देशकै सर्वाधिक धनराशीको महिला क्रिकेट प्रतियोगिता आयोजना हुने

attariya cup cricket


  • विकेटनेपाल- २८ माघ

कैलाली जिल्लाको अत्तरीयामा देशकै सर्वाधिक धनराशीको महिला क्रिकेट प्रतियोगिता आयोजना हुने भएको छ। अत्तरीया युनाटेड स्पोर्टस क्लवको आयोजनामा वैशाख १४ गतेदेखि महिला राष्ट्रिय टी २० क्रिकेट प्रतियोगिता आयोजना हुन लागेको हो ।

आज धनगढीमा आयोजित पत्रकार सम्मेलन गर्दै प्रतियोगितामा झण्डै ४ लाखभन्दा बढी नगद पुरस्कार दिने आयोजकले बताएको छ। प्रतीयोगीता वैशाख १४ गतेदेखि अत्तरीयाको शसस्त्र प्रहरी वल वैजनाथ वाहिनीको खेल मैदानमा गरिनेछ ।

प्रतियोगिताको विजेताले नगद २ लाख र उपविजेताले नगद १ लाख पुरस्कार पाउनेछन । प्रतियोगिताको उत्कृष्ट खेलाडीलाई नगद २५ हजार तथा उत्कृष्ट व्याट्स ओमन, उत्कृष्ट वलर र उत्कृष्ट किपरले नगद १०/१० हजार र प्रत्येक खेलका ओमन अफ द म्याचले नगद ३ हजार पुरस्कार दिईनेछ ।

झण्डै २५ लाख खर्च लाग्ने अनुमान गरिएको क्रिकेट प्रतियोगिताको लागि प्रायोजकहरुको खोजी गर्दै आवश्यक तयारी भईरहेको आयोजक क्लवका उपाध्यक्ष तथा आर्थिक समितीका संयोजक निराजन भाटले वताउनुभयो ।

पुरुष क्रिकेटले आशातित सफलताहरु हासिल गर्दै गएको अवस्थामा महिला क्रिकेटको स्तर वढाउनका लागि देशमै सर्वाधिक धनराशीको महिला क्रिकेट प्रतियोगिता आयोजनाको तयारी थालिएको हो।

प्रतियोगितामा सहभागी प्रत्येक टीमले ४ जना विदेशी खेलाडी राख्न पाउने युनाईटेड अत्तरीया स्पोर्टस क्लवका अध्यक्ष तथा प्रतियोगिताका संयोजक रवि खनालले जानकारी दिनुभयो।

प्रतियोगितालाई आयोजना गर्नका लागि तयारीको काम तिव्र रुपमा अगाडी वढिरहेको छ । विभिन्न उप समितीहरु गठन गरी कार्य विभाजन गरेर तयारी थालिएको आयोजकको दावी छ । क्लवका अध्यक्ष रवि खनालको संयोजकमा गठीत आयोजक समितीको आर्थिक संयोजकमा निराजन भाट, यातायात संयोजकमा पदक भट्टराई, व्यवस्थापन संयोजकमा सरोज भट्ट, मञ्च संयोजकमा प्रकाश खड्का प्रचार प्रसार संयोजकमा मिन जोशी प्रशासनिक कार्य संयोजकमा थानेश्वर भट्टलाई जिम्मेवारी दिईएको छ ।

तयारी समितीको सचिवमा रमेश कठायत कोषाध्यक्षमा कुवेर खड्का तथा सदस्यहरुमा राज शर्मा, यज्ञराज भट्टराई, विजय महरा नरेश महरा र अन्जु गैरे रहेका छन । प्रतियोगिता आउन झण्डै दुई महनिा भन्दा कम समय वाकी रहदा तयारीलाई तिव्रता दिईएको व्यवस्थापन संयोजक एवम क्लवका उपाध्यक्ष सरोज भट्टले वताउनुभयो ।

महिला क्रिकेटरहरुको अभाव खड्किदै गएको अवस्थामा आयोजना थालिएको महिला राष्टिय टी २० अत्तरीया कपले महिलालाई क्रिकेटमा लाग्न र लगाउन सहजता हुने वातावरणको सिर्जना हुन सक्ने अपेक्षा गरिएको छ । सुदुरपश्चिम क्षेत्र क्रिकेटमय वन्दै गएको अवस्थामा गर्न थालिएको महिला क्रिकेट प्रतियोगितालाई सवैले सहयोग गर्नुपर्ने युनाईटेड अत्तरीया क्लवका महासचिव थानेश्वर भट्टले आग्रह गर्नुभयो ।





थप समाचार

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]

एनपीएल टि-२० : टिमहरुको नाम सार्वजनिक, खेलाडीको तलव वृद्धि

नेपाल क्रिकेट संघको आयोजनामा सेप्टेम्बर २४ देखि अक्टोबर २२ ( असोज ८ देखि कार्तिक ५ ) सम्म आयोजना हुने नेपाल […]

मिलर चम्किंदा गुजरात आइपिएलको फाइनलमा

गुजरात टाइटन्स आइपिएलको फाइनलमा प्रवेश गरेको छ । पहिलो क्वालिफायर खेलमा गुजरात टाइटन्सले राजस्थान रोयल्सलाई ७ विकेटले हराएको हो । […]

सरकारको नीति तथा कार्यक्रम : फाप्ला र गौतम बुद्ध अन्तर्राष्ट्रिय स्टेडियम पूरा गर्ने

नेपाल सरकारले सातवटै प्रदेशमा सुविधासम्पन्न दशरथ रंगशाला निर्माण गर्ने भएको छ । मंगलबार राष्ट्रपति विद्यादेवी भण्डारीले प्रस्तुत गर्नुभएको सरकारको नीति […]

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]