राष्ट्रियमा ६ बलमा ६ वटै छक्का प्रहार गर्दै इतिहास […]