रेकर्डको बर्षा भएको खेल जित्दै बिराटनगर प्ले-अफमा



  • विकेटनेपाल, पौष ७ – शुक्रबार

एभरेस्ट प्रिमियर लिगको बिराटनगर वारियर्स र चितवन टाइगर्स बिचको नवौ खेलमा वारियर्सले ७१ रनको सहज जित हात पार्दै प्ले-अफमा स्थान पक्का गरेको छ।

आजको जितपछि बिराटनगरको ३ खेलमा ६ अंक भएको छ भने भैरहवाको दुई खेलबाट ४ अंक र पोखराको ३ खेलबाट ४ अंक रहेको छ । त्यस्तै ललितपुरले ३ खेलमध्ये २ मा पराजित हुदै २ अंक बटुलेको छ । काठमाण्डौले ४ खेलमा २ अंक जोडेको छ र अब उसँग १ खेलमात्रै बाकी रहेको अवस्थामा प्ले-अफमा पुग्ने सम्भावना कठिन भएको छ ।

किर्तिपुर मैदानमा पहिले ब्याटिंग गरेको बिराटनगरले हंगकंगका कप्तान समेत रहेका बाबर हयातको विस्फोटक पारीको मद्दतमा २० ओभरमा ८ विकेट गुमाएर १७४ रन बनायो ।  ४२ बल सामना गरेका बाबरले ५ चौका र ६ छक्का प्रहार गरे ।  उनकै साथि खेलाडी अन्शुमन राथले ४० बलमा ५ चौकाले ४१ रन बनाए ।  त्यस्तै  आसिफ शेखले २१ तथा पारस खड्काले २ छक्का सहित १६ रन बनाए ।

म्यान अफ द म्याच समेत घोषित भएका बाबर ह्यातले दिपेन्द्र सिंह ऐरीको एकै ओभरमा ४ छक्का र १ चौका सहित २९ रन प्रहार गरेका थिए ।

बसन्त रेग्मी

चितवनका प्रवीण गुप्ताले ह्याट्रिक लिएपछि बिराटनगरको तल्लोक्रम चल्न सकेन । उनले ४ ओभरमा २३ रन खर्चेर ५ विकेट लिनेक्रममा अन्तिम ओभरमा मात्रै ४ विकेट हात पारे । प्रवीण कुमारले २ तथा योगेन्द्र सिंह कार्कीले १ विकेट लिए ।

जवाफमा बिराटनगरका बसन्त रेग्मीले ११ रनमा ४ विकेट लिएपछि चितवनले १८.२ ओभरमा सबै विकेट गुमाएर १०३ रन मात्र बनाउन सक्यो । उसका भिम सार्कीले सर्बाधिक २४ रन बनाए भने सन्दिप सुनारले १६ रन, कमल ऐरी र प्रवीण गुप्ताले समान १३ रन तथा साबेज खानले १२ रन बनाएपनि अन्यले दोहोरो अंक छुन सकेनन । अविनाश कर्णले २, करण केसी, अन्शुमन राथ र पुष्प थापाले १/१ विकेट लिए ।

|| स्कोरकार्ड || अंकतालिका ||

रेकर्डको बर्षा

५ विकेट – चितवनका प्रवीण गुप्ताले खेलमा ५ विकेट हात पारेका छन् जुन ईपिएलमा एकै इनिंगमा लिएको सबैभन्दा धेरै विकेट हो ।

३ स्टम्पिंग – आजको खेलमा चितवन टाइगर्सका विकेट किपर दिलिप नाथले ३ वटा स्टम्पिंग गर्दै इपिएलको एकै खेलमा सबैभन्दा धेरै स्टम्प आउट गर्ने किपर बनेका छन् ।

एकै ओभरमा ४ विकेट – प्रवीण गुप्ताले खेलको अन्तिम ओभरमा ४ विकेट लिएका थिए जुन इपिएल एकै ओभरमा लिइएको सबैभन्दा धेरै विकेट हो ।

फराकिलो जित – आजको खेलको जित अन्तर ७१ रन रनको हिसाबले ईपिएलको सबैभन्दा ठुलो हो, अचम्म त यो प्रतियोगितामा रन रोक्नेक्रममा यसभन्दा अघि बिराटनगरले नै प्याट्रीयट्स बिरुद्द ६ रनको जित हात पारेको थियो । अन्य खेलहरुमा लक्ष्य पछ्याउने टोलीहरुले जित हात पारेका छन् ।

ठुलो साझेदारी – दोश्रो विकेटको लागि अन्शुमन राथ र बाबर हायातले गरेको १०७ रनको साझेदारी प्रतियोगिताको दोश्रो ठुलो साझेदारी हो, यसभन्दा अघि पोखरा राइनोजका सुनिल धमला र इस्रार उल्लाहले चितवन टाइगर्स बिरुद्द अविजित ११६ रनको साझेदारी गरेका थिए ।

धेरै रनको योगफल – आजको खेलमा बिराटनगरले बनाएको १७४/८ नै कुनै टिमले बनाएको सबैभन्दा ठुलो हो, दोश्रो स्थानमा १५०/६ रहेको छ जुन बिराटनगरले नै ललितपुर बिरुद्द बनाएको थियो ।

८१ रन – बाबर हयातले बनाएको ८१ रन प्रतियोगितामा कुनै पनि खेलाडीले बनाएको उच्च स्कोर हो । दोश्रो स्थानमा पोखराका इस्रार उल्लाहले बनाएको अविजित ६१ रन रहेको छ ।





थप समाचार

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]