धमला र ऐरी चम्किदा, फाइनल पुग्न बिराटनगरद्वारा बुटवललाई १६६ रनको लक्ष्य



पोखरा प्रिमियर लिग ( पिपिएल ) टि-२० अन्तर्गत इलिमीनेटर खेलमा बिराटनगर टाईटन्स र बुटवल ब्लास्टर्स प्रतिस्पर्धा गरिरहेका छन्। इलिमीनेटर जित्ने टिमले शनिवार चितवन राइनोजसंग फाइनल खेल्नेछ।

बुटवल लिग चरणको अंकतालिकामा दोश्रो तथा बिराटनगर तेश्रो स्थानमा रहँदै इलिमीनेटरको लागि छनौट भएको थियो। चितवन भने लिगमा पांच वटै खेलमा अपराजित हुँदै सोझै फाइनल प्रवेश गरेको थियो।

पोखरा रंगशाला स्थित क्रिकेट मैदानमा जारि खेलमा टस हारेर पहिले ब्याटिंग गरेको बिराटनगर टाईटन्सले निर्धारित २० ओभरमा ५ विकेट गुमाएर १६५ रनको योगफल तयार गरेको छ।

बिराटनगरको लागि ओपनर सुनिल धमलाले सर्वाधिक ६१ रन बनाए। प्रतियोगितामा पहिलो अर्धशतक बनाउने क्रममा धमलाले ५४ बलमा ६ चौका र २ छक्का प्रहार गरे। यस्तै कप्तान प्रदिप ऐरीले आक्रामक ब्याटिंग गर्दै अविजित ३३ रन बनाए जुन क्रममा ४ छक्का र १ चौका प्रहार गरे। मोहम्मद जैद आलमले २० रन, लोकेश बम र पुनित मेहराले समान १९ रन बनाए।

धमलाले पहिलो विकेटको लागि जैद आलमसंग ३९ रनको दोश्रो विकेटको लागि लोकेश बमसंग २८ रनको तथा तेश्रो विकेटको लागि पुनित मेहरासंग ५७ रनको साझेदारी गरेका थिए।

इनिंगको अन्तिममा पाँचौ नम्बरमा ब्याटिंग गरेका ऐरीले आक्रामक ब्याटिंग गरे।  यस क्रममा अविनाश बोहराले गरेको अन्तिम ओभरमा उनले २ छक्का र १ चौका प्रहार गरे। बोहराले गरेको १८ औं ओभरमा ऐरीले एउटा छक्का तथा १९ औं ओभरमा ललित भण्डारीलाई एक छक्का उनले प्रहार गरे।

बुटवल ब्लास्टर्सको ब्लैंगमा हर्ष टोन्कले सर्वाधिक २ तथा ललित भण्डारी र अविनाश बोहराले १/१ विकेट लिए। सोमपाल कामि विकेट विहिन रहंदा ३ ओभरमा २२ रन खर्चिए। यस्तै ललितले ४ ओभरमा ३७ तथा अविनाशले ४ ओभरमा ३९ रन खर्चिए।





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]