बुम एमसिसीको जित



  • विकेटनेपाल, भैरहवा, ७ चैत ।

रुपन्देही क्रिकेट संघको आयोजनामा भैरहवास्थित सिद्धार्थ रंगशालामा जारी शशिकान्त–सकुन्तला बर्मा टि-२० क्रिकेट प्रतियोगितामा सोमबार भएको समूह ‘सी’ को पहिलो खेलमा देवदह क्रिकेट युनिट देवदहललाई हराउँदै बुम एमसीसी भैरहवा विजयी भएको छ ।

अत्यन्तै रोमांचक खेलमा बुमले देवदहमाथि ६ रनको जित निकाल्न सफल भयो । जितसँगै उसले २ अंक बटुलेको छ ।

टस जितेर देवदहले बुमलाई पहिले ब्याटिङको निम्तो दिएको थियो । जसमा एससिसीले निर्धारित २० ओभरको खेलमा ७ विकेट गुमाउँदै १ सय ३७ रन बनायो । उसका लागि प्रज्जवल थापाले २७, सुजित खनालले नटआउट २३, सन्दीप केसीले २०, तुलाराम थापाले १६ र अमर मिश्राले १३ रनको योगदान दिए । बलिङमा देवदहका सुरज दराई र रोशन गौतमले समान २-२ विकेट लिए ।

जवाफी ब्याटिङमा मैदान छिरेको देवदहले निर्धारित खेलमा ७ विकेटको क्षतिमा जम्मा १ सय ३१ रन बनाउन सक्यो । उसका लागि सुरज दराईले ५९, सुमन पाण्डेले २५ र खुम पाण्डेले १४ रन बनाए पनि त्यो जितका लागि पर्याप्त भएन । बलिङमा बुमका लागि भिम सुनार र सन्दीप केसीले समान २-२ विकेट लिए । खेलको म्यान अफ द म्याच पराजित टिम देवदहका सुरज दराई घोषित भए ।

अब यो समूहबाट एपेक्स क्रिकेट क्लब बुटवल र बुम एमसिसी भैरहवाबीच हुने खेलले सेमिफाइनलमा पुग्ने टिमको टुंगो लाग्ने रुपन्देही क्रिकेट संघका अध्यक्ष प्रशान्त विक्रम मल्लले जानकारी दिए ।

त्यस्तै आजै भएको समूह ‘डि’ अन्तर्गत दोस्रो खेलमा न्यू होराइजन क्रिकेट क्लब बुटवल र प्रोफेसनल मास्टर्स ११ क्रिकेट क्लब भैरहवाबीच खेल भइरहेका बेला पानी परेपछि बीचमै रोकियो । अत्यधिक पानी परेपछि यी दुई टिमले १-१ अंक बाँडेका छन् । यो समूहबाट होराइजनले २ खेलबाट ३ अंक बटुलेको छ । मास्टर्सले एक खेलबाट १ अंकमात्र बटुलेको छ भने शिवशक्तिकले अंक जोड्न सकेको छैन ।

मंगलबारको पहिलो खेल समूह ‘ए’ मा रहेका लुम्बिनी खुकुरी क्रिकेट क्लब बेलहिया र बुटवल ११ बुटवलबीच प्रतिस्पर्धा हुनेछ भने दोस्रो खेल समूह ‘बि’ मा रहेका साई ग्लोबल क्रिकेट क्लब भैरहवा र वेष्टर्न क्रिकेट क्लब बुटवलबीच हुनेछ ।

प्रतियोगिताका विजेताले नगद रु. ५० हजार र ट्रफी, उपविजेताले नगद रु. २५ हजार र ट्रफी प्राप्त गर्नेछन् । उत्कृष्ट खेलाडीले नगद रु. १० हजार, बेष्ट ब्याट्सम्यान तथा बेष्ट बलरले नगद रु.५-५ हजार प्राप्त गर्नेछन् भने प्रत्येक दिनको म्यान अफ द म्याचले रु. एक हजार प्राप्त गर्नेछन् । प्रतियोगिता चैत १२ गतेसम्म संचालन हुने छ ।

प्रतियोगितालाई अमेरिका निवासी विवेक बर्माले आफ्नो स्वर्गीय आमा÷बुवाको नाममा स्पोन्सर गरेका छन् । स्वर्गीय शशिकान्त बर्मा रुपन्देही जिल्लाको क्रिकेट खेलको विकासमा अम्पायर तथा खेलाडीको रुपमा योगदान पु¥याउने व्यक्तित्व मानिन्छन् भने स्वर्गीय सकुन्तला बर्मा रुपन्देही जिल्लाको महिला नेतृ थिइन् ।





थप समाचार

कोभिड-१९ बिरुद्ध लड्न सन्दिपले सुरु गरे आर्थिक अभियान

स्टार नेपाली लेग स्पिनर सन्दिप लामिछानेले कोभीड-१९ महामारी बिरुद्ध सहयोग अभियान सुरु गरेका छन्। सामाजिक संजाल मार्फत अभियानको घोषणा गर्दै […]

वेस्टइन्डिज भ्रमणको लागि अस्ट्रेलियन टिम घोषित, लाबुशेन बाहिर

वेस्टइन्डिज भ्रमणको लागि क्रिकेट अस्ट्रेलियाले २३ सदस्यीय टिमको सोमबार घोषणा गरेको छ। भ्रमणमा अस्ट्रेलियाले वेस्टइन्डिज बिरुद्ध पाँचवटा टि-ट्वान्टी अन्तर्राष्ट्रिय र […]

न्युजिल्यान्ड बिरुद्ध टेस्ट सिरिजबाट बाहिरिए आर्चर

इंग्ल्यान्ड फास्ट बलर जोफ्रा आर्चर न्युजिल्यान्ड बिरुद्ध जुन २ बाट सुरु हुने दुई टेस्टको सिरिजबाट बाहिर भएका छन्। कुइनोको चोट […]

“१०-१२ वर्ष एन्जाइटिले सतायो, कैयौं रात नसुती बिताएको छु” सचिन तेन्दुलकर

भारतीय क्रिकेट लेजेण्ड सचिन तेन्दुलकरले आफ्नो २४ वर्षीय क्रिकेट करियरको ठूलो हिस्सा एन्जाइटिसंग ( भय, त्रास, अत्यासको अवस्था ) जुझेको […]

“वर्तमान युगमा उनि नम्बर-१ ब्याट्सम्यान हुन्, उनि अद्भुत प्रदर्शन गरिरहेका छन्।” युसुफले बताए कोहली र आजममा को नम्बर-१

वर्तमान विश्व क्रिकेटका दुई ठूला ब्याट्सम्यान भारतका बिराट कोहली र पाकिस्तानका बाबर आजम बीच को महान् भन्ने बहस क्रिकेट फ्यानहरु […]

टि-ट्वान्टी विश्वकपमा २० वटा टिम, इन्टर कन्टिनेन्टल कप फरक नाममा

क्रिकेट खेललाई विश्वव्यापीकारण गर्ने प्रयास स्वरूप अन्तर्राष्ट्रिय क्रिकेट परिषद ( आईसीसी ) टि-ट्वान्टी विश्वकपमा टिम संख्या बढाएर २० वटा पुर्याउने […]