सुदुरपश्चिमको पहिलो जितमा बिनोदको ५ विकेट, सकियो प्रधानमन्त्रीकपको समुह चरण



प्रधानमन्त्री कप एकदिवसीय राष्ट्रिय प्रतियोगिताको समुह चरणको खेलहरु सकिएका छन्।

मंगलबार गण्डकी प्रदेश र सुदुरपश्चिम बीच मुलपानी मैदानमा सम्पन्न अन्तिम खेलमा सुदुर पश्चिमले प्रतियोगिताको पहिलो जित हाँसिल गर्ने क्रममा गण्डकी प्रदेशलाई ४ विकेटले पराजित गर्यो। गण्डकी प्रदेश ४ वटै खेलमा पराजित भयो।

यस अघिनै समुह ‘ए’ बाट प्रदेश-३ समुह विजेताको रुपमा एपीएफ उप-विजेताको रुपमा सेमीफाइनल प्रवेश गरिसकेको छ। यस्तै समुह ‘बि’ बाट समुह विजेताको रुपमा नेपाल पुलिस क्लब र उप-विजेताको रुपमा त्रिभुवन आर्मी क्लबले सेमीफाइनलमा स्थान पक्का गरिसकेका छन्।

अंकतालिका 

सेमीफाइनल खेलहरु बुधबार देखि सुरु हुनेछन्। पहिलो सेमीफाइनलमा बुधबार ( जेठ २२ ) समुह ‘ए’ विजेता प्रदेश-३ र समुह ‘बि’ उपविजेता त्रिभुवन आर्मी क्लबले तथा बिहिबार ( जेठ २३ ) हुने दोश्रो सेमीफाइनलमा समुह बि विजेता नेपाल पुलिस क्लबले समुह बि उप-विजेता तथा डिफेन्डिङ च्याम्पियन शशस्त्र प्रहरी बलको सामना गर्नेछ।

बिनोद लामाको उत्कृस्ट बलिंग 

खेलमा पहिले ब्याटिंग गर्दै गण्डकीले दिएको ९० रनको लक्ष्य सुदुरपश्चिमले २९.२ ओभरमा ६ विकेट गुमाएर पुरा गर्यो।

लक्ष्य पछ्याउने क्रममा सुदुरपश्चिमको सुरुवात पनि खराब रहेको थियो। पहिलो ६ विकेट ३३ रनमै गुमाउन पुग्दा सातौँ विकेटको लागि नरेन्द्र साउद र आकाश चन्दले अविजित ६० रनको साझेदारी गर्दै टिमलाई जितसम्म पुर्याए।

नरेन्द्रले अविजित २३ ( ४२ बलमा २ चौका ) तथा आकाशले २९ रन ( ३४ बलमा २ चौका र २ छक्का ) बनाए। लोकेश बमले १५ रन बनाए।

Binod Lama ( File Photo )

गण्डकीका तिब्र गति बलर किशोर महतोले ३ विकेट ( ८-१-२३-३ ), बिपिन खत्रीले २ ( ९-३-२६-२ ) र दिपेश श्रेष्ठ ( ६.२-०-१५-१ ) ले १ विकेट लिए।

यस अघि मुलपानी मैदानमा सम्पन्न खेलमा टस जितेर पहिले ब्याटिंग गर्ने निर्णयलाई गलत सावित गर्न सुदुरपश्चिमका बलर बिनोद लामा एक्लैले ५ विकेट लिए। देब्रे हाते स्पिनर लामाले ६ ओभरमा २ मेडन ओभर गर्दा २५ रन खर्चिए। महेश अधिकारी ( ५-१-१८-२ ) र शेर मल्ल ( ४.४-०-१७-२ ) ले २/२ विकेट लिए।

गण्डकीको ब्याटिंगमा राहुल शर्माले सर्वाधिक ४१ रन ( ४९ बलमा ४ चौका र १ छक्का ) बनाए पनि अन्य ब्याट्सम्यानले उनलाई उल्लेख्य साथ दिन नसक्दा २०.४ ओभरमा ८९ रनमा अलआउट हुन पुगेको थियो।

बिनोद लामा खेलको प्लेयर अफ द म्याच चुनिए। स्कोरकार्ड  , अंकतालिका 

राष्ट्रिय खेलकुद परिषदले आयोजना गरेको प्रतियोगिताको विजेताले नगद २० लाख, उपविजेताले १० लाख हात पार्नेछन् भने सर्वोत्कृष्ट खेलाडीले एक थान मोटरसाइकल प्राप्त गर्नेछन् । त्यस्तै उत्कृष्ट ब्याट्सम्यान र बलरले जनही नगद ५० हजार प्राप्त गर्नेछन्।





थप समाचार

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]

नेदरल्याण्डसंग नेपालले टस जितेर ब्याटिंग गर्दै, यस्तो छ अन्तिम-११

नेपालमा जारि त्रि-देशीय टि-ट्वान्टी सिरिज अन्तर्गत चौथो खेलमा मंगलबार नेपाल र नेदरल्याण्ड प्रतिस्पर्धा गर्दैछन्। खेलमा नेपालले टस जितेर ब्याटिंग गर्ने […]