बिराटनगर किंग्सले रोक्यो चौराहा धनगढीको विजय यात्रा



विकेटनेपाल, चैत्र २२ – बिहिबार । पछिल्ला दुई खेलमा लगातार जित दर्ता गरेको टिम चौराहा धनगढीले बिहिवारको पहिलो खेलमा भने बिराटनगर किंग्ससंग हार बेहोरेको छ । दिनको पहिलो खेलमा पारस खड्काको कप्तानीमा रहेको बिराटनगरले टिम चौराहा धनगढी बिरुद्द १८ रनको रोमान्चक जित हात पार्यो ।

पहिले ब्याटिंग गर्दै बिराटनगरले दिएको १२८ रनको सामान्य लक्ष्यको पिछा गरेको टिम चौराहा धनगढीले निर्धारित २० ओभरमा ९ विकेट गुमाएर १०९ रन मात्र जोड्न सकेको थियो । सामान्य लक्ष्यको पिछा गर्दा चौराहाका ब्याट्सम्यानले सम्झन लायक प्रदर्शन गर्न सकेका थिएनन् । चौराहाको चेजमा शंकर रानाले सर्वाधिक २५ रन जोडेपनि त्यो जितका लागि पर्याप्त भएन । यस्तै अश्फाक अहमदले समेत २२ रनको व्यक्तिगत योगदान गरेका थिए ।
ब्याट्सम्यानहरुले तय गरेको सामान्य लक्ष्यको रक्षा गर्न बिराटनगर किंग्सका बलरहरुको भूमिका अहम रह्यो । लक्ष्य अगावै चौराहालाई रोक्न बिराटनगरका पवन सरार्फले एक्लै ४ विकेट चट्काएका थिए । उनि खेलको म्यान अफ दि म्याच घोषित भएका थिए । यस्तै बसन्त रेग्मी र पारस खड्काले समेत समान २-२ विकेट हात पारेका थिए ।

यसअघि टस हारेर पहिले ब्याटिंगको निम्तो पाएको बिराटनगर किंग्सले १९.५ ओभरमा सबै विकेट गुमाएर मात्र १२७ रन जोड्न सकेको थियो । उसको इनिंगमा पवन सरार्फले सर्वाधिक ४१ रन जोड्न बाहेक अन्य ब्याट्सम्यानले सम्झन लायक प्रदर्शन गर्न सकेका थिएनन् । ३४ बल खेलेका पवनले १ चौका र २ छक्काको सहयोगमा ४१ रन जोडेका थिए । यस्तै प्रारम्भिक ब्याट्सम्यान अनिल साहले पनि १९ बलमा ४ चौका र १ छक्का सहित २४ रनको व्यक्तिगत योगदान गरेका थिए ।
टिम चौराहा धनगढीको बलिंगमा सुनिल धमालाले ४ विकेट चट्काएका थिए । यस्तै सोमपाल कामी र रोहन मुस्तफाको नाममा समान २-२ विकेट रहेको थियो ।





थप समाचार

अफगानिस्तानको जितमा रहमतको शतक

दोश्रो एकदिवसीय अन्तर्राष्ट्रियमा ७ विकेटले आयरल्याण्डलाई पराजित गर्दै अफगानिस्तानले तिन खेलको सिरिज १ खेल अगावै २-० ले जित्न सफल भएको […]

बिग ब्यास : सन्दिपको शानदार प्रदर्शन, होबार्टको प्लेअफ सम्भावना कायमै

अष्ट्रेलियामा जारि १० औं संस्करणको बिग ब्यास लिग अन्तर्गत आइतबार सम्पन्न ५२ औं खेलमा होबार्ट हरिकेन्सले सिड्नी सिक्सरलाई ७ रनले […]

प्रम कप : लुम्बिनी र बागमतीको खेल बराबरीमा टुंगियो, बागमती सेमीफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत आइतबार मुलपानी मैदानमा सम्पन्न समुह ‘बि’ अन्तर्गतको खेल बराबरीमा टुंगिएको छ। स्कोरकार्ड, अंकतालिका बागमती प्रदेशले […]

प्रम कप : सुदूरपश्चिमको सान्त्वना जित, प्रदेश-२ को लगातार तेश्रो हार

प्रदेश-१ लाई पराजित गर्दै सुदूरपश्चिम प्रदेशले प्रधानमन्त्री कप एकदिवसीय राष्ट्रिय प्रतियोगितामा पहिलो जित दर्ता गरेको छ। यस अघिनै सुदूरपश्चिम तिनवटा […]

प्रम कप : एपीएफ सेमिफाइनलमा

प्रधानमन्त्री कप एकदिवसीय राष्ट्रिय प्रतियोगिता अन्तर्गत शनिबार सम्पन्न (ग्रुप ‘ए’) १५ औं खेलमा एपीएफले कर्णालीलाई ७१ रनले पराजित गर्दै सेमिफाइनलमा […]

प्रम कप : लुम्बिनीको दोश्रो जित, सुदूरपश्चिम बाहिरियो

सुदूरपश्चिमलाई ६ विकेटले पराजित गर्दै प्रधानमन्त्री कप एकदिवसीय राष्ट्रिय प्रतियोगितामा लुम्बिनी प्रदेशले दोश्रो जित हात पारेको छ। जितपछि लुम्बिनी समुह […]