१५ बलको अन्तरमा बोल्टले ६ विकेट लिंदा श्रीलंका निरिह



  • विकेटनेपाल, पुष १२ , बिहिबार 

न्युजिल्याण्डमा जारि श्रीलंका र न्युजिल्याण्ड बीचको दुई टेस्ट म्याचको सिरिज अन्तर्गत दोश्रो टेस्टमा ट्रेन्ट बोल्टले घातक बलिङ्ग गरेका छन्।

पहिलो टेस्ट बराबरीमा टुंगिएपछि निर्णायक टेस्टमा टस हारेर पहिले ब्याटिंग गरेको न्युजिल्याण्डले १७८ रनमा सबै विकेट गुमाएपछि ब्याटिंग गरेको श्रीलंकाले पहिलो इनिंगमा १०४ रनमै समेटिन पुगेको हो।

श्रीलंकालाई सस्तोमा समेट्न बोल्ट एक्लैले श्रीलंकन ब्याटिंग क्रमको अन्तिम ६ वटा विकेट लिए। ३६.५ ओभरमा श्रीलंकाको पाँचौ विकेट लिएका बोल्टले त्यसपछि लगातार स्पेल गर्दै ४० औं ओभरको अन्तिम बलमा दशौँ विकेट लिएका थिए।

२१ रन बनाएर ब्याटिंग गरेका रोशेन सिल्भाको विकेट लिएर सुरुवात गरेका बोल्टले त्यसपछि  ३८.१ ओभरमा निरोशन डिकवेला ( ४ ) को विकेट लिए। त्यसपछि ब्याटिंग गर्न आएका दिलरुवान परेरा, सुरंगा लकमल, दुस्मन्था चमिरा र लहिरु कुमारालाई खाता नखोल्दै बोल्टले पेभिलियनको दिशा देखाए। अन्तिमको ४ विकेट बोल्टले एलबिडब्लु मार्फत लिए।

१५ बलको अन्तरालमा बोल्टले ६ विकेट लिंदा श्रीलंकाले ४१ ओभरमा १०४ रनमा सबै विकेट गुमाउन पुग्यो। २९ बर्षिय बोल्टले १५ ओभरमा ८ मेडन ओभर गर्दै ३० रन खर्चेर ६ विकेट लिए।

यस अघि न्युजिल्याण्डले पहिलो इनिंगमा १७८ रन बनाएको थियो। न्युजिल्याण्डले दोश्रो इनिंगमा ब्याटिंग थालीसकेको छ र यो समाचार तयार पार्दा सम्म ५० ओभरमा १ विकेट गुमाएर १२६ रन बनाउदै २०० रनको अग्रता लिएको छ।

न्युजिल्याण्डको पहिलो इनिंगमा टिम साउथिले सर्वाधिक ६८ तथा बिजे वाटलिङ्गले ४६ रन बनाएका थिए भने श्रीलंकन पेसर सुरंगा लकमलले ५ विकेट ( १९-५-५४-५ ) विकेट लिएका थिए। श्रीलंकाको पहिलो इनिंगमा एन्जेलो म्याथुजले सर्वाधिक ३३ रन बनाए भने न्युजिल्याण्ड बलर बोल्टले ६ ( १५-८-३०-६ ) र टिम साउथिले ३ विकेट ( १५-५-३५-३ ) लिए।

( फोटो –  आईसीसी )

 





थप समाचार

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]

अफ्रिदी र सन्दिप प्रभावहिन हुँदा मुखिया चम्किए , सर्राफको अर्धशतकमा ललितपुरले बनायो १५८ रन

एभरेस्ट प्रिमियर लिगको चौंथो संस्करणको उद्घाटन खेलमा ललितपुर पेट्रिएट्स र काठमाडौँ किंग्स-११ प्रतिस्पर्धा गरिरहेका छन्। टियु अन्तर्राष्ट्रिय क्रिकेट मैदान किर्तिपुरमा […]