ब्लुबर्डलाई इन्टर कलेज इन्डोर क्रिकेटको उपाधी



टेक्सास कलेजको आयोजनामा बुधबारदेखि सुरु भएको इन्टर-कलेज इन्डोर क्रिकेट च्याम्पियनसिपको उपाधी ब्लुबर्ड इन्टरनेसनल कलेजले हात पारेको छ। उसले आइतबार सम्पन्न फाइनलमा ग्लासियर इन्टरनेसनल कलेजलाई ४२ रनले पराजित गर्यो।

उपाधी हात पारेको ब्लुबर्डले नगद ५१ हजार र उपविजेता बनेको ग्लासियरले नगद २५ हजार ५ सय प्राप्त गर्यो।

खेलमा २९ रन बनाउँदै २ विकेट समेत लिएका बिबेक राना प्लेयर अफ द फाइनलका साथै प्लेयर अफ द टुर्नामेन्ट घोषित भए। यस्तै ओजस्वी कलेजका अभियान बस्नेत र आश्रय बस्नेत प्रतियोगिताको बेस्ट ब्याट्सम्यान र बलर घोषित भए।

टस हारेर पहिले ब्याटिंग गरेको ब्लुबर्डले १० ओभरमा ११७/४ बनायो। उसका सचिन लेखकले २१ बलमा ४५ र बिबेक रानाले २० बलमा २९ रन बनाए। लक्ष्य पछ्याएको ग्लासियरले ७५ रनमात्र बनाउन सक्यो। ग्लासियरका लागि दिपेन्द्र बोहराले २६ बलमा ४१ रन बनाएपनि जितको लागि पर्याप्त भएन।

कुल २४ कलेज सहभागी प्रतियोगितामा सहभागी टिमहरुलाई ६ वटा समुहमा बिभाजन गरिएको थियो।

प्रतियोगिताको उत्कृस्ट हुने खेलाडी बिबेक रानाले प्रिसीयस ट्राभल एण्ड टुरको तर्फबाट पोखराको टु-वे टिकट तथा लजिंग- फुडिंग पाएका छन्। यस्तै उत्कृस्ट बलर र ब्याट्सम्यान क्रमश: अभियान बस्नेत र आश्रय बस्नेतले समेत पोखराको वान-वे टिकट पाएका छन्। यस्तै इपिएल टि-२० टिम काठमाडौँ किंग्स-११ ले यी तिनै जना उत्कृस्ट खेलाडीहरुले टिमको बन्द सत्रमा मौका पाउनेछन्। आईफ्लिक्सको तर्फबाट प्रतियोगिताको उत्कृस्ट खेलाडीले १ वर्ष तथा प्लेयर अफ द म्याचहरुले ३ महिनाको निशुल्क सब्स्क्रिप्सन प्राप्त गर्नेछन्।

कार्यक्रमको समापन समारोहमा नेपाल क्रिकेट संघ प्रदेश ३ का अध्यक्ष राजु बस्नेतको उपस्थिति थियो।





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]