पिपिएलमा दिपेन्द्र ऐरीको धनगढीको पहिलो जित, बिराटनगर ७८ रनले पराजित

Deependra Airee


पोखरामा जारि पोखरा प्रिमियर लिग प्रिमियर लिगमा सन्दिप लामिछानेको टोलि बिराटनगर टाईटन्स आफ्नो दोस्रो खेलमा पराजित भएको छ। प्रतियोगिताको तेस्रो दिनको पहिलो खेलमा बिराटनगरले धनगढीसंग ७८ रनको हार बेहोर्यो।

प्रतियोगिता अन्तर्गत बिराटनगरको लगातार यो दोस्रो हार समेत हो। यसअघि पहिलो दिनको उद्घाटन खेलमा पोखरा पल्टन बिराटनगर टाईटन्सलाई ५८ रनले पराजित गरेको थियो।

आइतबार दिनको पहिलो खेलमा पहिले ब्याटिंग गर्दै धनगढीले दिएको १८३ रनको लक्ष्य पछ्याउन मैदान उत्रिएको बिराटनगर १६.४ ओभरमा मात्र १०४ रनमा समेटिन पुग्यो।

 

बिराटनगरको चेजमा सुनिल धमलाले सर्वाधिक २१ रन जोडेपनि त्यो जितका लागि पर्याप्त रहन सकेन। यस्तै मुहम्मैद जैद आलमले  १९,   एन्टोन एन्ड्रयुले १८ र सन्दिप लामिछाने १० रन जोड्न बाहेक अन्य ब्याट्सम्यानले दोहोरो अंकमा रन जोड्न सकेनन्।

धनगढीको बलिंगतर्फ डेनियल लरेन्सले सर्वाधिक ३ विकेट (४-०-१७-३) हात पारे। यस्तै दिपेन्द्र ऐरीको नाममा २ विकेट रह्यो।

खेलको म्यान अफ द म्याच पिटर ट्रेगो घोषित भए।

Peter Trego
Peter Trego

यसअघि पहिलो इनिंगको समाप्तिमा धनगढीले पुरै २० ओभर ब्याटिंग गर्दै १० विकेट गुमाएर १८२ रनको योगफल तयार गरेको थियो। धनगढीको इनिंगमा बिदेशी खेलाडी पिटर डेभिड ट्रेगोले सर्वाधिक ५३ रनको योगदान गरेका थिए।

मात्र ३८ रन जोड्न पहिलो तिन विकेट गुमाएको धनगढीको इनिंगलाई उकास्न ट्रेगोले कप्तान दिपेन्द्र सिंह ऐरीसंग ६० रनको साझेदारी गरेका थिए। दिपेन्द्र व्यक्तिगत २९ रनमा मुहम्मद जैद आलमको शिकार बने। त्यसक्रममा उनको ब्याटबाट १९ बलमा ४ चौका र १ छक्का निस्कियो।

दिपेन्द्रको विकेट पश्चात धनगढीका सुन्दिप जोरा, मन्जित श्रेष्ठ, रोबिन क्षेत्रि समेत पभेलियन फर्किंदा टोलि समस्यामा देखिएको थियो। अठारौँ ओभरको पहिलो बलमा पिटर ट्रेगो समेत व्यक्तिगत ५३ रनमा आउट भएका थिए। त्यसक्रममा उनले ३८ बलमा २ चौका र ४ छक्का प्रहार गरेका थिए।

ट्रेगोको विकेटपछि फिनिसिङको कमि देखिने अवस्थामा परेको धनगढीका लागि सौरभ खनालले बिष्फोटक ब्याटिंग गर्दै ४१ रन जोडेका थिए। मात्र १३ बलमा सौरभले २ चौका र ५ छक्का प्रहार गरेका थिए। सौरभको इनिंगले टोलीको स्कोरसमेत १८२ रनसम्म पुग्न सफल भएको थियो।

Saurabh Khanal
Saurabh Khanal

बिराटनगर टाईटन्सको बलिंगतर्फ जितेन्द्र मुखियाले सर्वाधिक ४ विकेट हात पारेका थिए। महँगो साबित बनेका उनले ४ ओभरमा ४९ रन खर्चिएका थिए।

यस्तै किशोर महतो, सुनिल धमला, सन्दिप लामिछाने र मोहमम्द जैद आलमको नाममा समान १-१ विकेट रह्यो।

Jitendra Mukhiya





थप समाचार

पीएसएल : सरफराज कप्तानीको क्वेटाको लगातार चौथो हार

पाकिस्तान सुपर लिग अन्तर्गत बुधबार राति सम्पन्न लिगको १२ औं खेलमा शदाब खान कप्तानीको इश्लामावाद युनाइटेडले सरफराज एहमद कप्तानीको क्वेटा […]

आईपीएल २०२१ : चेन्नाईले अभ्यास सुरु गर्ने

भारतीय क्रिकेट बोर्ड ( बिसीसीआई ) १४ औं संस्करणको ईन्डीएन प्रिमियर लिग ( आईपीएल २०२१ ) आयोजना गर्न आयोजनास्थलहरु घोषणा […]

लिटल फ्लावर प्रिमियर लिग : धनगढीको शारदा र कञ्चनपुरको शारदा सरस्वती विजयी

धनगढीमा जारी विद्यालयस्तरीय राष्ट्रिय क्रिकेट प्रतियोगिता चण्डिका ग्रुप लिटल फ्लावर प्रिमियर लिग (एलपिएल) अन्तरगत आज भएका खेलमा धनगढीको शारदा मावि […]

काठमाडौँ मेयर कपको खेलतालिका सार्वजनिक

काठमाडौँ महानगरपालिकाको सहयोगमा नेपाल क्रिकेट संघ ( क्यान ) ले आयोजना गर्ने काठमाडौँ मेयर कप २०७७ एकदिवसीय प्रतियोगिताको खेल तालिका […]

कीर्तिपुरमा ‘ब्ल्याक बक खुला क्लब क्रिकेट प्रतियोगिता’ आयोजना हुने

प्लाई तानसेन तथा एन.जी.जी.सी. को आयोजनामा चैत्र ११ गते देखि किर्तिपुरमा ‘ब्ल्याक बक खुला क्लब क्रिकेट टि-२० प्रतियोगिता’ आयोजना हुने […]

रुपन्देही सुपरलिग : नितेश चम्किदा जीआरलाई सफलता

प्रकाश न्यौपाने, भैरहवा, फागुन १८ रुपन्देहीको भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत मंगलबार भएको […]