हयातको अर्को अर्धशतक, काठमाण्डौलाई १४८ रनको लक्ष्य



  • विकेटनेपाल, पौष – ९ आईतवार

बाबर हायातको उत्कृस्ट ब्याटिंगको फलस्वरूप बिराटनगर वारियर्सले काठमाण्डौ किंग्स एघारलाई १४८ रनको बिजय लक्ष्य दिएको छ। किर्तिपुर मैदानमा जारि एभरेस्ट प्रिमियर लिगको दिनको पहिलो खेलमा बिराटनगर वारियर्सले निर्धारित २० ओभरमा ७ विकेट गुमाउंदै १४७ रन बनायो।

टस जित्दै काठमाण्डौ किंग्स एघारले पहिले बलिंग गर्ने निर्णय लिएपछि ब्याटिंगमा उत्रिएको बिराटनगरले खराब सुरुवात गर्यो। दोस्रो ओभरको अन्तिम बलमा टोलीको खातामा मात्र ११ रन हुँदा आसिफ शेख शुन्य रनमै पेभेलियन फर्किए। त्यसपछि ब्याटिंग गर्न आएका बाबर हायातले अन्शुमान राथसंग दोस्रो विकेटको लागि ७२ रनको साझेदारी गरे।

प्रतियोगितामै उत्कृस्ट लयमा रहेका बाबर र अन्शुमानले यसअघिका खेलमा पनि बिराटनगरको इनिंगलाई धेरै पटक सम्हालेका छन्। आजको खेलमा ६७ रनको सानदार इनिंग खेल्ने क्रममा हयातले ५ चौका र ४ छक्का प्रहार गरे। उनले पारस खड्कासंग तेस्रो विकेटको लागि ३४ रनको साझेदारी गरे।

त्यस्तै अन्शुमान राथले पनि बिराटनगरलाई ३२ रनको योगदान गरे। काठमाण्डौका कप्तान फर्भेज महारूफको बलमा एल.बि.डब्लु धरापमा पर्नुअघि उनले २६ बलमा ४ चौका र १ छक्का प्रहार गरे।

बिराटनगरको इनिंगलाई १४७ रनसम्म पुर्याउने क्रममा कप्तान पारस खड्काले पनि २६ रन बनाए। २५ बल खेलेका खड्काले २ बिशाल छक्का समेत प्रहार गरे।

अघिल्लो खेलमाझैँ यसखेलमा पनि अन्तिमका ओभरमा लगातार विकेट झर्दा बिराटनगर ठुलो स्कोर बनाउन बात बन्चित भयो। बिराटनगरको इनिंगलाई १४७ रनमा रोक्ने क्रममा काठमाण्डौका सोमपाल कामी र अमरसिंह रौटेलाले समान २-२ विकेट लिए।
४ ओभर बलिंग गरेका सोमपालले ३३ रन खर्चदै बाबर हयात र पारस खड्काको महत्वपूर्ण विकेट लिए। यस्तै समान ४ ओभर बलिंग गरेका रौटेलाले ३७ रन खर्चदै कारण केसी र प्रणित थापा मगरको विकेट लिए।

प्ले अफमा स्थान बनाउनका लागि खेल जित्नैपर्ने दवाबमा रहेको काठमाण्डौले जवाफी ब्याटिंग सुरु गरिसकेको छ। बिराटनगरले भने यसअघिनै प्ले अफमा आफ्नो स्थान बनाईसकेको छ।





थप समाचार

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]