बिनोदको आक्रामक ब्याटिंग, आर्मीद्वारा प्रदेश-३ लाई ठुलो लक्ष्य

binod bhandari


प्रधानमन्त्री कप एकदिवसीय राष्ट्रिय क्रिकेट अन्तर्गत पहिलो सेमीफाइनलमा विभागीय टोलि त्रिभुवन आर्मी क्लब र प्रदेश नम्बर-३ ले प्रतिस्पर्धा गरिरहेका छन्।

टियु मैदानमा जारि खेलमा टस जितेर फिल्डिंग रोजेपछि ब्याटिंग गरेको त्रिभुवन आर्मी क्लबले निर्धारित ५० ओभरमा ६ विकेट गुमाएर ३०९ रनको योगफल तयार गरेको छ।

आर्मीको लागि कप्तान बिनोद भण्डारी र राजु रिजालले अर्धशतकीय इनिंग खेले। भण्डारीले अविजित ७५ रन बनाउदा ४२ बलमा ५ चौका र ५ छक्का प्रहार गरे भने रिजालले ८६ बलमा ४ चौका र २ छक्का प्रहार गरे। यस्तै रोहित पौडेलले ४३, हरिबहादुर चौहानले ३८, कुशल मल्लले २६, राजेश पुलामीले २९ तथा करन केसीले २६ रन बनाए।

Raju Rijal
Raju Rijal ( File Photo )

सुस्त सुरुवात गर्ने क्रममा आर्मीले ११ ओभरमा २३ रन बनाएको थियो। १२ औं ओभरमा १२ रन बनाएका हरिकृष्ण झा आउट भएपछि दोश्रो विकेटको लागि राजुले हरि बहादुर चौहानसंग ७३ रनको साझेदारी गरेका थिए।

अन्तिम ५ ओभरमा आर्मीले ६० रन बनाउदै ३०० रन कटाएको थियो जुन क्रममा कुशल मल्ल र बिनोद भण्डारीले आक्रामक ब्याटिंग गरे।

प्रदेश-३ को बलिङ्गमा जितेन्द्र सिंह ठकुरी ( १०-०-४७-२ ) र नन्दन यादब ( १०-१-४१-२ ) ले २/२ विकेट तथा कप्तान पारस खड्का ( १०-०-५३-१ ) र सोनु देबकोटा ( १०-०-७०-१ ) ले १/१ विकेट लिए। निकै महँगो सावित हुने क्रममा देब्रे हाते स्पिनर सुर्य तामांग विकेट विहिन रहँदै १० ओभरमा ९१ रन खर्चिए।

स्कोरकार्ड 

प्रतियोगिताको समुह चरण अन्तर्गत समुह ‘बि’ को उप-विजेताको रुपमा त्रिभुवन आर्मी क्लब र समुह ‘ए’ को विजेताको रपमा प्रदेश नम्बर-३ सेमीफाइनल पुगेका थिए। प्रतियोगिता अन्तर्गत दोश्रो सेमीफाइनलमा भोलि एपीएफ र नेपाल पुलिसले प्रतिस्पर्धा गर्नेछन्। फाइनल खेल शनिवार खेलिनेछ।





थप समाचार

ईपीएल खेल्न नेपाल आइपुगे अफ्रिदी

विश्वचर्चित पाकिस्तान क्रिकेटर शाहिद अफ्रिदी एभरेस्ट प्रिमियर लिग ( ईपीएल ) खेल्न नेपाल आइपुगेका छन्। अफ्रिदी ३:३० बजे दिउसो पाकिस्तानबाट […]

EPL : कस्तो छ डिफेन्डिङ च्याम्पियन ललितपुर, कमजोर र बलियो पक्ष यस्ता छन्

सेप्टेम्बर २५ तारिख देखि सुरु हुने एभरेस्ट प्रिमियर लिगको चौंथो संस्करणमा डिफेन्डिङ च्याम्पियन ललितपुर पेट्रिएट्स उपाधि रक्षा गर्ने लक्ष्यका साथ […]

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]