१ सय ३४ रनको लक्ष्य ११.४ ओभरमै पछ्याउदा बिराटनगर इलिमीनेटरमा, बाहिरियो काठमाडौँ



जित्ने पर्ने खेलमा बुटवल ब्लास्टर्सलाई ४ विकेटले पराजित गर्दै बिराटनगर टाईटन्स पोखरा प्रिमियर लिगको इलिमीनेटर खेल्न छनौट भएको छ।

लिग चरणको अन्तिम खेलमा बुटवल ब्लास्टर्सले दिएको १३४ रनको लक्ष्य १२.२ ओभरमा पुरा गरे बिराटनगर इलिमीनेटर खेल्न छनौट हुने समिकरण थियो। बिराटनगरले ११.४ ओभरमा ६ विकेट गुमाएर उक्त लक्ष्य पुरा गर्दै इलिमीनेटरमा स्थान पक्का गरेको हो। बिराटनगर इलिमीनेटर पुगे संगै अंकतालिकामा चौथो काठमाडौँ गोल्डेन वारियर्सको इलिमीनेटर पुग्ने आशा समाप्त भएको छ।

प्रतियोगितामा यस अघिनै चितवन लिग चरणको सबै ५ खेल जित्दै फाइनल प्रवेश गरिसकेको छ। यस्तै इलिमीनेटर खेलको लागि बुटवल ब्लास्टर्स र बिराटनगर टाईटन्स बीच प्रतिस्पर्धा हुनेछ। इलिमीनेटरको विजेता टिम फाइनल प्रवेश गर्नेछ।

समान ४ अंक रहेता पनि धनगढी ब्लुज र काठमाडौँ गोल्डेन वारियर्स नेट रन रेटमा पछि परेकोले प्लेअफ चरण पुग्न असफल भएको छ।अब भोलि बिहिबार बुटवल ब्लास्टर्स र बिराटनगर टाईटन्स बीच इलिमीनेटर खेल हुनेछ भने उक्त खेलको विजेता टिमले शनिबार चितवन राइनोजसंग फाइनल खेल्नेछ।

बिराटनगरले लक्ष्य पछ्याउने क्रममा नोमान खानले सर्वाधिक ३५, पुनित मेहराले ३२ , मोहम्मद जैद आलमले २४ रन तथा पुष्प थापाले अविजित १८ रन बनाए।

सुरुवात देखि बिराटनगरले विस्फोटक ब्याटिंग गरेको थियो। पहिलो ओभरको पहिलो ३ बलमा मोहम्म्मद जैद आलमले लगातार ३ चौका प्रहार गरेका थिए। यस्तै दोश्रो ओभरमा लोकेश बलले लगातार २ छक्का प्रहार गरे। छैठौं ओभरको अन्तिम ३ बलमा नोमन खानले लगातार ३ चौका प्रहार गरे। त्यसपछि अन्तममा पुस्प थापा र मिनासले टिमलाई जित सम्म पुर्याए।

Puspa Thapa

बुटवलको बलिंगमा नितेश थापाले २ ( २-०-१७-२ ) तथा कमल खत्री , हर्ष टोन्क र अविनाश बोहराले समान १/१ विकेट लिए। अविनाशले ३.४ ओभरमा ४२ रन खर्चिए।

खेलमा टस हारेर ब्याटिंग गरेको बुटवल ब्लास्टर्सले निर्धारित २० ओभरमा ८ विकेट गुमाएर १३३ रन बनाएको थियो।

बुटवलको लागि तेश्रो नम्बरमा ब्याटिंग गरेका भारतीय खेलाडी हर्ष टोन्कले सर्वाधिक ६७ रन बनाए। उनले ४४ बलमा ६ चौका र ५ छक्का प्रहार गरे। शिभम सिंहले २६ बलमा ३ चौका र १ छक्का मदतले ३७ रन बनाए। सिद्धान्त लोहनीले २१ बलमा १ छक्का मदतले ११ रन बनाए। अन्य ब्याट्सम्यानले दोहोरो अंकमा रन बनाउन सकेनन्।

बिराटनगरको बलिंगमा मोहम्मद जैद आलमले सर्वाधिक ४ विकेट ( ४-०-२०-४ ) लिए। किशोर महतोले २  ४-०-२२-२ ) तथा दिपेश श्रेष्ठ ( ४-०-३०-१ ) र शाहब आलम ( ४-०-२४-१ ) ले समान १/१ विकेट लिए।





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]