ब्रुकको शतकमा इङ्ल्याण्डको जित, क्यानडाको सुपर-८ सम्भावना कायमै



  • विकेटनेपाल, माघ-४ – शुक्रबार 

न्युजिल्याण्डमा जारि अन्डर-१९ विश्वकप क्रिकेटमा बिहिबार सम्पन्न समुह ‘सी’ अन्तर्गत २ खेलमा इंग्ल्याण्ड र क्यानडाले जित हात पारेका छन्।

ब्रुकको शतकमा इंग्ल्यान्डको जित  

खेलमा बंगलादेशले दिएको १७६ रनको लक्ष्य इंगलिस टोलिले मात्र २९.३ ओभरमा मात्र ३ विकेट गुमाएर भेट्यो। इंगल्याण्डको जितमा कप्तान ह्यारी ब्रुकले अविजित शतक बनाए।

दुवै ओपनरलाई चाडै गुमाएको इंगल्याण्डका लागि कप्तान ब्रुकले शतक बनाउने क्रममा १३ चौका र ३ छक्का प्रहार गर्दै ८४ बलमा १०२ रन जोडे। यस्तै एयुन उड्सले अविजित ४८ रन जोडे। बंगलादेशको बलिंगतर्फ हसन महमुद, क्वजी ओनिक र नयिमले समान १-१ विकेट लिए।

पहिले ब्याटिंग गरेको बंगलादेशले ४९.२ ओभरमा सबै विकेट गुमाउदै १७५ रन जोडेको थियो। उसका लागि अफिफ हुसैनले ६३ रन बनाउन बाहेक अन्य ब्याट्सम्यान चल्न सकेनन्। इंग्ल्याण्डका एयुन उड्स र इथान बम्बेरले समान ३-३ विकेट लिएका थिए।

क्यानडाको पहिलो जित 

आजै सम्पन्न अर्को खेलमा भने क्यानडाले नामिबिया माथि ४ विकेटको शानदार जित हात पार्यो।

नामिबियाले दिएको १९४ रनको लक्ष्य पछ्याएको क्यानेडाले ६ विकेट गुमाउँदै नतिजा आफ्नो हात पार्यो। क्यानडाको जितमा कप्तान अर्स्लन खानले ७२, आकाश गिलले ५२ तथा केभिन सिंहले अविजित ५० रन जोडे। नामिबियाका लागि पेत्रुस बर्गर र शन् फौचेले समान २-२ विकेट लिए।

पहिले ब्याटिंग गरेको नामिबियाले भने खराब प्रदर्शन गर्दै १९३ रन मात्र जोडेको थियो। कप्तान लोहन लौरेन्सले ३८, एबेन भेन व्येकले ३२ तथा एरीच भेन मोल्लेंडोर्फ़ले ३० रन जोडेका थिए। क्यानडाका आकाश गिलले ४ विकेट लिंदा अरण पथामन्थान र रिशिभ जोशी समान २-२ विकेट निकालेका थिए।

समुह ‘सी’ अंक तालिका 

समुह ‘सी’ बाट प्रतियोगिताको सुपर-८ चरण पुग्ने टिमको निर्णय क्यानडा र इंग्ल्यान्ड बीच हुने अन्तिम खेलले गर्नेछ। इंग्ल्याण्ड जितेको खण्डमा स्वतः इंग्ल्याण्ड र बंगलादेश दोश्रो चरण प्रवेश गर्नेछ भने क्यानडाले जित हात पारे नेट रनरेटको आधारमा दुई टिम मध्ये १ सुपर-८ को लागि छनौट हुनेछ।

सुपर-८ चरणमा हालसम्म समुह ‘ए’ बाट न्युजिल्याण्ड र दक्षिण अफ्रीका तथा समुह ‘डी’ बाट अफगानिस्तान पुगीसकेको छ।

शुक्रबारको खेलहरु :- 

पाकिस्तान Vs श्रीलंका
अस्ट्रेलिया Vs पपुवा न्यु गिनी
भारत Vs जिम्बाबे





थप समाचार

श्रीलंकाले जित्यो भारत बिरुद्ध टि-२० सिरिज, टुट्यो भारतको अपराजित यात्रा

तेश्रो तथा निर्णायक खेलमा भारतलाई ७ विकेटले पराजित गर्दै घरेलु टोलि श्रीलंकाले तिन खेलको टि-ट्वान्टी अन्तर्राष्ट्रियको सिरिज २-१ ले जितेको […]

हसरंगाले घातक बलिंग गर्दा भारतको लज्जास्पद ब्याटिंग प्रदर्शन

भारतको श्रीलंका भ्रमण अन्तर्गत तेश्रो तथा निर्णायक टि-२० जित्दै सिरिज जित्न भारतले श्रीलंकालाई ८२ रनको लक्ष्य प्रस्तुत गरेको छ। आर […]

क्यान प्रदेश-२ द्वारा विश्वकीर्तिमानी आलमलाई राष्ट्रिय सम्मान सहितको विदाइको माग

१४ साउन, बर्दिबास । प्रदेश क्रिकेट संघ प्रदेश नं. २ ले बुधवार सम्पन्न बैठकमा बिभिन्न महत्वपुर्ण १५ वटा निर्णय गरेको […]

डी सिल्भा चम्किँदा रोमान्चक खेलमा श्रीलंकाद्वारा भारत पराजित

दोश्रो खेलमा भारतलाई ४ विकेटले पराजित गर्दै श्रीलंकाले तिन खेलको टि-२० अन्तर्राष्ट्रिय सिरिज १-१ को बराबरीमा ल्याएको छ। सिरिज अन्तर्गत […]

भारतद्वारा श्रीलंकालाई सामान्य लक्ष्य

भारतको श्रीलंका भ्रमण अन्तर्गत तिन खेलको टि-२० अन्तर्राष्ट्रिय सिरिज अन्तर्गत दोश्रो खेल जित्न भारतले श्रीलंकालाई १३३ रनको लक्ष्य प्रस्तुत गरेको […]

द हन्ड्रेड : बेयरस्टो र निशम चम्किंदा वेल्सको लगातार जित

इंग्ल्यान्डमा जारि पहिलो संस्करणको ‘द हन्ड्रेड’ लिग अन्तर्गत गय रातीको खेलमा जोनी बेयरस्टो कप्तानीको वेल्स फायरले जेम्स भिन्स कप्तानको साउदर्न […]