अत्तरियासंग पराजित हुँदै बाहिरियो पारस कप्तानीको बिराटनगर किंग्स



  • विकेटनेपाल, २५ चैत  – आइतबार

धनगढी प्रिमियर लिग (डिपिएल) क्रिकेट अन्तर्गत लिगको अन्तिम खेलमा सिवाईसी अत्तरियासँग ६ विकेटले पराजित हुँदै पारस खड्काको कप्तानीमा रहेको बिराटनगर किंग्स प्रतियोगिताबाट बाहिरिएको छ। योसँगै प्रतियोगिताको प्लेअफमा पुग्ने ४ टिमहरुको टुंगो लागिसकेको छ । प्लेअफ पुग्ने टिमहरुमा काठमाण्डौ गोल्डेन्स, टिम चौराहा धनगढी, महेन्द्रनगर युनाईटेड र सिवाईसी अत्तरिया रहेका छन् ।

लगातार बर्षाको कारणले पहिलो खेल हुन नसकेपछी काठमाण्डौ गोल्डेन्स र महेन्द्रनगर युनाईटेडबिचको खेल रद्द भएको थियो जसपछि दुवै टिमले १-१ अंक बाँडेका थिए।

बिराटनगरको ब्याटिंग 

बर्षाको कारण ढिला सुरु भएपछि ६ ओभरमा झारिएको खेलमा टस हारेर पहिले ब्याटिंग गरेको बिराटनगरले ३ विकेट गुमाएर ५५ रनको योगफल तयार पारेको थियो। उसका दिलिप नाथ र अनिल कुमार शाहले समान १५/१५ रन तथा बाबर हयातले १४ रन बनाएका थिए। अत्तरियाका कमलसिंह ऐरी ले २ विकेट तथा शिबशंकर उराओले १ विकेट लिए।

जवाफमा उत्रेको अत्तरियाका लागि विपिन चन्द्राले २६ रन बनाउन मात्र १३ बलमा ५ चौका प्रहार गरेपछि २ बल अगावै ४ विकेट गुमाएर लक्ष्य पुरा गरेको हो। यस्तै सुवास खकुरेल घाइते भएपछी कप्तानीको जिम्मेवारी पाएका दिपेन्द्रसिंह ऐरीलेपनि २० रन प्रहार गर्न मात्र १५ बलको सामना गरे।

Dipendra Airee
Dipendra Airee

अत्तरियाले पहिलो २ विकेट ४ रनको योगफलमा पहिलो ओभरमै गुमाएको थियो। गौरब चित्कारा र कुशल भुर्तेललाई पहिलो ओभरमै रामनरेश गिरिले आउट गरेपछि ऐरी र चन्द्राले तेश्रो विकेटको लागि ५१ रनको साझेदारी गर्दै टिमलाई जित नजिक पुर्याएका थिए।

अन्तिम २ ओभरमा अत्तरियालाई जित्न १८ रन आवस्यक भएको अवस्थामा बलिंग गर्न आएका बसन्त रेग्मीको ओभरको तेश्रो बलमा विकेटकिपर दिलिप नाथले दिपेन्द्र ऐरीलाई स्टम्पिंग गर्ने मौका गुमाएका थिए भने त्यो बल चौका समेत गएको थियो। त्यसै ओभरको अन्तिम बलमा चन्द्राले चौका प्रहार गरेपछि अन्तिम ओभरमा अत्तरियालाई जित्न ७ रन आवस्यक थियो।

अन्तिम ओभरमा बलिंग गर्न आएका पारस खड्काको पहिलो बलमै दिपेन्द्र ऐरीले छक्का प्रहार गरेपछि ५ बलमा अत्तरियालाई जित्न १ रन आवस्यक थियो। पारसले दोश्रो बलमा दिपेन्द्रलाई क्याच आउट गराएपछि ब्याटिंग गर्न आएका सन्दिप जोरा पनि लगत्तै बलमा बोल्ड हुन पुगे।

३ बलमा १ रन आवस्यक रहंदा ब्याटिंग गर्न आएका आकास थापाले १ रन लिंदै टिमलाई ६ विकेटको जित दिलाएका थिए।

बलिंगतर्फ बिराटनगरका रामनरेश गिरि र पारस खड्काले समान २/२ विकेट लिएपनि जितको लागि पर्याप्त हुन सकेन। गिरिले २ ओभरमा २३ रन खर्चिए।

प्रतियोगिताको प्लेअफ चरणको खेल मंगलबार सुरु हुनेछन्। मंगलबार हुनेपहिलो क्वालिफायरमा काठमाडौँ गोल्डेन्सले धनगढी टिम चौराहाको सामना गर्नेछ जुन खेलको बिजेता फाइनल प्रवेश गर्नेछ। सोहि दिन हुने इलिमीनेटर खेलमा महेन्द्रनगर युनाइटेडले सीवाईसी अत्तरियाको सामना गर्नेछ जुन खेलको बिजेताले काठमाडौँ र चौराहा बीचको पराजित टिमसंग खेल्नेछ।

कुशल भुर्तेलको क्याच लिंदै बाबर हयात





थप समाचार

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]

को बन्लान् नेपालको मुख्य प्रशिक्षक ? यी हुन् दावेदार

नेपाल क्रिकेट संघ ( क्यान ) ले राष्ट्रिय क्रिकेट टिमको मुख्य प्रशिक्षकको लागि आवेदन दिएका ६० जना आवेदकहरु मध्ये बिहिबार […]