पाकिस्तान नेपालभन्दा निकै बलियो साबित



  • विकेटनेपाल, २५ पौष- मंगलबार 

पाँचौ नेत्रहीन एकदिवसीय बिश्वकप प्रतियोगिताको पहिलो खेलमा नेपाल पाकिस्तानसंग ९ विकेटले पराजित भएको छ। स्कोरकार्ड 

पाकिस्तानको गुज्रनवाला स्थित जिन्नाह स्टेडियममा पहिले टस जितेर नेपालले ब्याटिंग गर्दै तयार पारेको २५८ रनको योगफल पछ्याएको पाकिस्तानले १९.१ ओभरमै लक्ष पछ्याएको हो।

पहिलो इनिंगमा नेपालले निर्धारित ४० ओभरको खेलमा ५ विकेट गुमाएर २५८ रन बनाएको थियो। नेपालको लागि ओपनिंग ब्याटिंग गरेका रमेश बहादुरले सर्बाधिक ५९ रन, पदम बडेलले ५० रन तथा बद्रि चौलागाईंले ४७ रनको योगदान दिएका थिए। यस्तै खिमानन्द गैरेले अविजित ३० रन योगदान दिए।

बद्रि चौलागाईंले ४७ रनको योगदान दिए

लक्ष पछ्याउने क्रममा पाकिस्तान ओपनर बदर मुनिरले १२६ रनको बिशाल इनिंग खेल्दै सहज जितमा महत्वपूर्ण योगदान दिए। मात्र ५७ बल खेलेका उनले २६ चौका प्रहार गरेपछि रिटायर्ड आउट भएका थिए। उनले अर्का ओपनर मोहसिन खानसंग पहिलो विकेटको लागि १७७ रनको बिशाल साझेदारी गरे। मोहसिन ७४ रनमा तथा अमिर अश्फाक ४६ रनमा अविजित रहँदै टिमलाई जितसम्म पुर्याए।

खेलको म्यान अफ द म्याच बदर मुनिर चुनिए।

पाकिस्तानको प्रतियोगितामा यो लगातार दोश्रो जित हो। पहिलो खेलमा उसले बंगलादेशलाई ९ विकेटले पराजित गरेको थियो। त्यस खेलमा पनि बदर मुनिर एक्लैले १४५ रन बनाउदै खेलको म्यान अफ द म्याच चुनिएका थिए।

नेपालले दोश्रो खेलमा १० जनवरीमा बंगलादेशसंग इकबाल स्टेडियममा खेल्नेछ। तेश्रो खेल श्रीलंकासंग १३ जनवरीमा युएईको अज्मान ओभल मैदानमा, चौथो खेल १४ जनवरीमा भारतसंग इडन गार्डेन मैदान युएईमा तथा लिगको पाँचौ अन्तिम खेलमा अस्ट्रेलियासंग एमसीसी मैदान युएईमा १५ जनवरीमा खेल्नेछ।

सहभागी ६ टिमबाट लिग अंक तालिकाको शिर्ष ४ भित्रमा रहने टिमले सेमीफाइनलको यात्रा गर्नेछ।

( फोटो – अनिल मल्ल )





थप समाचार

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]

एनपीएल टि-२० : टिमहरुको नाम सार्वजनिक, खेलाडीको तलव वृद्धि

नेपाल क्रिकेट संघको आयोजनामा सेप्टेम्बर २४ देखि अक्टोबर २२ ( असोज ८ देखि कार्तिक ५ ) सम्म आयोजना हुने नेपाल […]

मिलर चम्किंदा गुजरात आइपिएलको फाइनलमा

गुजरात टाइटन्स आइपिएलको फाइनलमा प्रवेश गरेको छ । पहिलो क्वालिफायर खेलमा गुजरात टाइटन्सले राजस्थान रोयल्सलाई ७ विकेटले हराएको हो । […]

सरकारको नीति तथा कार्यक्रम : फाप्ला र गौतम बुद्ध अन्तर्राष्ट्रिय स्टेडियम पूरा गर्ने

नेपाल सरकारले सातवटै प्रदेशमा सुविधासम्पन्न दशरथ रंगशाला निर्माण गर्ने भएको छ । मंगलबार राष्ट्रपति विद्यादेवी भण्डारीले प्रस्तुत गर्नुभएको सरकारको नीति […]

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]