“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने



चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम जित्नु महत्वपूर्ण रहेको प्रतिक्रिया दिएका छन्। खेलमा किंग्स-११ ले डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्यो।

जितपछि मिडियासंग कुराकानीमा सन्दिपले जितको श्रेय रायन बर्ल लगायत टिमलाईनै दिए – “मैले टसको बेलामानै भएको थिएँ कि १५७ पछ्याउन लायक लक्ष्य थियो किनकि यो विकेटमा लामो समय खेलेको अनुभव छ। जुन तरिकाले रायनले अन्त्य गर्यो र अन्तिममा राजु रिजालको योगदान पनि महत्वपूर्ण थियो। यो टिम एफर्ट थियो।”

खेलमा किंग्स-११ का ब्याट्सम्यान रायन बर्लले मात्र ३४ बलमा ३ चौका र ७ छक्का मद्दतले अविजित ७३ रन तथा ओपनर रहमनुल्लाह गुर्बजले ३६ बलमा ४ चौका र ४ छक्का मद्दतए ५९ रन बनाए। गुर्बजले ब्याटिंग गर्दा आफ्नो टिमले देब्रे हाते स्पिनर आएपछि आक्रमण गर्ने योजना बुनेको जुन बर्लले लागु पनि गरेको बताए। बर्लले ललित राजबंशीले गरेको एकै ओभरमा ३ छक्का र १ चौका मद्दतले २८ रन बनाएका थिए।

“गुर्बजले जसरि इनिंग्स सुरुवात गर्यो त्यसपछि हाम्रो योजना थियो कि देब्रे हाते स्पिनर आए पछि आक्रमण गर्ने योजना थियो। त्यो एउटा ओभरले पुरै खेल परिवर्तन गर्यो। सुरुमा धैर्यता गरेर उनले पछि आक्रमण जसरि गरेर खेल अन्त्य गरे उनलाई श्रेय जान्छ त्यसैकारण उनि प्लेयर अफ द म्याच चुनिए।” उनले बताए।

खेलमा सन्दिप र विश्वचर्चित पाकिस्तानी लेग स्पिनर शाहिद अफ्रिदी भने विकेटविहिन रहे। अफ्रिदीले ४ ओभरमा ३२ रन खर्चदा सन्दिपले ४ ओभरमा ४४ रन खर्चिए। उनले स्पिनरलाई खेलमा बलिंग गर्न गाह्रो भएको बताए – “सुरुमा विकेट थोरै रोकिएको थियो, पानि परेपछि विकेट चिप्लो हुन थाल्यो जसले ब्याटमा बल राम्ररी आउन थाल्यो। आज स्पिनरको लागि बलिंग गर्न सजिलो दिन थिएन। पानिले गर्दा स्पिनरलाई गाह्रो भएको थियो र बल समाप्त पनि गार्हो भएको थियो।”

खेलपछि सन्दिप लामिछाने रायन बर्लसंग

उनले व्यक्तिगत प्रदर्शन भन्दा टिम जित्नु महत्वपूर्ण भएको बताए –  “मेरो लागि टिम जित्नु महत्वपूर्ण कुरा हो। मैले विकेट लिएर पनि टिमले जित्दैन भने र नलिदा पनि मैले अन्य कुरामा योगदान दिएर टिमले जित्छ भने त्यो महत्वपूर्ण हो। कहिले विकेट पाइन्छ कहिले पाइदैन, यस्तो हुने गर्छ , आज काम गरेन तर टिमको जितमा खुसि छु।”

उनले अफ्रिदी टिममा हुँदा धेरै सिक्न पाएको बताए – “वहाँको अनुभव हामीलाई निकै महत्वपूर्ण छ। हामी सिक्ने क्रममा छौँ त्यसैले वहाँबाट जति सिक्न सक्यौं त्यो हामीले लिन प्रयास गर्नेछौँ। उनि टिममा हुनुले धेरै फरक हुन्छ किनकि वहाँले धेरै वर्ष क्रिकेटमा बिताउनु भएको छ। अफ्रिदी खेल्नु निकै ठूलो कुरा हो , उनि आएर खेल्नु नेपाली क्रिकेट र ईपीएलको लागि ठूलो भएको हो।”

खेलमा ब्याटिंगमा सुबास खकुरेल र अमित श्रेष्ठले रन नबनाएता पनि बलिंगमा बिक्रम सोब र गुल्सन झाले राम्रो गर्नु सकारात्मक पक्ष रहेको बताए – “सुरुवातमा सुबासलाई जुन योजनाले पठाएको थियो त्यो लागु हुन सकेन। अमित श्रेष्ठ, सिद्धान्त लोहनी जस्ता ब्याट्सम्यान छन्। हाम्रो टिममा क्षमता छ। खेलमा धेरै सकारात्मक पक्ष छन्। दुई जना ब्याट्सम्यान रन आउट हुनु भयो त्यसपछि राजु रिजालले सिंगल डबल लिएर खेल लिएर जानु भयो। जसरि गुल्सन र जितेन्द्रले बलिंग गरे त्यो तारिफयोग्य थियो।” जितेन्द्रले टिमको लागि सर्वाधिक ४ तथा गुल्सनले २ विकेट लिएका थिए।





थप समाचार

T20WC : अफगानिस्तानको विशाल जितमा बनेका ७ ठूला कीर्तिमान

युएईमा जारि टि-ट्वान्टी विश्वकपको सातौँ संस्करणको सुपर-१२ चरणको खेलमा विजयी सुरुवात गर्ने क्रममा अफगानिस्तानले स्कटल्याण्डलाई १३० रनको विशाल अन्तरले पराजित […]

T20WC : मुजिब र राशिदको घातक बलिंग, अफगानिस्तानको कीर्तिमानी विशाल जित

मुजिब उर् रहमानले टि-ट्वान्टी विश्वकप इतिहासकै तथा करियरकै उत्कृस्ट बलिंग गर्दा टि-ट्वान्टी विश्वकपमा अफगानिस्तानले स्कटल्याण्डलाई १३० रनको कीर्तिमानी अन्तरले पराजित […]

T20WC : जद्रानको आक्रामक अर्धशतक, अफगानिस्तानको कीर्तिमानी योगफल

युएईमा जारि टि-ट्वान्टी विश्वकप अन्तर्गत सोमबारको एक मात्र खेलमा अफगानिस्तान र स्कटल्याण्ड प्रतिस्पर्धा गरिरहेका छन्। समुह ‘२’ दुवै टिमको सुपर-१२ […]

IPL मा लखनऊ र अहमदावाद दुई नयाँ टिम, बिसीसीआई बन्यो मालामाल

इन्डियन प्रिमियर लिगको आगामी संस्करण २०२२ मा दुई नयाँ टिम अहमदावाद र लखनऊ हुने पक्का भएको छ। सम्बर दुबईमा दुई […]

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]