ऐतिहासिक सिरिज खेल्न पाकिस्तान जाने नेत्रहिन महिला टिमको बिदाई



  • विकेटनेपाल, माघ १० – बिहिबार

पाकिस्तानसँगको ऐतिहासिक अन्तर्राष्ट्रिय सिरिज खेल्न पाकिस्तान जाने नेपाली नेत्रहिन महिला क्रिकेट टिमको आज बिदाई गरिएको छ। टिम माघ १२ गते त्यसतर्फ प्रस्थान गर्नेछ।

नेपाली महिला नेत्रहिन टोलीले पाकिस्तानका विभिन्न तीन शहरमा पाँच ट्वान्टी–२० खेलको शृंखला खेल्नेछ । माघ १५ गते लाहोरमा पहिलो खेल्नेछ भने फैसलाबादमा १७ र १८ गते दुई खेल खेल्नेछ । चौथो खेल २० गते र पाँचौ खेल २१ स्लामाबादमा खेल्नेछ।

बिदाई समारोहमा टिमको नेतृत्व गरिरहेकी कप्तान भगवती भट्टराई बरालले नेपाल पाकिस्तान भन्दा धेरै बलियो भएकोले आफ्नो टिमले राम्रो प्रदर्शन गर्ने बताईन। अर्कोतर्फ आफ्नो पहिलो क्रिकेट शृंखलाको लागि तयारी गरिरहेका पाकिस्तानका खेलाडीहरु भने पहिलो सिरिजलाई यादगार बनाउँदै देशको शिर उँचो बनाउन लागिपर्ने बताएका छन्।

पौष २३ गतेदेखि माघ ९ गतेसम्म मुलपानी मैदानमा कडा मेहनत गरेको टिमले राम्रो प्रदर्शन गर्नेमा सबै खेलाडीहरु आशावादी देखिन्छन्। यस्तै प्रशिक्षकको जिम्मेवारीमा रहेका रिजन प्रजुले पनि लामो समयको तयारिले टिम परिपक्क भएको बताए।

यसअघि सन् २०१४ मा इंग्ल्याण्डसंग घरेलु मैदानमै प्रतिस्पर्धा गरेको नेपालले अन्तर्राष्ट्रिय भ्रमण भने पहिलोपल्ट गर्न लागेको हो। सन् २०१४ मा इंग्ल्याण्डसँग भएको ३ खेलको टि-२० सिरिज नेपालले क्लिन स्विप गर्दै आफ्नो पक्षमा पारेको थियो जुन नेत्रहीन महिला क्रिकेटको पहिलो अन्तर्राष्ट्रिय सिरिज समेत थियो।

धेरै मेहनत र प्ररिश्रमपछी अन्तर्राष्ट्रिय सिरिजमा भागलिन जान लागेकोले यसकार्यमा सहयोग गर्नेसबैजना लाई नेत्रहीन क्रिकेट संघका अध्यक्ष पवन घिमिरेले बिदाई समारोहमा धन्यवाद ब्यक्त गरे।

नेपाली टिम:

रिता थापा, आशा रेग्मी, मुना अर्याल, हिता गुरुङ, सरिता घिमिरे, सुष्मा तामांग, आयुष्मा क्षेत्री, भगवती अमागाई, बिमला राई, मनकेशरी चौधरी, भुमा खरेल, बिनिता पुन, गीता पौडेल, भगवती भट्टराई (कप्तान) र आशिका चौधरी

खेलतालिका

पहिलो टि२०- जनवरी २९ (लाहोर)
दोश्रो टि२०- जनवरी ३१ (फैसलाबाद)
तेस्रो टि२०- फेब्रुअरी १ (फैसलाबाद)
चौथो टि२०- फेब्रुअरी ३ (इस्लामावाद)
पाँचौ टि२०- फेब्रुअरी ४ (इस्लामावाद)





थप समाचार

T20WC : ४ बलमा ४ विकेट लिंदै क्याम्फरलेले रचे इतिहाँस, आयरल्याण्डको विजयी सुरुवात

दायाँ हाते फास्ट बलर कर्टिस क्याम्फरले ह्याट्रिक सहित लगातार ४ बलमा ४ विकेट लिंदै इतिहाँस बनाउदा युएई र ओमानमा संयुक्त […]

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]