बिक्रम ठगुन्नाको ह्याट्रिकमा प्रदेश ७ को बिशाल जित : एमएम कप



  • विकेटनेपाल – १ माघ, मंगलवार

बिक्रम ठगुन्नाले ह्याट्रिक लिएपछि सुनसरी सदरमुकाम इनरुवामा जारी मनमोहन स्मृति एक दिवसीय राष्ट्रिय क्रिकेट प्रतियोगिता अन्तर्गत मंगलवार भएको खेलमा प्रदेश नम्बर ७ ले प्रदेश ५ लाई ११८ रनको बिशाल अन्तरले पराजित गरेको छ।

पहिले ब्याटिंग गर्दै प्रदेश ७ ले दिएको २४५ रनको लक्ष्य पछ्याउन मैदान उत्रिएको प्रदेश नम्बर ५ २८.३ ओभरमा १२६ रनमा समेटिन पुग्यो। टोलीका लागि कृष्ण कार्कीले ३६, सन्दिप रजालीले १४ तथा सुबेन्दु पाण्डे र बिक्रम भुषालले समान ११-११ रन जोड्न बाहेक अन्यले दोहोरो अंकमा रन जोड्न सकेनन्। प्रदेश ५ ले १८ रन अतिरिक्त स्वरूप पाएको थियो।

प्रदेश ५ लाई सस्तैमा समेट्न खेलको प्लेयर अफ दी म्याच समेत बनेका प्रदेश ७ का बिक्रम ठगुन्नाले ह्याट्रिक सहित ४ विकेट हात परे। खेलको सातौँ ओभरको चौथो, पाँचौ र छैठौं बलमा बिक्रमले लगातार विकेट लिएका थिए।

बिक्रमको ह्याट्रिकको शिकार बन्ने क्रममा प्रदेश ५ का राजबिर सिंह ( ९ ) सातौँ ओभरको चौथो बलमा दिपेन्द्र थापाको हातमा क्याच आउट भएका थिए। त्यसको लगत्तै ओभरको पाँचौं बलमा प्रकास केसी ( ० ) विजय रानाको हातबाट समातिन पुगे। यस्तै ओभरको अन्तिम बलमा ह्याट्रिक बलको सामना गरेका सौरभ खनाल ( ० ) एल बि डब्लु को शिकार बन्दा बिक्रमले ह्याट्रिक पुरा गरेका थिए।

कुल ८.३ ओभर बलिंग गरेका बिक्रमले २ मेडन सहित ३८ रन खर्चिएर ४ विकेट हात पारे। यस्तै नारायण जोशी र शेर मल्लको नाममा समेत समान २-२ विकेट रह्यो।

यसअघि पहिले ब्याटिंग गरेको प्रदेश नम्बर ७ ले निर्धारित ५० ओभरमा ८ विकेट गुमाएर २४४ रन जोडेको थियो। उसको इनिंगमा लोकेश बमले सर्वाधिक ६८ तथा रोशन अधिकारीले ५९ रन जोडेका थिए।

यस्तै टोलीको खातामा बिपिन रावलले २४ र नारायण जोशीले २२ रनको व्यक्तिगत योगदान गरेका थिए।

प्रदेश ५ नम्बरको बलिंगतर्फ मन बहादुर रानाले सर्वाधिक ३ विकेट हात पारेका थिए। यस्तै रुपेश कुर्मी र बिक्रम भुषालको नाममा समान २-२ विकेट रहेको थियो।

माघ ७ गतेसम्म चल्ने प्रतियोगितामा शान्ति दीप नेपाल इनरुवा तथा इनरुवा नगरपालिकाको संयुक्त आयोजना रहेको छ। प्रतियोगिताको विजेताले उपाधिसँगै रु. ४ लाख १ हजार , उपविजेताले रु २ लाख १ हजार तथा सेमिफाइनलमा पुग्ने टोलीले रु २५/२५ हजार पाउनेछन्। यस्तै उत्कृष्ट खेलाडीले रु ५१ हजार प्राप्त गर्दा उत्कृष्ट बलर र ब्याट्सम्यानले जनही रु २० हजार १०० पुरस्कार पाउनेछन्। अनुशासित टोलीले १५ हजार र उदयमान खेलाडीले १० हजार नगद पाउनेछन्।





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]