कतारसंग हार पछि नेपाली टिमलाई पुर्वकप्तान बिनोद दासको प्रश्न

Binod Das Coach


टि-२० विश्वकप छनौट ( एसिया फाइनल ) अन्तर्गत टि-२० वरियतामा ११ औं वरियतामा रहेको नेपालले आफ्नो पहिलो खेलमा वरियतामा २१ औं नम्बरमा रहेको कतारसंग हार बेहोर्दै निराशाजनक सुरुवात गरेको छ।

सिंगापुरको इन्डीएन एसोसीएसन मैदानमा टस जितेर ब्याटिंग रोजेको नेपालले खराब ब्याटिंग गर्दै १२२ रनमा सम्पूर्ण विकेट गुमाउन पुगेको थियो। जवाफमा कतारले १९.२ ओभरमा मात्र ६ विकेट गुमाएर लक्ष्य पुरा गर्यो। हार पछि नेपाली समर्थकहरु आक्रोसित र निराश देखिएका छन्। यसरी क्रममा नेपाली राष्ट्रिय टिमका पुर्व कप्तान तथा वर्तमान अन्डर-१९ टिमका प्रशिक्षक बिनोद दासले हार पछि ४ वटा प्रश्न खडा गरेका छन्।

हारपछि नेपाली टिमलाई बिनोद दासको ४ वटा प्रश्न

१. पावरप्लेमा कसले बलिंग गर्छ, मिडल ओभरमा र डेथ ओभरमा ?
. यो पिच अझै ब्याटिंगको लागि मुस्किल छ ?
३. हामीले ६ जना बलर+पारस लाई खेलाएर २० ओभर बलिंग गर्ने सहि निर्णय गर्यौं
४. हामीले १२२ रक्षा गर्न सक्छौं ?

खेलको दौराननै बिनोद दासले ट्वीट गर्दै आफुमा निकै प्रश्नहरु घुमीरहेको र सोध्ने कि नसोध्नेमा दोधार रहेको बताएका थिए।

 

नेपालको ब्याटिंग कमजोर रहेको तथ्य हुँदाहुँदै नेपालले खेलमा ५ जना मात्रै मुख्य ब्याट्सम्यान लिएर खेलेको थियो। टिममा करन केसी, सोमपाल कामि र अविनाश बोहरा तिब्र गति बलर तथा बसन्त रेग्मी, ललित राजबंशी र सन्दिप लामिछाने गरि ३ बलर खेलेका थिए।

नेपालले खेलमा राम्रो ओपनिंग साझेदारी गरे पनि त्यसपछि लगातार विकेट गुमाएको थियो। ६ ओभरमा ४९/१ रहेको अवस्थाबाट नेपालले ७३ रन जोड्दा बाँकी विकेट गुमाउन पुगेको थियो। नेपालको लागि दिपेन्द्र एरिले सर्वाधिक ३४, पारस खड्काले २८, ज्ञानेन्द्र मल्लले २३ तथा सोमपाल कामिले ११ रन बनाउनु बाहेक अन्य ब्याट्सम्यानले दोहोरो अंकमा रन बनाउन सकेनन्। शरद भेसावकर ७ रन, बिनोद भण्डारी ३ रन , करन केसी ४ रन बनाएर आउट भए।

नेपाली ब्याट्सम्यानहरु पिच अनुसार खेल्नु भन्दा ठुलो सट खेल्ने चक्करमा आउट हुन पुग्दा लगातार विकेट गुमाउन पुगेका थिए। पिच सहज नभए पनि नेपाली ब्याट्सम्यानहरु परिस्थिति अनुसार खेल्न सकेनन् भने टिमको योजना पनि देखिएन।


पारस र ज्ञानेन्द्रले ओपनिंग साझेदारीको रुपमा ४९ रन बनाउनु बाहेक खेलमा ठुलो साझेदारी बन्ने सकेन र नेपालले लगातार विकेट गुमाएको थियो।

६ जना बलर खेलाए पनि अन्तिमको ओभरमा रन रोक्ने बलरको आवस्यकता हुँदा अविनाश बोहराको ओभर १८ ओभरमा सकिएको थियो। पहिलो ओभरमा १३ रन खर्चिए पनि सोमपालले १ ओभर मात्र बलिंग गरे। अन्तिम ओभरमा कतारलाई ३ रन जित्न आवस्यक रहंदा २ ओभरमा २१ रन खर्चिएका ललित राजबंशी अन्तिम ओभर बलिंग गर्न आउनु परेको थियो।

प्रतियोगितामा नेपालले अब दोश्रो खेल भोलि बुधबार मलेसियासंग खेल्नेछ। नेपाल सहित आयोजक सिंगापुर, मलेसिया, कतार र कुवेत सहभागी प्रतियोगिताको विजेता टिम अक्टोबरमा युएईमा आयोजना हुने टि-२० विश्वकप ग्लोबल छनौट खेल्न छानिनेछ।

 





थप समाचार

द हन्ड्रेड : मोईन अलि कप्तानीको बर्मिंघम ३ विकेटले विजयी

इंग्ल्यान्डमा जारी ‘द हन्ड्रेड’ लिग अन्तर्गत गय राति सम्पन्न लिगको दोश्रो खेलमा मोईन अलि कप्तानीको बर्मिंघम फोनिक्सले ओएन मोर्गन कप्तानीको […]

श्रीलंकाद्वारा भारत ३ विकेटले पराजित

तेश्रो खेलमा भ्रमण टोलि भारतलाई ३ विकेटले पराजित गर्दै श्रीलंकाले सिरिजको सुखद अन्त्य गरेको छ। यस अघिनै भारतले अघिल्लो दुई […]

आमिर अख्तरलाई क्यानको जवाफ

पूर्व राष्ट्रिय क्रिकेटर तथा एभरेस्ट प्रिमियर लिग ( ईपीएल ) का प्रवन्ध निर्देशक आमिर अख्तरले दुई दिन अघि नेपाल क्रिकेट […]

श्रीलंकाद्वारा भारत २२५ रनमै सिमित

भारतको श्रीलंका भ्रमण अन्तर्गत तिन खेलको एकदिवसीय अन्तर्राष्ट्रियको सिरिज अन्तर्गत तेश्रो खेल जारि रहेको छ। आर प्रेमदासा स्टेडियम कोलोम्बोमा टस […]

जिम्बाब्वेद्वारा बंगलादेश पराजित, सिरिज बराबरी

दोश्रो खेलमा बंगलादेशलाई पराजित गर्दै घरेलु टोलि जिम्बाब्वेले तिन खेलको टि-२० अन्तर्राष्ट्रिय सिरिज १-१ को बराबरी गरेको छ। हरारे स्पोर्ट्स […]

मधिभिरेको करियरकै उच्च स्कोर, जिम्बाब्वेद्वारा बंगलादेशलाई चुनौतीपूर्ण लक्ष्य

बंगलादेशको जिम्बाब्वे भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत दोश्रो खेल जित्न जिम्बाब्वेले बंगलादेशलाई १६७ रनको लक्ष्य प्रस्तुत गरेको […]