बिक्रमको अलराउण्ड प्रदर्शनमा आर्मीको कठिन जित



  • विकेटनेपाल, ६ जेठ

कर्णाली प्रिमियर लिग अन्तर्गत चौथो दिन सम्पन्न २ वटा खेलमा त्रिभुवन आर्मी क्लब र काठमाडौँ क्रिकेट ट्रेनिंग सेन्टरले जित दर्ता गरेका छन्। दुवै टिमको प्रतियोगितामा यो पहिलो जित हो। अंकतालिका

पहिलो खेल ( स्कोरकार्ड )

दिनको पहिलो खेलमा काठमाडौँ क्रिकेट ट्रेनिंग सेन्टरले रोयल राइजिंग क्रिकेट क्लबलाई ८ रनले पराजित गरेको छ।

टस हारेर ब्याटिंग गरेको काठमाडौँ क्रिकेट ट्रेनिंग सेन्टरले ( केसीटिसी ) निर्धारित २० ओभरमा सबै विकेट गुमाएर १४० रन बनाएको थियो।

बिपिन आचार्यले अर्धशतक बनाए

खराब सुरुवात गरेको केसीटिसीले सुरुवाती ५ विकेट मात्र ३२ रनको स्कोरमा गुमाएको थियो। छैठौ विकेटको लागि बिपिन आचार्य र बिबेक राना मगरले ७६ रनको साझेदारी गर्दै टिमको स्कोर १०० रन पार गराएका थिए। बिपिनले ५७ रन तथा बिबेकले ४५ रनको इनिंग खेले जुन क्रममा बिपिनले ३९ बलमा ७ चौका र १ छक्का तथा बिबेकले ३९ बलमा ४ चौका र २ छक्का प्रहार गरे।

रोयल राइजिंगका बलर प्रकाश जैसीले ३ विकेट तथा बिबस सिरी र विजय बिस्टले समान २/२ विकेट हात पारे।

लक्ष्य पछ्याउने क्रममा रोयल राइजिंगले पुरा २० ओभर ब्याटिंग गरेपनि ८ विकेट गुमाएर १३२ रन मात्रै बनाउन सक्यो । राइजिंगको लागि ओपनिङ्ग ब्यट्सम्यान प्रकाश जैसीले सर्वाधिक ५६ रन बनाउने क्रममा ४७ बलमा ९ चौका र १ छक्का प्रहार गरे पनि जितको लागि पर्याप्त हुन सकेन।

केसीटिसीका बलर आदील खानले सर्वाधिक ३ विकेट र संजय बस्नेतले २ विकेट हात पारे। खेलको प्लेयर अफ द म्याच बिपिन आचार्य घोषित भए।

दोश्रो खेल ( स्कोरकार्ड )

आइतबारनै सम्पन्न दोश्रो खेलमा त्रिभुवन आर्मी क्लबले प्रतियोगितामा पहिलो जित दर्ता गर्ने क्रममा महाकाली क्रिकेट क्लबलाई ५ विकेटले पराजित गर्यो। यस अघि आर्मी पहिलो खेलमा शनिबार रुपन्देहीसंग पराजित भएको थियो ।

टस जितेर पहिले ब्याटिंग गरेको महाकाली क्रिकेट क्लबले पुरै २० ओभर ब्याटिंग गर्दै ७ विकेट गुमाएर १२९ रन बनाएको थियो।

बिकाश आग्रीले ३ विकेट लिन उत्कृस्ट बलिङ्ग गरे

उसको लागि कप्तान सुरेन्द्र चन्दले सर्वाधिक २९ रन बनाए भने दिपेन्द्र चन्द र प्रकाश सिंहले समान १९/१९ रन बनाए। किरन ठगुन्नाले १६ तथा नरेश बोहराले १३ रन योगदान दिए। आर्मीका बलर सुशन भारि, बिक्रम सोब र हरि कृष्ण झाले समान १/१ विकेट हात पारे।

१३० रनको लक्ष्य आर्मीले १९ ओभरमा ५ विकेट गुमाएर भेटायो। लक्ष्य पछ्याउने क्रममा ५५ रनमा पहिलो ५ विकेट गुमाएको त्रिभुवन आर्मी क्लबको लागि छैठौं विकेटको साझेदारीको रुपमा बिक्रम सोब र नरेश बुढायरले अविजित ७९ रनको साझेदारी गरेका थिए। बिक्रमले २८ बलमा ६ चौका र १ छक्का प्रहार गरे भने नरेशले ३७ बलमा २ चौका र १ छक्का प्रहार गरे। महाकालीका बलर बिकाश आग्रीले ३ विकेट तथा रोबिन क्षेत्री र महेन्द्र ठगुन्नाले समान १/१ विकेट हात पारे।

 





थप समाचार

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]

नेदरल्याण्डसंग नेपालले टस जितेर ब्याटिंग गर्दै, यस्तो छ अन्तिम-११

नेपालमा जारि त्रि-देशीय टि-ट्वान्टी सिरिज अन्तर्गत चौथो खेलमा मंगलबार नेपाल र नेदरल्याण्ड प्रतिस्पर्धा गर्दैछन्। खेलमा नेपालले टस जितेर ब्याटिंग गर्ने […]