पिटर ट्रेगो र सौरभ खनालको बिष्फोटक ब्याटिंगमा धनगढीले जोड्यो १८२ रन : पिपिएल टि-२०



पोखरा प्रिमियर लिग अन्तर्गत तेस्रो दिनको पहिलो खेलमा सन्दिप लामिछानेको बिराटनगर टाईटन्सले दिपेन्द्र सिंह ऐरीको धनगढी ब्लुजको सामना गर्दैछ।

पहिलो इनिंगको समाप्तिमा धनगढीले पुरै २० ओभर ब्याटिंग गर्दै १० विकेट गुमाएर १८२ रनको योगफल तयार गरेको छ। धनगढीको इनिंगमा बिदेशी खेलाडी पिटर डेभिड ट्रेगोले सर्वाधिक ५३ रनको योगदान गरे।

मात्र ३८ रन जोड्न पहिलो तिन विकेट गुमाएको धनगढीको इनिंगलाई उकास्न ट्रेगोले कप्तान दिपेन्द्र सिंह ऐरीसंग ६० रनको साझेदारी गरे। दिपेन्द्र व्यक्तिगत २९ रनमा मुहम्मद जैद आलमको शिकार बने। त्यसक्रममा उनको ब्याटबाट १९ बलमा ४ चौका र १ छक्का निस्कियो।

दिपेन्द्रको विकेट पश्चात धनगढीका सुन्दिप जोरा, मन्जित श्रेष्ठ, रोबिन क्षेत्रि समेत पभेलियन फर्किंदा टोलि समस्यामा देखिएको थियो। अठारौँ ओभरको पहिलो बलमा पिटर ट्रेगो समेत व्यक्तिगत ५३ रनमा आउट भए। त्यसक्रममा उनले ३८ बलमा २ चौका र ४ छक्का प्रहार गरे।

Peter Trego
Peter Trego

ट्रेगोको विकेटपछि फिनिसिङको कमि देखिने अवस्थामा परेको धनगढीका लागि सौरभ खनालले बिष्फोटक ब्याटिंग गर्दै ४१ रन जोडे। मात्र १३ बलमा सौरभले २ चौका र ५ छक्का प्रहार गरे। सौरभको इनिंगले टोलीको स्कोरसमेत १८२ रनसम्म पुग्न सफल भयो।

बिराटनगर टाईटन्सको बलिंगतर्फ जितेन्द्र मुखियाले सर्वाधिक ४ विकेट हात पारे। महँगो साबित बनेका उनले ४ ओभरमा ४९ रन खर्चिए।

यस्तै किशोर महतो, सुनिल धमला, सन्दिप लामिछाने र मोहमम्द जैद आलमको नाममा समान १-१ विकेट रह्यो।

Saurabh Khanal
Saurabh Khanal
Jitendra Mukhiya
Jitendra Mukhiya





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]