बोल्टको घातक बलिंगमा पाकिस्तानको लज्जास्पद हार, २५ बर्ष यताकै कमजोर ब्याटिंग



  • विकेटनेपाल, २९ पौष – शनिबार 

पाकिस्तानलाई तेश्रो एकदिवसीयमा पनि पराजित गर्दै न्युजिल्याण्डले ५ एकदिवसीयको सिरिज ३-० ले जितेको छ।

पहिलो एकदिवसीय ६१ रनको तथा दोश्रो एकदिवसीयमा ८ विकेटको जित निकालेको घरेलु टिमले तेश्रो एकदिवसीयमा १८३ रनको बिशाल अन्तरले पाकिस्तानलाई पराजित गर्यो।

युनिभर्सिटी ओभल मैदानमा टस जितेर ब्याटिंग गरेको न्युजिल्याण्डले ५० ओभरमा सबै विकेट गुमाई २५७ रनको योगफल तयार पारेको थियो। कप्तान केन विलियमसनले सर्बाधिक ७३ रन, रोस टेलरले ५२ रनको योगदान दिए। १०१ बलको इनिंगमा विलियमसनले ७ चौका प्रहार गरेका थिए। मार्टिन गुप्टिलले ४५ तथा टम लाथम ३५ रन योगदान दिए।

पाकिस्तान बलर रुम्मन रईसले ३ ( १०-०-५१-३ ) तथा हसन अलिले ३ ( १०-०-५९-३ ) विकेट हात पारे भने शदाब खानले २ विकेट आफ्नो नाम गरे।

केन विलियमसन

पाकिस्तानको लज्जास्पद ब्याटिंग 

२५८ रनको लक्ष पछ्याउने क्रममा पाकिस्तानले अत्यन्त खराब ब्याटिंग गर्दै ७४ रनमै सबै विकेट गुमाएको थियो। पाकिस्तानको यो योगफल बिगत २५ बर्ष देखिको सबैभन्दा कम हो।

सन् १९९३ मा पाकिस्तान वेस्ट इन्डिजसंग ४३ रनमै अलआउट भएको थियो जुन एकदिवसीयमा पाकिस्तानको सबैभन्दा कम योगफल हो। त्यसपछि सन् १९९३ मा पाकिस्तान वेस्ट इन्डिजसंग ७१ रनमा अलआउट भएको थियो भने सन् १९९२ मा इंगल्याण्डस्नाग ७४ रनमै अलआउट भएको थियो।

एकदिवसीय अन्तर्राष्ट्रियमा सबैभन्दा कम स्कोरमा अलआउट हुने टिम जिम्बाबे हो जसले श्रीलंकासंग सन् २००४ मा ३५ रनमै सबै विकेट गुमाएको थियो।

बोल्टको ५ विकेट 

२७.२ ओभरमै सम्पूर्ण पाकिस्तान ब्याट्सम्यानलाई पेभेलियन फर्काउन न्युजिल्याण्ड बलर ट्रेन्ट बोल्ट एक्लैले ५ विकेट हात पारेका थिए।बोल्टले ७.२ ओभर बलिंग गर्दा १ मेडन ओभर फाल्दै मात्र १७ रन खर्चे। यस्तै कोलिन मुनरो र लकी फर्गुसनले २/२ विकेट हात पारे।

पाकिस्तानले पहिलो ८ विकेट ३२ रनको स्कोरमै गुमाएको थियो। नवौं विकेटको लागि मोहम्मद आमिर र कप्तान सरफराज अहमदले २० रनको तथा दशौ विकेटको लागि अहमदले रुम्मन रइससंग २२ रनको साझेदारी गर्दै हारको अन्तर कम गरेका थिए।

दुइ देश बीच चौथो एकदिवसीय जनवरी १६ मा तथा पाँचौ एकदिवसीय जनवरी १९ मा खेलिनेछ। एकदिवसीय शृंखला पछि ३ वटा टि-२० अन्तर्राष्ट्रियको शृंखला खेल्नेछन्।

( फोटो तथा ग्राफिक्स – आईसीसी )

 





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]