किशोर महतोले अन्तिम ओभर मेडन राख्दा बिराटनगरको पहिलो जित : पिपिएल

Kishore Mahato


पोखरा प्रिमियर लिग अन्तर्गत पाँचौं दिनको दोस्रो खेलमा बिराटनगर टाइटन्सले बुटवल ब्लासटर्सलाई १२ रनले पराजित गरेको छ। प्रतियोगितामा बिराटनगरको यो पहिलो जित समेत हो।

रोमाञ्चक बनेको खेलको अन्तिम ओभरमा १३ रन आवश्यक रहंदा बिराटनगर टाईटन्सका किशोर महतोले सिद्धान्त लोहनीको विकेट लिंदै मेडन ओभर बलिङ्ग गरेपछि खेल बिराटनगरले आफ्नो पक्षमा पार्यो।

Sandeep Lamichhane Celebrating With Biratnagar Titans
Sandeep Lamichhane Celebrating With Biratnagar Titans

यस्तो थियो रोमाञ्चक अन्तिम ओभर :

बिराटनगरले दिएको १४१ रनको बिजयी लक्ष्य लिएर मैदान उत्रिएको बुटवललाई अन्तिम ओभरमा १३ रनको आवश्यकता रहेको थियो। क्रिजमा बुटवलका लागि संसाद शेख र सिद्धान्त लोहनी रहेका थिए।

अन्तिम ओभर बलिङ्ग गर्ने जिम्मा लिएर आएका किशोर महतोको पहिलो बलमा संसादले रन निकाल्न सकेनन्। ओभरको दोस्रो बलमा सिद्धान्त लोहनी बाई स्वरुप रन लिने चक्करमा रन आउट हुन पुगे। सिद्धान्तको स्थानमा ब्याटिंग गर्न आएका बिपिन खत्रीले त्यसपछिका ४ बलमा रन जोड्न नसक्दा बुटवल पराजित हुन पुग्यो।

Kishore Mahato (2)
Kishore Mahato (2)

त्यसअघि बिराटनगरले दिएको १४१ रनको लक्ष्य पछ्याउन उत्रिएको बुटवलका लागि भिम शार्कीले ५० तथा सागर पुनले २९ रनको योगदान गरेका थिए। प्रतियोगिताको दोस्रो अर्धशतक बनाउने क्रममा भिमले ४२ बलमा ४ चौका र १ छक्का सहित ५० रन जोडे।

यस्तै सागर पुनले ३३ बलमा २९ रन तथा शंकर रानाले १६ बलमा २३ रनको योगदान गरेका थिए।

Bhim Sharki, Shankar Rana
Bhim Sharki, Shankar Rana

बिराटनगरको बलिङ्गमा किशोर महतोले सानदार प्रदर्शन गर्दै २ विकेट लिए। आफ्नो ४ ओभरको स्पेलमा किशोरले १ मेडन सहित मात्र १२ रन खर्चिएर चिराग सुरी र रोहन मुस्तफाको विकेट हात पारे।

यस्तै सन्दिप लामिछानेको नाममा समेत २ विकेट रहंदा शाहब आलम र सुनिल धमलाले समान १-१ विकेट हात पारे।

पहिलो इनिंगको समाप्तिमा टस जितेर ब्याटिंग गरेको बिराटनगर टाईटन्सले ७ विकेट गुमाएर १४० रनको योगफल तयार गरेको थियो। टाईटन्सका लागि पाकिस्तानी खेलाडी मोहम्मद जैद आलमले सर्वाधिक ७२ तथा प्रदिप ऐरीले ४१ रनको योगदान गरेका थिए।

Md. Zaid Alam
Md. Zaid Alam

दोस्रो ओभरको दोस्रो बलमानै ललित भण्डारीले सुनिल धमलालाई पभेलियनको बाटो देखाएपछि बिराटनगरको सुरुवात राम्रो हुन सकेको थिएन। मात्र ३६ रन जोड्न दुई विकेट गुमाएको बिराटनगरको इनिंगलाई जैद आलम र प्रदिप ऐरीको साझेदारीले उकासेको थियो।

जैद र प्रदिपले तेस्रो विकेटका लागि ६७ रनको साझेदारी गर्दै बिराटनगरको इनिंगलाई उकासेका थिए। जैदले ४५ बलमा ६ चौका र ५ छक्का प्रहार गर्दा ७२ रन जोडे। यस्तै प्रदिपले भने ४३ बलमा ३ चौका सहित ४१ रन जोडेका थिए।

जैद र प्रदिप बाहेक अन्य ब्याट्समेनहरुले दोहोरो अंकमा रन जोड्न सकेका थिएनन् ।

बुटवलको बलिङ्गतर्फ ललित भण्डारीले सर्वाधिक २ विकेट (२.३ -०-१६-२) हात पारे। यस्तै बिपिन खत्री, संसाद शेख र सागर पुनको नाममा समान १-१ विकेट रह्यो।

Bhim Sharki
Bhim Sharki
Butwal Blasters
Butwal Blasters
Kishore Mahato
Kishore Mahato





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]